Инвестиция нимани англатади?

Инвестиция қилиш бу келажакда яхши даромад олиш мақсадида турли хил молиявий воситаларга пул ажратиш бўлиб, сизни истеъмолчидан актив эгасига айланиш жараёнидир. Активлар синфга кўра, қарзга, капиталга ёки валютага асосланган бўлиши мумкин.

Бозорда инвесторлар учун: инвестиция фондлари, қимматли қоғозлар, қарз қимматли қоғозлари, олтин ва бошқа активлар мавжуд. Ушбу инвестицияларнинг баъзилари бошқаларига қараганда анча хавфлидир ва ўрганишда мураккабдур. Бунга криптовалюталар ва венчур инвестициялар киради.

Сиз қайси инвестиция маҳсулотини танлашингиз, сизни молиявий мақсадингиз ва таваккалчилик иштаҳангизга боғлиқ. Сармоядорнинг инвестиция мақсадлари ҳам вақти-вақти билан ўзгариши мумкин.

Кўплар ўйлагандек, инвестиция бу бойларнинг овунчоғи эмас, балки ҳамма қилиб кўриш мумкин бўлган машғулотдир. Сиз инвестор бўлдингизми, билингки сизни сармоянгиз сизга ва фарзандларизга 24/7 хизмат қилиши мумкин.

Агар инсонлар инвестицион фаолиятни вақтлироқ бошлашмаса, кўп ҳолатларда қуйидагиларга дуч келишлари мумкин:
- бутун умри давомида ходим сифатида ишлашга мажбур бўладилар;
- ҳаётлари давомида улар пуллари мавжудлиги ҳақида қайғурадилар;
- оила аъзолари ва пенсияга қарам бўладилар;
- уларнинг ҳаёт доираси мавжуд ойлик, нафақа, жамғарма пули ёки қарз билан чекланади;
- улар молиявий эркинлик нима эканлигини билишмайди.

Шахсан мен, инвестиция қилишни маҳорат деб биламан. Бугунги кунга келиб сизни ҳаётда муваффақиятли бўлишингизда инвестиция қилиш маҳоратингиз муҳим роль ўйнайди деб ҳисоблайман. Вақтлар келади, инвестицион фаолиятингиздан олаётган даромадингиз сизни ойлик иш ҳақингиздан анча ошиб кетади.

Хулоса қилиб айтганди, инвестициялардан келадиган даромад инвесторнинг асосий мақсади эмас. Балки пул тақдим эта оладиган ҳис-туйғулар ва ҳиссиётлардур. Буларга:
- куч ҳисси;
- молиявий эркинлик ҳисси;
- хавфсизлик ҳисси;
- биз севганларга ва бизга муҳтожларга ёрдам бериш имконияти;
- танлаш ҳуқуқи;
- ҳаётнинг тўлиқлик ҳисси киради.

Албатта, пул, орзуларимизни рўёбга чиқариш воситаларидан биригина. Лекин, биз тан олишимиз керак бўлган бошқа муҳим нарса шундаки, ёшликда пулсиз яшаш мумкин, лекин кексаликда эмас...

Агар шу пост остида кўп “+” шарҳ қолдирилса, шахсий инвестиция тажрибам билан ўртоқлашаман!

@baxrom_ceo

Бугун мени қайси китоблар қизиқтиради?

Ёшлигимда турли китобларни ўқиб, ўзимни ҳар томонлама ривожлантиришга ҳаракат қилардим. Бу мени дунё қараши кенг, билимлик одамга айлантирди. Натижада кўп кроссворд ва бошқотирмаларни осонликча ва жуда яхши ечардим. Турли мавзулардаги мунозараларда фаол ва ишончли иштирок этардим. Бундан ташқари, китоблар ўқишда бадиий адабиётга алоҳида эътибор берардим.

Бироқ бу эрудитированность негадур, мени на профессионал фаолиятимга, ва на молиявий ютуқларимга ижобий таъсир қилганини унчалик сезмадим. Тушуниб етдимки агар сизни асосий мақсадингиз аниқ белгиланмаган бўлса, турли ишлар ва соҳаларга уринавериб мақсадларингизга эришиш учун сиз кўп вақт ва ресурслар йўқотиб қўйишингиз мумкин экан. Руссчалаб айтганда: надо изучать то, что бы помогло бы сэкономить годы жизни и кучи энергии и сил чтобы сконцентрироваться на нужное направление.

