فقرة حجم وشكل الخلايا صارت عالتطبيق..

للامانة هي اكتر فقرة انا واثق من انك بكفي تشوف الفيديو لتحل كل الاسئلة المتعلقة فيها وهي اساسا كبيرة بالكتاب بحدود ال ٥ صفحات 😂❤️

ف شوف الفيديو وحفاظ يلي بقولو ومافي داعي ترجع للكتاب لان صورتلك ياه بطريقة مختلفة وخلال الفيديو حفظتك كلشي منو ❤️

هي الفقرة كتير طلاب بواجهو فيا مشاكل خاصة انو فيها رياضيات وكذا لهيك من خلال مشاهدتك للفيديو بتكون امورك انحلت بإذن الله ❤️❤️

الفقرة عبارة عن فيديوهين بينما تشوف الاول بكون التاني صار عندك.. حاول تشوفن اليوم مشان بكرا نبلش مجاهر بالفصل التالت.. 🔥

بكرا عنا اختبار للفصل السادس كامل مع هدول الفقرات من السادس

بعرف انو اغلبكم لسا عم يرمم فيزيا مع انو كتير حكيت وقت البيو للبيو بس معلش الفيزيا تجرح والبيو تداوي 😛❤️

مقرر اليوم بده ٣ ل ٥ ساعات بالكتير ف اذا بتبلش فيه هلق بيخلص معك ماتخاف..

صباح البيولوجيا ❤️❤️
بالنسبة لخطة هاد الأسبوع..
طلاب ماقبل 15/10:
عنا هاد الأسبوع الفصل السادس كاملا 🥰🥰
حندرس فيو اشيا حلوة كتير وحيكون بمثابة السكرة 3:

مقرر اليوم هو لنهاية الخيوط المتوسطة درسن بياكلو بحدود 3 ساعات دراسة فعلية او 4.. وبعدها فقرة حجم وشكل الخلية من الفصل الثالث.. ❤️‍🔥

وبكرا بتكمل السادس مع المجاهر من التالت 💀

وهيك منكون صرنا مقطشين نص المادة البيولوجيا وماضل كتير ❤️❤️

خلال الأسبوع القادم حيكون في اختبار ورقي من 100 سؤال مع ورقة الاتمتة النظامية بحكيلكن عنه 😎

طلاب 15/10:
حندرس تكملة الفصل الرابع وننهيه تمامااا وندرس فقرة سمات الخلايا من التالت.. انتبه مقررك طويل ودسم جدا اذا بلشت هلا دوبك ❗️

حنبلش معكن من اليوم سلسلة نصايح معينة بالجامعة بتفيدكن ان شاء الله كتير 😌

يلي عنده سؤال او استفسار معين يسال ضمن هي الرسالة.. ويلي ماعنده يحط قلوب ويبلش دراسة ❤️😎

الفصل السادس من البيولوجيا PDF ❤️
فيه ايا حدا يدرسو من هون وهي فرصة للطلاب يلي لسا محتارة بين الكتاب والنوطة تعرف كيف الترتيب عم يكون ضمن النوطة 🥰🥰

بالنسبة لتوافر الجزء الثاني بشكل ورقي ف النوط صارت عند المكاتب وبكرا المفترض يكون اتوفر ❤️

مقرر بكرا وبعده عم يتم رفعه عالتطبيق وخلال ساعات بكون اكتمل.. نلقاكم غداا 😌

كيف بعرف حالي مقصر ضمن مادة البيولوجيا او لاء.. او الادق شو هو معيار التقصير بهي المادة 👀

بدايةً احسن شي ممكن تعمله انك تخلص المادة كاملة جوا الفصل.. وبعدا تتركلا بين 13 ل 14 يوم قبل الفحص تعيدا مرتين بشكل كامل.. ف انت حتى تعتبر ماشي منيح بالمادة لازم يكون ببالك هيك

- المفترض انت خالص لحد اليوم اقل شي الفصل التاني بيولوجيا ونصف الرابع لتقول عن حالك انو وضعك تمام او مانك مقصر

- تكون حالل كلشي دورات لكل فصل بتدرسه دورات نظامية عم احكي

- يلي خلص 2 4 5 وقسم من التالت يعتبر وضعه ممتاز.. تقريبا نهى كمية منيحة من المادة

- يلي خالص 7 8 فصول انتبه!!!
انت ممكن تكون عم تمشي كميات عحساب النوعية.. مافي داعي للعجلة ابدا ابدا.. عود تأنى بالفصل وعطيه حقو تماماا

لحد هلا كل الطلاب يلي ماشيين سوا انا وياهم الحمدلله امورهم كلها بخيير وكلهم بيخلصو بشهر 12 وبزيد معن وقت يعملو يلي بدن

