Конституция куни муносабати билан Ўзбекистон халқига байрам табриги
—
Праздничное поздравление народу Узбекистана по случаю Дня Конституции

Prezident.uz|Facebook|Instagram|YouTube|X

#Buxoro_viloyati_Bolalar_kutubxonasi
#Mustaqilligimizning_33_yilligiga

??BIRLASHSAK VATANMIZ!

*Barmoqlar birlashib bir musht bo‘ladi,
Irmoqlar jamlansa daryo to‘ladi,
Yulduzlar yuz ochsa tunni tiladi,
Gullar, chechaklardan bunyoddir chaman,
Birlashsak vatanmiz, birlashsak vatan!

Millatlar birlashsa xalq yaralgaydir,
Shu xalqdan olamga nur taralgaydir,
Birlashgan ellarga xush qaralgaydir,
Osuda osmonga yarashmas tuman,
Birlashsak vatanmiz, birlashsak vatan!

Gar dillar dillarga chiroq tutsalar,
Adovat, g‘arazni yiroq tutsalar,
Muazzam tonglarni uyg‘oq kutsalar,
Yagona vujuddir asli jon va tan,
Birlashsak vatanmiz, birlashsak vatan.

Unutma, insonsan, oqili zamon,
Vafodan yayraydi, borki tirik jon,
Vatan ham vafoga muhtojdir har on,
Vafoda yakdilmiz, asralgaydir sha’n,
Birlashsak vatanmiz, birlashsak vatan!

Buyuk ajdodlarning nomin yod etib,
Ulug‘ Amir Temur ruhin shod etib,
Najmiddin Kubrodek erk tug‘in tutib,
Bir bo‘lsak yo‘lolmas yov ham daf’atan,
Birlashsak vatanmiz, birlashsak vatan!

O‘zbek o‘zligidan iftixor qilsa,
Yuz o‘ttiz el-elat bir qaror qilsa,
Tenglikda birlikni barqaror qilsa,
Tarqoqni bir zarba tut kabi to‘kkan,
Birlashsak vatanmiz, birlashsak vatan!

Yurtboshi niyati nurdek nurafshon,
Tinchlikdan tovlansin bu ko‘hna jahon,
Birlik, ahillikda azizdir inson,
Yangi o‘zbekiston – bir jonu bir tan,
Birlashsak vatanmiz, birlashsak vatan!

*✍️ Mahmud TOIR
O‘zbekiston xalq shoiri**