يلا حياتي صلاة الليل وزيارة عاشوراء ??

لا تنسون تخففون اكل لحم الاحمر هاي ٣ ايام وقللو اكل بصورة عامة واكثرو من الصلاة على محمد وال بيت محمد

واهم شيء صلاة الليل ركزو عليها

ابد لتتركوها انا اريدكم تصلونها علمود محد تتركها لان فرصتكم برمضان تتعودون عليها ??

لا تنسون اليوم ? سورة طه ?مرة وحدة تقراها امكم اذا متعرف تقره خلوها تسمعها وتردد وراها هسه حتى تلحك.

اما الي امها تعرف تقرا فخلي تقراها قريب ساعة ٦

ومن بعدها تكرر الآية ٧ مرات
بنية تسهيل زواج البنت وابعاد المعقيات عنها مثل الحسد القوي السحر التابعة الحواجز الخوف التردد

? الاية هي ?
هو الذي خلق لكم من الماء بشرا فجعله
نسبا وصهرا وكان ربك قديرا

اشربي الماي اول ما تفطرين
وخلي الباقي امسحي جسمج كله بي وامسحي وجهج وتحت الانف والجبهه الظهر والصدر ?

?انتم هيج صيرو بالسفر او بالطريق ?

للجامعة ، المدرسة لو وجه تستمعون لدعاء
لو قصائد خلو سماعات وافصلو عن الخط وسوالف البنات والقال قيل وعن اغاني ابو الخط ذمة بركبتها ليوم الدين الي تكعد يم سايق او ورا وتغني وتقبل بالاغاني داخل الخط والي تهلهل وتصفگ وترضى بهيج استهتار خلي سماعتج بأذنج وافصلي عنهم

???

اذا كُلش استمعي للكتب اكو كتب وقصص حلوة بيها عبرة حملوها واستمعو او مثلا
بوكاست لقاء مع اشخاص عدهم الهام واشخاص تتعلمون منهم خبرة وشغلات حلوة مثل علم النفس وعن الاسرة وعن تطوير الذات اتعلمي لغة جديدة واسهلها الفارسية وقريبة على العربية اهواي او انجليزي يفيدكم حتلو كل يوم كلمتين منا لسنة عندكم ٣٠٠ كلمة وين اكو احلى من هيج بعد ✨

? جزء من قصة التغيير الصابني ?

? وشون تركت الاغاني نهائيًا ?

قبل سنوات جنت استمع للموسيقى الحزينة والاغاني وابجي اطلع اغاني حزينة ما ادري شجنت احس وفوك همي يزيد هم..

دخلت على الامام علي عليه السلام
وحجيت العندي اله واتجهت لله انو يهدي قلبي ويبعد عني كل ضيق وهم مجنت اعرف واحد من الضيق والهم اجاني من الاغاني

في ليلة ويوم صارت تظهرلي فديوات عن الاغاني وشون هي حرام باليوتيوب وبالانستكرام قسم بالله صار ينطيني اشارة بكل مكان انو اول سبب لهلاكي جانت الاغاني من ساعتها حذفت كل الريلزات وحذفت كل الاغاني وطلعت من القنوات الي باليوتيوب وبكل مكان واي احد ينشر اكتم صوت الاغاني مالته النوب صرت ما اتابع احد حتى لا احصل ذنب منه
تعلق قلبي بالقصائد والقرآن الاناشيد الاسلامية المواليد النوب بقيت ما اروح لاي مكان بي طرب لا حفلات لا اعراس لا تخرج
وين ما يعزموني اتعذر عن الحضور

اي مول محل ادخله بي اغاني اطلع بدون ما احجي حرف واحد صرت اشتري حاجاتي وفواكهي من محلات بنص السوك بعيد عن المولات لان بالسوك مستحيل تلكه محل بي اغنية الا ما ندر فهيج انا مرتاحة

صرت اسمع القرآن وابجي اسمع قصائد
عبالك ديحجون وياي وكل البجي مالتي
على الحسين عليه السلام وعلى اهل البيت

من بعد ما جان على اشخاص من بعد ماجان على نفسي صرت ابجي على الحسين كلما ضاق خلكي يحتسبلي اجر وسيدتنا فاطمة الزهراء عليها السلام مراح تنسى دموعنا على اولادها الامام علي ديشوف ويعرف منو دموعة صادقة

انا فرحانة اهواي بهذا التغيير الكبير
فرحانة بهاي النقلة العجيبة
وان شاء الله يصيبكم وتتغيرون وتتقون الله
وتبتعدون عن اللهو والطرب وعن اي شخص مهما كانت مكانته ومهم عندكم وهو يسمع انصحو ما استقبل نصيحة ابتعدو عنه بكل هدوء اشترو راحتكم واشترو أخرتكم.

بنية إصلاح العلاقة بأي شخص كان ومهما كانت صعوبة العلاقة او ظروفها حتى لو كان هناك قطع وتردون صلح بين الام والاب الاقارب الاخوة الحبايب

‏أيضاً بنية التسخير وقضاء الحوائج اياً كانت
‏أقروا سورة ( المرسلات ) بهذه النيّة بعدد مفتوح حتلو مرة او مرتين كيفكم

? هاي الصلاة الابراهيمية ?

اللهم صل وسلم وبارك على محمد وال محمد كما صليت وسلمت وباركت على ابراهيم وال ابراهيم في العالمين انك حميد مجيد.

يعني اتمنى انو بوقت الريست العندكم او وانتم رايحين للدوام اقروها ٥٠ مرة وحتشوفون بعد شهر التغييرات ، للهم والغم، والأكتئاب، للنصرة، للقلق ، للذنوب ، اعظم علاج لتحقيق الامنيات مهما كانت مهما كانت والله
حتى الي امها ابوها اخوها او هي تعاني من مرض وتريد تتشافى تذكرها كل يوم بنية الشفاء

بنات عليكم بالصلاة الابراهيمية حتى وان كانت ٥٠ مرة مبدئيًا ماكو كل مشكلة اهم شيء تستمرون عليها وتلتمسون فوائدها وشگد هي جبارة وتحقق الكم الي مستحيل يتحقق بعون واذن من الله