Тиббиёт ходимлари куни муносабати билан Шўрчи тумани ҳокими Акбарали Ишмурзоевнинг соҳа ходимларига байрам табриги
**Ассалому алайкум!

Қадрли шифокорлар, азиз тиббиёт соҳаси фидойилари!**
Жонажон Ватанимиз дунё ҳамжамиятида ўз обрў-эътиборига эга бўлиб, қалбимизга фаровон ҳаёт завқи олам-олам қувонч бахш этаётган шу қутлуғ кунларда, барчамиз юртимизнинг яна бир улуғ айёми – "Тиббиёт ходимлари куни”ни кенг нишонламоқдамиз.

Фурсатдан фойдаланиб, фидокорона меҳнати билан халқимизга мустаҳкам сиҳат-саломатлик улашиб келаётган Сиз азиз тиббиёт ходимларини ва сизлар орқали туманимиздаги барча соҳа фидоийларини касб байрамингиз билан чин қалбимдан самимий табриклайман.

Шифокор деганда, ҳар биримизнинг кўз ўнгимизда қалб меҳри ва касб масъулияти билан дардларга дармон бўлаётган, соғлом авлод дунёга келишига ҳиссасини қўшиб, фидойилик намуналарини кўрсатаётган саломатлигимиз посбонлари намоён бўлади. Зеро, муҳтарам Юртбошимизнинг: “Соғлиқни сақлаш соҳаси ҳақида гапирганда, бир ҳақиқатни эсимиздан чиқармаслигимиз лозим: тиббиёт ходимлари бизнинг саломатлигимиз посбонларидир. Уларга халқ ишониши, улар эса халқни ишонтира олиши керак”, деган пурмаъно сўзлари Сиз азиз тиббиёт ходимлари фаолиятига берилган энг юксак баҳодир.

Қадрли соҳа ходимлари!
Барчангизга мустаҳкам сиҳат-саломатлик, оилангизга тинчлик-хотиржамлик, шарафли ишларингизга улкан муваффақиятлар тилайман.

*📱Telegram  ✅ Facebook 🎞Youtube 🔎Web-site 🌐Instagram 🕊***Twitter

"Эл манфаати йўлида хизмат қиладиган номзодларга овоз бердим"

Батафсил👉https://diyor24.uz/62442Diyor24.uz расмий канали👇****You tube | Telegram | Facebook | Instagram