«Къонах мила ву хаьий хьуна? Къонах ву хьуна валлахIи, шена дукха дезаш долу хьарам хIуманца ша цхьаъ висина, и хIума дан шен ницкъ кхаьчча, АллахI дагавеана ойла йинарг, тIаккха АллахIана ша гуш вуй хиъна шен Делах эхь хеттарг».

Шайх Халид ар-Рáшид
(АллахIа Iалашвойла иза)

Кхаъ бу хьоьга, хlaй Мухьаммадан уммат, хьуна тlехь сийсазалла дукха лаьттар йац.

Шайх Халид ар-Ра́шид
(АллахIа Iалашвойла иза)

«Ихлас бохург – иза ахь АллахIан дуьхьи бен, кхин цхьанне дуьхьа Iамал цайар ду».

Шайх Вахьид Iабдус-Салам Балий
(АллахIа Iалашвойла иза)

«Аллахӏан Элчано ﷺ аьлла: «Шамера нах талхахь цхьа а дика дуьсур дац шуьгахь.»

И бохург: цигара нехан хьал галдалар, дерриг умматан хьал галдаларан билгало йу.»

Шайх ӏабдул-ӏазийз ат-Тӏарифий
(АллахIа Iалашвойла иза)

Хьан ирс хьуна чохь ма ду. ТӀаккха генахь хӀунда лоьху ахь и, я и лаха араваьлла (кхерсташ) хӀунда лела хьо? Хьан ирс ахь АллахӀ цхьаъ варехь ду хьуна!

Хьан ирс АллахӀана массо а агӀора хьо реза хиларехь ду хьуна.

Хьан ирс дика доттагӀий хиларехь а, доллучунна ницкъ кхочуш а, доллучу къинна гечдеш а волчу АллахӀан жайни элпех хӀора элпаца цхьаьна вахарехь а, Ша саннарг кхин воцург а, доллучунна ницкъ кхочург а хьехаварца там хиларехь а ду хьуна.

Хьан ирс боберана а, мискачунна а, цомгушчунна а, бала хьоьгучунна а, сингаттамехь волчунна а велакъажар а, царна хазахетар дар а ду хьуна.

Хьан ирс дуьненехь гӀехьалла гайтарехь а, шена чохь бӀаьргана ца гинарг а, лергана ца хезнарг а, адамана дага ца деънарг долчу, ялсаманин ниӀматаш хилийта гӀертарехь а ду хьуна.

Шайх Махьмуд ал-Мисрий
(АллахIа Iалашвойла иза)