هلا في كمية كبيرة من الطلاب لسا مابدات دراسة.. هدول ممكن ينعمللن خطة لقدام اسعافية.. بحيث يطلعو باقل الاضرار وممكن بشكل كبير بعلامة عالية من المادة اذا لتزمو صح باذن الله❤️

بالنسبة لفقرة التالت تبع حجم وشكل الخلايا عذروني كنت كتير مشغول اخر يومين بمقابلات المشفى وماقدرت صورهاا ف مندرسا مع النصف الاول من الفصل السادس.. بس ماتخاف اكيد مالنا مقصرين ولله ماشيين كتير منيح بالمادة الحمدلله

جماعة دمشق لسا ماداومو شي تخيلو وكمية كبيرة من الطلاب مابتعرف شي عن التحضيري ليبلش دوام الجامعة وانت حضرتك صرت خالص نص المادة ومتدايق 😂🔥

كل شوي بيجي حدا بيسالني دكتور نحنا عم ناخد بريكات بالبيولوجيا هل هاد الشي ممكن ياثر لقدام؟!
لا يا حبيبي ماتاكل هم.. انا لما اعمل ايا خطة بعملك فيها متنفس كم يوم لان مافي طالب بيقدر يلتزم كل الايام ف ماتخاف ولله❤️❤️

تفاعل عالمسج وخبرني وين صرت بالدراسةة.. اذا كان في كمية طلاب مو مبلشة ممكن نعملن الخطة الاسعافية قريبا ❤️❤️

ماحدا يتأخر بدراسة مقرر البيو تبع اليوم تبع تكملة الفصل الخامس..
مو لاقيكن بليل مبلشين تقلولي كنا عم ندرس غير مادة😂😂

خلصو الخامس كله وحلو دوراته بعدا درسو فقرة التالت يلي هية حجم وشكل الخلايا بتكون ارتفعت عالتطبيق ❤️

صدر قرار رسمي بتعطيل كافة الجهات الطلابية (عدا طلاب 15/10) عن الدراسة لليوم ❤️‍🔥

المصدر: صحيفة pre-x الوطنية للسنة التحضيرية..

يعني اليوم مافي دراسة وفق برنامجنا، ارتاحو ورممو النقص اذا موجود.

وبكرا حنكفي الخامس كاملاً مع اختباره ❤️

الف مبارك لطلاب السوري غير المقيم ❤️❤️❤️
اخيرا طلعت مفاضلتكم 🤣
صار فيكم تدرسوا وانتوا مرتاحين 🥰

كيف ملاقيين القسم التأني من الرابع؟! 👀
يلي عم يدرسه حاليآ يعمل رياكت لنززلكن كم نكشة منه خلال دراستكم اله❤️‍🔥

اكيد شايفينه صعب كتير وهاد شي عادي لانكم ماحليتو دورات.. بس تحلو الاختبار بليل بتطمنوا ان شاء الله ❤️❤️

اليوم علينا تكملة الفصل الرابع 🔥🔥

القسم التاني من الفصل الرابع يصنف من المستوى الصعب جدا للامانة..

شرحتلك فيه معلومات من الفصل التاسع ومن منهاج الوراثة لتقدر تفهم المعلومة تماما.. ❤️❤️
بتلاقو انو الفيديوهات طوال شوي لان الفصل كان بحاجة شرح بشكل كبير جدا جدا..لهيك انت بعد الفيديوهات كالعادة بتطلع فهمان وحافظ الفصل ان شاء الله 👌🏻

- مابنصح حدا يدرسه من الكتاب لحاله.. الكتاب صياغته كتير معقدة

- مابنصح حدا يحل الدورات التكميلية الخاصة بالفصل لانها كلها تخبيص ومالها فائدة..

طريقة الدراسة:
- شوف اول فيديوهين سوا بعدين ادرسن من الكتاب.. اما الباقي بعد كل فيديو ادرسه من الكتاب.. ماتشوف كلشي بعدين تدرسن لانك حتنسا شو شفت من كتر كثافة المعلومات🙏🏻

- بالنسبة لفقرات العودة للكتاب بتلاقوهم باخر فيديو الانتساخ عند الحقيقيات
بالنسبة للفصل التالت حناخد فقرة صغيرة يلي هية سمات وميزات الخلايا ❤️🔥

بليل حيكون اختبار شامل للفصل الرابع ولفقرة التالت جهزو حالكم🔥

بالتوفيق ❤️

جمعة مباركة ❤️🙏🏻
كون عطول فخور بانجازاتك يلي عملتها لحد هلق..
كتار بيتمنو يكونو بالمكان يلي انت فيه حاليا وهاد انجاز كتير كبير منك❤️❤️