📸 شوية أفكار من شلال الأفكار يلي انصبّ بذهني وأنا عم أقرأ هالاسم الرائع:

〰️ صعب إنه الإنسان يقول عن نفسه "عايش" وهو ما بيعرف شي عن ربّه جلّ وعلا، صدقني نحنا بدون العلم به تبارك وتعالى أموات بصورة أحياء.

〰️ يا ريت لو يعرف أرباب الصحة النفسية الكفّار أنه الصحة النفسية حتكون أسهل بمليون ضعف لو آمنوا بالله عزّ وجل! (الصحة النفسية غير المرضية المتعلقة بالنواقل وكذا)
ويا ريت يُدركوا المسلمين عِظم تأثير المعرفة بالله جل وعلا عالنفسيّة والمشاعر والحركة بالحياة.

〰️ تذكرت هديك الإنفلونسر يلي بتهاجم التربية الدينية للطفل، وخطرلي عنجد: يا ترا الطفل بيحتاج لشي بالدنيا كلها أكتر من الإيمان؟

⏺️سلّحوهم بالإيمان، ازرعوا الإيمان بأنفسكم أولًا بعدين بأنفس أهلكم وأصدقائكم وأبنائكم، الإيمان هو أكتر شي نحنا بحاجته عنجد!
هي الدنيا بالتطوّر السريع والتقلبات الهائلة يلي عم تصير؛ ما فيها شي قادر ينتشل الإنسان من الهمّ والغمّ وينقذه من الظلمات إلى النور ويوجّه حركته صح إلا الإيمان بالله عز وجل، وكل شي تاني بيجي بعدين.

#فضفضة_إشراقية
📎 منشور للحذف

هذه الاقتباسات مخلّة جدا بحقّ الكتاب، فالكتاب أساسًا مُختصر جدا وموجّه للعامّة - نحنا يعني 😌 - وللحقّ: الكتاب لا يُقرأ فقط وإنما يُحفظ، لتركيز معانيه وغزارتها وقوة تأثيرها على القلب 😀

#إشراقة_تقرأ 📚📱

#اقتباسات من كتاب #هنيئا_لمن_عرف_ربه 🕯️

اسمُ الله "الوكيل" 👇🏻

اقترحوا لنا أفلامًا وثائقية للعطلة ?

وثائقي مو بالضرورة طبيعة وكائنات حية، وإنما عن أي موضوع مهمّ ?️

أي بنت لسا عندها تساؤلات عن دفعة العلياء بأكاديمية هندسة الأجيال وعن الدبلوم وطبيعة الدراسة وغيره وغيراته..

غدًا إن شاء الله يوجد لقاء تعريفي نسائي ونيس ?
https://t.me/handastajyal/1809

فلا تفوّتن الفرصة!

وبكلّ الأحوال حيكون أكيد شي مهضوم ولذيذ مع جماعة الهندسة بإذن الله ??

. لأهمية هذا الموضوع حابة أسمع آرائكم بالتعليقات حول نفس الموضوع، هل الدورات فعلا عالفاضي؟ وهل يستوي الذين يعلمون والذين لا يعلمون؟

طبعا أنا ما عم أنفي أهمية التذكير!
أكيد الإنسان بحاجة لمين يذكره بين فترة وفترة بالعبادة والإحسان و و و ..

بس عم قلكم انه غالب المحتوى عم يكون عناوين عريييضة، وحكي فضفاض ملفت برّاق، بس بالحقيقة على فافوش.

التنظير مااا في أسهل منه! والله.. روح هلأ شوف بودكاست على يوتيوب بأي مجال، حرفيا بأي مجال، بيطلع معك ١٠ بوستات تنشرهم للناس ويسفقولك ?? طيب ليش الناس بتصفّق لمؤثرين أكثر من عاديين على السوشال ميديا؟ ببساطة شديدة: بسبب الجهل لما يجي حدا يحكي بإدارة الأعمال…

التنظير مااا في أسهل منه! والله..

