صلو على من تدخلُون بشفاعته دار السلام
‏اللهم صلِ وسلم على نبينا محمد

‏وآنسنا بمحبة ما يخصنا، ولا تطمعنا بما هو لغيرنا

‏لا بغيت تجي لك الدنيا على ماتبغي
‏ناطح الدنيا بـ قلبٍ ما يحاتي بكره

‏لا شأن يلزم ولا يعلو على شأنك
‏والعمر لامن وقف ماينطلب مُهلة

‏يارب ما أرجي سوى عفوك وغفرانك
‏والعيشة الهادية والموتة السهلة

‏لو استغفرت مره وحده بالليل كتبت
من المستغفرين بالاسحار
‏ استغفرالله واتوب اليه

‏يا حبيبي يوم فلّ الليل لوعة ساهرينه
‏الصبح ما كان اخف الا جعلها سرمديّه

‏كل مابانت خيوط الشمس من شرق المدينة
‏ما ذكرت الا سنَاك وما فقدت الا مجيّه

البارحة تقريب في حزة عصير
‏كنه خفوقي قطعن في دار السفا
‏
طرا علي الحب الاول والاخير
‏اللي معلقني على جسر الجفا
‏
وش هو سبب هالصد والدنيا بخير
‏ليته مأكد صددته والا نفا
‏
ماني بناقص هم تكفى يالعشير
‏جفنك ينام وجفن غير ما غفا

فاضي لو اني من طواريك مزحوم
‏والله اعلم وش من الشغل قدّام

‏موّالي من سنين ، موالي اليوم
‏وهكذا تقريباً من اربع اعوام

‏ماعاد في صدري من اخبار وعلوم
‏الا انه يحسب لخطاويك الأيام

‏يبدا يحاتيك اول الصبح ويقوم
‏ويرجع يحاتيك اخر الليل وينام

‏النفوس خيول والخيل ما معه معدا
‏والبنادم فوقها لا عنان ولا لجام

‏ما يسمي أي حاجة على طول المدى
‏يختلف بالتسمية كل شهر وكل عام

‏إن يبس ريقه يحارب على قطرة ندى
‏و إن روى عقب الظما يرفع شعار السلام

‏و أنت يا اللي كل ما جا من عيونك فدى
‏من تباريح السهر لي دهاليز الهيام

‏غلطتك يوم الغلا راح بـ عيونك سدى
‏وغلطتي أصغر بواجد من عتاب وملام

‏مت أنادي ولا يرد لـ نداي إلا الصدى
‏ومت أكثر بـ الكلام وماهي بلحية كلام

‏كيف من كنت لـ هبوبه تمايل وتحدى
‏صرت لا من هب من شرق أخذت ورحت شام

‏كل شي يهون من ما حصلي ماعدى
‏أنك تسهرني الليل و تروح وتنام

‏مدري ميّت قلب من طيب ولا من ردى
‏هقوتي أنك ما تعرف الحلال من الحرام

‏ضحكتك يوم نتوادع و أنا مالي جدى
‏ما تهادت كثر ما زادت بـ قلبي حطام

‏بعض القصص تبدأ من السطر الأخير
‏علّـم ليالينا تشدّ حزامها

‏أنا معاك أصيّـر اللي مايصير
‏وأغلِب ظروفك لو تحطّ أحكامها

‏طوّلّت لك بالي وأنا بالي قصير
‏والليلة اللي نمتها ما أنامها

‏ياللي جديلك كنّه خيوط الحرير
‏بشّر هوى نفسك بقرب أحلامها