- هذا آنه الغَريب الچنت كلهُم .

انا وبلا وَعي من انطيتك الرُوح
وعقل ماچان عندي وهسه فزيت
مـاچـذب واگلـك باچر أنسـاك
عفتني وذكريات هواي خَليت .

عَلى السويته تندَم وآنه أذكرَك
وتضَل تبچِي عليه طُول عمرَك .

بَعد مو مال اچلب بيك
انتَ الرايد الفرگه
العَلاقه الـ بالبرود تمُوت
ماتستاهل الحرگـه
باچر تندَم وتشتاگ وتحِس بأنانيتك
بَعد منين تلگه انسان
يتحمل مزاجِيتَك .

ومِن درت وجهَك
درت وجهي ومشيت
وردت اگُلك وين رايح ؟ واستحيت
قاومت گدام عينك بس وراك اللّٰه شاهد حتىٰ بالشارع بچيت
وخلي اگُلك خاف ماعندك خبَـر
راد يوگف گلبي بس ربّك ستَـر
ما مصدگ عبرت وهسه انه زين .

لا تحلف وتعتذر حلفانَك يشلّك
وينَك و وَين الصدگ تندله يندَلك ؟

وأخليك علىٰ نظرة شوگ تتحَسر
وأعلمَك بالوجُوه شلون من تثگل .

ومثل حَال الگصب لمَن تلزمَه النَار
وحَدة تواسِي وحَدة وكُلهن يگبن .

خَلي يروح بلا عَتب
كثرن عَليه اعذاره
وآخ لو ردَّ الوَكت
صدگوني ما اختاره .

انا شناسيْ
احط راسِي واريد اغفىٰ
وألف شغله تجي براسيْ
اضل اتلمس بگلبـيْ
اضل احسبْ عَددهن
كَامـل جرُوحِـيْ
كلشي أذكُـر
انا ما ناسي بس رُوحيْ .