روح هلأ شوف بودكاست على يوتيوب بأي مجال، حرفيا بأي مجال، بيطلع معك ١٠ بوستات تنشرهم للناس ويسفقولك ??

طيب ليش الناس بتصفّق لمؤثرين أكثر من عاديين على السوشال ميديا؟
ببساطة شديدة: بسبب الجهل
لما يجي حدا يحكي بإدارة الأعمال وأنا ما بفهم فيها، إذا بيحكي أي شي بيقدر يلعب بعقلي لإنه ما عندي خلفية سابقة عن الموضوع.

لذلك: بتشوف عالسوشال ميديا خييير الله حكي حلو، وخير الله حكي نظري بياااخد العقل وصحيح نظريا، لكن غير قابل للتطبيق عمليًا أو صح من جانب واحد دون مراعاة بقية الجوانب ?

ولهيك السوشال ميديا عملت كوارث بحقّ الناس، وموضة التدريب وتعليم الأقران و و و، عملت مصايب.. لإنه الأستاذ المؤثر يلي عم يحكي غير مؤهل إنه يحكي، الشغلة أكبر بكتير من حدا عنده مهارات عرض وبيعرف يصفّ كلمتين جنب بعض!

من أجل كل ما سبق، ما رح ملّ بحياتي قلكم: تعلموا!
العلم الحقيقي الصحيح من مظانّه، وتعلم الحكمة بشكل خاصّ، هدول الوسائل الوحيدة للحماية من سيل المعلومات يلي عم ينهال علينا على مدار الساعة ?

.

فيه معيار كتير قوي بالعلاقات بقلّك انك بالمكان الخطأ أو مع الشخص الخطأ: لما تحسّ مع هالشّخص انك مطفي! أو سيء، أو غير كافي.. لما يخمد إشراقك وتروح ابتسامتك، وتموت روح الفراشة يلي جوّاتك..

سبحان الله قال لما تقدّم لحدا كاسة شاي في شخص بقلك تسلم ايدك وشخص تاني بقلك الشاي ناقص سكّر، الناس بالحياة تماامًا هيك !

هي العلاقات سامّة ولا تصلح للمدى الطويل.. بيخطرلك سؤال: يا إشراقة حتى لو هالشخص عم ينصحني؟ حتى لو عم يؤمرني بالمعروف وينهاني عن المنكر؟

= اي، حتّى لو عم ينصحك.
مين قال انه نحنا بنفوت بعلاقات مع الأشخاص بس مشان نتطوّر؟ هاد تصوّر مو بس ملائكي، هاد تصوُّر مفزلك وبلا طعمة، ما حدا بالحياة بحبّ الشخص يلي بينتقده عالطالعة والنازلة ولو من باب "النصيحة".
أخي شايفني عاطل لهالدرجة وما فيني باب بيفتح قبلة؛ اعتقني لوجه الله!
بس الانتقاد عالطالعة والنّازلة، والتكسير عالطالعة والنّازلة؛ هاد بيحرق العلاقات، بيطفي الإنسان، بيمحي كل الشغلات الحلوة يلي بنعاشر الناس كرمالها.

لا تتواجد إلا مع يلي بخلّيك تتلوّن ?
تتلوّن بألوان الحياة والحبّ والسعادة والعطاء، بنبّهك على جوانبك الحلوة قبل السيئة، بخليك تطير وترقص وتوزّع طاقة على كلّ الدنيا .. واوعك تصدّق انه الدين والنصيحة بخلّونا ننطفي! النّاس يلي مفهمتك هالشي هي أسوأ تمثيل للدين.

لا يا صديقي، ربّنا جلّ وعلا قال لرسوله الكريم يلي كل الدنيا بتشهد له بكريم الأخلاق: {ولو كنت فظًا غليظ القلب لانفضّوا من حولك} .. !

يا رب كل أيامكم سعادة وإشراق وحسن خلق ??