Mohsen Namju (forscha: محسن نامجو) eronlik qoʻshiqchi, shoir, bastakor va musiqachi. Uning musiqiy uslubiga blyuz, rok, shuningdek, Eron xalq musiqasi taʼsir koʻrsatgan.

Namju 1976-yil 4-martda Eron shimoliy-sharqidagi Razaviy Xurosonning Torbat-e Jom shahrida tug‘ilgan. Mashhadda oʻsgan. Oʻn ikki yoshidan klassik fors musiqasini oʻrgana boshlagan. Yoshlik chogʻlarida Gʻarb musiqasini tinglashga tutinib, Jim Morrison, Erik Klapton va Kris de Burg kabi musiqachilarga qiziqib qoladi.

Shu yerda uning muhtasham konsertiga havola qoldiryapman.

@humoyunfattoh

Ozodaga

Qo‘shtepa,
ko‘chalar olmali, qushli,
Erta kirib kelar, kuz – sohibjamol.
Har doimgidan ham esmoqda kuchli,
Demak, sochlaringni sog‘ingan shamol!

Kuylagim kelyapti, tevarak jimdir…

So‘zingni hijjalab etaman tafsir,
O‘zgarib ketadi butunlay tarhim,
Men – shoirman, suyun batafsil,
Men – shoirman, baxtingga qarshi.

Cheti uchib ketgan ko‘nglimni sindir…

Tasbehli qo‘llarda uzatilar may,
Bir qultum ichmayman, va’dami, va’da.
Masjiddan chiqaman ibodat qilmay,
Kechir, qo‘llaringni qaytardim, qadah!

Yig‘lagan men emas, rubobdir, simdir...

Chekinma, men cho‘kdim chekingan sari,
Necha yil men sorig‘ o‘tdim bahordan.
Ishongin, qoshingga bir kecha g‘arib,
Ishongin, qoshingga ulug‘ shahardan

Shaytonga gul otib, qaytadi kimdir...

2024

https://t.me/humoyunfattoh

Qachondir suv kelar behizorlarga,
Burungi o‘g‘ridek devordan oshib,
Men senga atrgul, chechak tutarman
Bir bahya tikanlar ketar qonashib.
Bu tong kecha kabi sokin va jim-jit,
Qiqirlab kulasan, tolmaydi labing.
So‘ng uyga qaytasan, shoshib, entikib,
Ibodatga qaytgan kampirlar kabi...
Ko‘nglimni so‘ramay ketasan, ko‘nglim –
Hali qushlar uchib, yetmagan qirg‘oq.
Ilonlar chirmashgan koshonalarga
Mendan sovchi bo‘lib borar qaldirg‘och!
Men senga yetishga ulguray, armon,
O‘tib ketmasaydi umrimning yarmi,
Axir, men yashashga nomus qilarman
Laylak tashlab ketgan baxtlarni!

2024

https://t.me/humoyunfattoh

“Izohsiz lugʻat” dostonidan
Shahboz Fayzullayev oʻqigan

https://t.me/humoyunfattoh

“TАLАBАLIK DАFTАRI” dan

1. Oʼqishga joʼnayman, yaproqlar
   Qochadi men bosgan qadamdan.
   (Yashiraman ishqni, chekishni
   Yashirganim kabi dadamdan.)

Chinorlar holimni soʼrgani
Qayriladi mengzab jununga.
Men seni ertaroq koʼrgani
Kech qolaman dorilfununga...

1. Sevasan betakror, hayfsiz,
   Sevilmoq qulatmas, u – aso.
   Koʼzlaringga boqdim aybsiz,
   Koʼzlaringga koʼrindim raso.

Tingladim,
soʼzladi botining:
“Ich-ichingdan daf boʼlsin gʼubor –
Goʼzal sheʼrlar yozgin botinib,
Hech kim oʼqimagan
maktublar yubor.”

https://t.me/humoyunfattoh

“Oshkor etib qoʻyding xayol…”

https://t.me/humoyunfattoh

https://t.me/humoyunfattoh

Assalomu alaykum

She’r haqida, umuman, she’riyatning hayotingizdagi oʻrni haqida fikr-mulohazalaringizni yozib ketingchi, qani. Odamlarning fikrini eshitish baribir qiziq.

Bir sog‘inch
bostirib kirar xonangga,
Yashirgan surating
o‘parsan hirssiz.
Sevgingga qarshilik qilgan onangga
Ilk daf’a qaraysan yotdek, mehrsiz...

Kechqurun
pardangni tortgan nasimdan
Qo‘rqasan, keldi, deb
o‘ylaysan kimdir.
Qo‘llaring qaltirar qarimasingdan,
Og‘riqlar sezasan yuzingni chimdib.

Unutmoq
istaysan hech kimlar qadar,
Ko‘rasan o‘limga
qayta bosh suqib...
Kezganim yetmasmi shuncha darbadar,
Qaygayam borardim yodingdan chiqib?!

https://t.me/humoyunfattoh

#Tavsiya

Bir mazza qilinglare)

https://t.me/humoyunfattoh