Егер хейтерлерің көбейіп, артыңнан сөз айтып, аяғыңнан шалғысы келсе, онда Алланың мына сөзіне амал ет:

“Елемеушілікті ұстан, жақсылыққа бұйыр және надандардан теріс айнал!…”

7:199

ҚАРЫЗДАН ҚҰТЫЛУҒА КӨМЕКТЕСЕТІН ДҰҒА:

ٱللَّهُمَّ مَٰلِكَ ٱلْمُلْكِ تُؤْتِى ٱلْمُلْكَ مَن تَشَآءُ وَتَنزِعُ ٱلْمُلْكَ مِمَّن تَشَآءُ وَتُعِزُّ مَن تَشَآءُ وَتُذِلُّ مَن تَشَآءُ ۖ بِيَدِكَ ٱلْخَيْرُ ۖ إِنَّكَ عَلَىٰ كُلِّ شَىْءٍ قَدِيرٌ

Аллаһуммә мәәликәл мулки ту˚тил мулкә мән тәшәәʻу уә тәнзиъул мулкә миммән тәшәәʻу уә туъиззу мән тәшәәʻу уә туǯиллу мән тәшәә˚, би-йәдикәл ẋайр, иннәкә ъаләә кулли шәйин қадиир

“Уа, барлық билік Өзіне ғана тиесілі болған Аллаһым!
Сен қалаған құлыңа билікті бересің және қалаған құлыңнан билікті тартып аласың, Сен қалаған құлыңды үстем етесің және қалаған құлыңды қор қыласың, Барлық жақсылық атаулы тек Өзіңнің иелігіңде, Расында, Сен барлық нәрсеге Құдыреттісің”

Көбісі намазға келу мен Исламға келу деген ұғымды шатастырып жүр.

“Исламға келгенге дейін осындай болдым” немесе “Досың Исламға келсе осылай жаса” деген сияқты сөздерді айту бізге қате! Неге?

Себебі бұндай сөздерді бұрын басқа дінде болып, кейін Исламды қабылдаған адамдар айтады.

Біздің олай айтуымызға болмайды, себебі біз туылғаннан мұсылманбыз, әке-шешеміз, аталарымыз мұсылман, балиғаттан бастап намаз оқымасақ та, Аллаға, Құранға сендік.

Исламға келдім деп емес, Алланың қалауымен һидаятқа келдім (яғни, тура жолға келдім) деп айту дұрысырақ болады

Исламға келдім деп жүрген бауырларға айтарым: “Сонда Исламға дейін қайда болдың?…”

Кейде біреуге жағамын деп өзіңді жеп қоясың, ақырында ол сені жақтырмақ түгілі, сені бағаламайды да, бекерге қадіріңді кетіріп аласың. Өйткені адам қиын, мінезі ауыспалы жаратылыс. Түбінде тек Аллаға ғана жағыну керегін түсінесің. Неге? Себебі Аллаға жағынсаң, Оған сүйкімді боласың, қадір-қасиетің, адамдардың алдында абыройың артады, Ол сені тастамайды, бетіңнен қақпайды, себебі - Ол Алла! Ол әлсіз емес, Ол - Ұлы, Ол - Мейірімді, Ол - Жанашыр, ішкі және сыртқы дұғаларымызды Естуші, біздің хәлімізді Көруші, күнәларымызды Кешіруші, ата-анамызды, бала-шағамызды, бізді аман етіп, ризығымызды молынан беріп отырған, жүректеріміздің Иесі болған Ұлы Жаратушы Раббымыз!… ?❤️‍?

Адамға Раббысына құл болудан артық авторитет жоқ. Себебі:

“ЕГЕР АЛЛАҒА ҚҰЛ БОЛМАСАҢ, АЛЛАДАН ӨЗГЕ БАРЛЫҚ НӘРСЕГЕ ҚҰЛ БОЛАСЫҢ …”

Жасарыңды жасап алып, “Ислам идеялен, а я нет” деп ақталғанды қою керек!

Түсінгенім, айналаңдағылардың намаз бастағанын қаласаң, әртүрлі нәрсе айтып уағыздай бергеннен гөрі жәй ғана намазхан болып жүруіңнің өзі жеткілікті екен.

Кейбір адамдарға сөйлей бергеніңнен гөрі, ісіңмен көрсеткенің қаттырақ өтеді, реалисттер солай жақсырақ қабылдайды