«Кантэнт можна рабіць дастаткова танна, проста чамусьці шмат людзей пачынае арандаваць студыі, абсталяванне, людзей. І ў выніку адзін выпуск каштуе 2 000 даляраў»

«За пяць гадзін я атрымліваю адзін выпуск кантэнту, які праглядае ад 1000 да 10000 чалавек»

🎬💰 Файная лекцыя Аляксея "АйЦіБарады" Картынніка пра тое, як пачаць рабіць свой канал, колькі гэта каштуе, а таксама як гэта ўсё манетызаваць і прасоўваць.

Глядзіце цалкам па спасылцы:
➡️ https://www.youtube.com/watch?v=qDMFr9MB0kw

YouTube дае маркіроўку, створанага з дапамогай нейросетак, кантэнту ⚡️

Мера накіравана на барацьбу з фэйкавай інфармацыяй.

У бліжэйшыя некалькі месяцаў YouTube увядзе новыя правілы, каб карыстальнікі сэрвісу маглі выразна разумець, калі перад імі згенераваны ролік, а калі сапраўднае відэа.

Цяпер аўтары абавязаны самастойна маркіраваць кантэнт:
✔️ цалкам створаны нейрасеткай;
✔️ калі зменены твар і голас чалавека;
✔️ дададзена невялікая праўдападобная дэталь.

Новаўвядзенне не распаўсюджваецца на выкарыстанне рэтушы, фільтраў прыгажосці і нерэалістычны кантэнт.

❗️ Аўтары, якія не будуць выконваць новыя правілы і адмовяцца ад маркіроўкі ШІ-кантэнту, падвергнуцца штрафам. Апублікаваныя імі відэа могуць быць выдаленыя, а самі аўтары могуць быць адключаны ад манетызацыі.

YouTube прадставіў новы інструмент мадэрацыі каментароў «Паўза» 🤩

Калі раней у аўтараў было толькі дзве магчымасці працы з каментарамі: поўнасцю адключыць іх ці захоўваць каментары для праверкі ўручную, то цяпер можна спыняць дадаваць новыя каментары, пакідаючы наяўныя.

Новаўвядзенне дазволіць аўтарам каналаў абстрагавацца ад кіравання каментарамі, калі яны становяцца празмерна перагружанымі.

Опцыя «Паўза» размешчана ў наладах, у верхнім правым кутку панэлі каментароў на старонцы прагляду ў дадатку або ў YouTube Studio.

🤔 Ці будзеце карыстацца?

YouTube запусціў эксперыментальную функцыю Playables адмыслова для падпісчыкаў Youtube Premium 😲

На дадзены момант YouTube Playables уключае 37 гульняў ад галаваломак да гонак.

Скарыстацца гэтым раздзелам можна як у мабільным дадатку, так і ў вэб-версіі відэахостынгу.

Эксперымент працягнецца да 28 сакавіка, пасля чаго функцыя можа быць запушчана на сталай аснове, а пералік даступных гульняў пашыраны. Для таго каб прыняць удзел у тэставанні, неабходна мець падпіску Youtube Premium і прайсці адмысловы адбор адміністрацыі YouTube.

🤔 Ці дазволіць такі від кантэнту на большы час утрымаць аўдыторыю на платформе?