موشح. بعنوان ((نداء الخدر))

وين هاشم خل تسل سيوفها
وتعتني الحره وتحل اچفوفها
??????????????
وين هاشم خل تشيل الرايه
تگصد الكوفه بعجل عنايه
هالمصيبه شلون صارت هايه
بقت زينبكم بلاء حماية

تروح مسبيه ويزيد يشوفها
تعتني الحره وتحل جفوفها

??????????????
وين هاشم خل يهدون بعجل
تنسبي النسوان هذا المو سهل
يا خوات حسين صعدن عالهزل
مگبعات بمستحه وعفه وخجل

مثل كعبه والحجيج اطوفها
تعتني الحره وتحل اچفوفها
??????????????
يا ال طالب وينكم يهل الوفه
مادريتوا بناتكم متچتفه
خبر ما عدكم يأهل المعرفه
بنوركم يهل المناهل من طفه

اوسط ضلمه والعقيله يعوفها
تعتني الحره وتحل اچفوفها
??????????????
وسط ضلمه وطفه الكم ياضوه
مادريتوا حسينكم بالطف هوه
من وگع عباس حمال الوه
نگطع ظهر حسين وجفوفه سوه

وضيعت چنها العرب معروفها
تعتني الحره وتحل اچفوفها

??????????????
ضاعت الغيره ولا ضل بيها
خير الهاي الحرم يحميها
تنسبي بنات النبي تاليها
بس علي السجاد عينه عليها

يصبر العيله ويأمن خوفها
تعتني الحره وتحل اچفوفها

???????????
تمت بعون الله

خادمة الموعود الغزي
١٤٤٥

السلام عليكم خدام الحسين (عليه السلام)

القصائد ? سوف ينزلن كاملات بمشاركة
الاخوات الشاعرات. بقناتنه العامه
رابطها ادناه?

قصيدة للإمام علي ((عليه السلام))

تون عليك٠٠٠ ياحيدر يتاماك
مخضب يالوصي هايوم بدماك
➖➖➖➖➖
مخضب بالدمه ياناصر الدين
راسك يالولي مشطور نصين
عليك الكون اضلم يابو حسين

واركان الشريعه اليوم تنعاك

خادمة الموعود الغزي
➖➖➖➖➖➖

يادكتور ٠٠خبرني عن أحواله
جاوبني الصواب يطيب يولاله
➖➖➖➖➖➖
يكللها الجرح مسموم مايشفه
حالت والالدج مستعصيه وكلفه
من گد الألم سهران ما يغفه

ياحيف الأجل كلش تدناله
يادكتور ٠٠خبرني عن أحواله

خادمة الموعود الغزي

➖➖➖➖➖➖

قصيدة للإمام علي (( عليه السلام))

يشيعه الله اكبر طبروا الهامه
وطاحت عالارض ياحيف لعمامه
➿➿➿➿➿➿
صاحت نايحات بمسجد الكوفه
عمامة حيدره بالكاع مگطوفه
ولده والصحاب عليه ملهوفه

اوي صوت الاذان اتصرخ ايتامه

يشيعه الله اكبر طبروا الهامه
خادمة الموعود الغزي
➖➖➖➖➖➖