حتى گلب امي تغير
مو نفس ذاك الگلب
مدري كبرت مدري ملّت
مدري حل وضعي صعب
وكمت ما اسمع حچيها
اخ لمن چنت جاهل
اخ لمن چنت اگب
ولمن ابچي تصيح بيه
وامسح دموعي غصب
كون تنكت مني حزني
نفس ما تنكت هدومي
لمن اوگعلي بدرب
بخيبـة مُظَفر النواب من گال :
" بهاي جازيّت إنتظاري "
"تانيتك عُمر يالنص شَهر مابيكّ"
انا تعبان افهموني
تطلع روحي كل ساعة
اذا ما اموت موت الله
اسوي الليلة طرگاعة
على عيوني التعب گاعد
غراب وينهش بجثة
اضم عيوني بيديا
امثل عود اريد اغفى
افهموني الوجع اكبر
بعد ما ينضم بغرفة
صياح وناس جاي تموت
احس براسي مستشفى
من انامن لا تكعدوني
اعتبروني نمت ظالم
ومو شرط النفس موجود
الميت يعتبر نايم
انا ابن ادم مثلم
اجذب لو كلت سالم
القلق يمشي بشرايني
اخافن لو نمت وحدي
خدعوني وعشت هلكد
كالوا فترة وتعدي
بعد ماعندي كل طاقة
وصلت وياهم لحدي
يكتل نفسه بسلاحه
اذا يتحاصر الجندي
على غفله مشيتو عاد ودعونه تره اليكتل كتل هم عطوه ينطونه
على غفله مشيتو عاد ودعونه
تره اليكتل كتل هم عطوه ينطونه
غريب أني ..
وغريبة طيور عُمري إباب بستاني
طفل وإتذكرت لعبي ويّ صحباني
أحن لسطوح جيراني
أحن يسطوح جيراني
أطيح من السطح ما موت
لأن أرض أتلگاني
غريب أني ..
الشوارع كُلها مو مني
ولا تصوير يشبهني
وحتىٰ هناك المرايات
بيها أني وجه ثاني
غريب أني ..
الغُربه ..
من تلگه صناديگ
الرسايل فارغه
ومامش جديد
وتكتب الروحك رسالة
فشله من ساعي البريد