Аввал сиз аниқ мақсадларни белгилаб олинг: Нима қилмоқчисиз, ким бўлмоқчисиз, қандай натижа сизни қониқтиради....Ва ушбу мақсадларга эришиш учун керак бўлган ҳамма сабаб, шарт-шароит ва ҳаракатларни қилинг. Умумий билимларга эмас, балки аниқ мақсадли билимга эътибор берсангиз ҳамма нарсадан озгина билиш ўрнига аниқ нарса, соҳа, йўналиш бўйича чуқур билим ва тажрибага эга бўлинг, балки соҳани энг зўри – ягонаси бўлиш ҳам насиб қилар.

Ҳозирда мен, фақат асосий мақсадларимга яқинлаштирадиган билимларни ўрганишим кераклигини ва унинг муҳим аҳамиятини тушуниб етган ҳолда шу йўналишдаги соҳавий адабиётларни ўқиб, билим ва тажрибамни ўткирлаябман. Ва албатта бу менга доим фаолиятимда муваффақият, куч ва даромад келтирмоқда.

Йўналишни аниқ белгиланг, унга етишиш сабабларини қилинг, ўқинг, ўрганинг, юксалинг, зўр бўлинг, зўри бўлинг!

@baxrom_ceo

Устозлар маслаҳати муҳимлиги…

Хитойда магистратура ўқишимнинг иккинчи йили давомида мен Пекин шаҳрида жойлашган Xiaomi компанияси марказий офисининг маркетинг бўлимида 4 ойлик амалиётимни ўтаганман.

Амалиёт раҳбарим этиб ўша бошқарманинг бошлиғи, мендан 15 ёш катта бўлган жаноб Ван белгиланган эди. Ван билан тез орада яқинлашиб кетдик ва у менга ўзининг ҳаёти давомида ўрганган бир қанча муҳим сабоқларни менга шахс сифатида тезроқ ривожланишимга ёрдам беришини таъкидлаганди. Сабоқларни айтиб бериб улар менга:

- Ҳаётдаги миссияни аниқ белгилаш;
- Эътибор яъни фокусни муҳимлиги;
- Мақсадли ўз-ўзини ривожлантириш;
- Муносабатларни ўрната олиш қобиляти;
- Муваффақиятсизликлар ва хатолардан хулосалар қилиш.

Масалан, унинг эътиборни муҳимлиги тўғрисидаги тавсияси келсак, дарҳақиқат, мен эътиборимни муаяян нарсаларга қарата бошлашим билан натижалар олдингига нисбатан кескин ўзгарди, масалан, пул жамғармасига эътибор беришни бошлашим билан пул хажми ўсишни бошлади ва бу охир-оқибат мени бугунги кунда инвесторга айланишимга сабаб бўлди. Бундан ташқари, мен эътибор берган ҳамма нарса ўсиб боришини англадим. Ёки мен эътибор берган бирон бир муаммо тез ҳал бўладиган бўлди.

Унинг мақсадли ўз-ўзини ривожлантириш бўйича тавсиясига келсак, мен фақат асосий мақсадларимга яқинлаштирадиган нарсани ўрганишим кераклигини тушундим. Ва бу менинг орзуларим ва ютуқларим ўртасида яқинлаштирувчи кўприк қуришга ёрдам берди.

Шунингдек, у мендан хатолар ва муваффақиятсизликларга муносабатимни ўзгартиришимни сўради. У муваффақиятсизликлар ва хатолар менинг ҳаётимдаги энг яхши ўқитувчилар ва ўз-ўзини ривожлантиришнинг асосий манбаи эканлигига ишонтирган. У сўраган ягона нарса, қайтарилмас оқибатларга олиб келадиган хатолар ва бир хил хатоларни такрорламаслигим кераклигини такидлаган.

Кузатувчиларим ҳам орзулардан то ҳаётдаги ютуқларга бўлган масофани қисқартиришга ёрдам берадиган ушбу муҳим кўрсатмаларни ўрганишлари хоҳлаган бўлардим.

@baxrom_ceo

Агар шу пост остида 50та “+” шарҳ қолдирилса, дунёдаги етакчи электроника компанияларидан бири бўлган Xiaomi компаниясидаги амалиёт ўташ тажрибам билан ўртоқлашаман!

Вазифанинг олийлиги ҳақида...

Бир замонлар бир мамлакат катта урушни қўлдан бой беради....
Кейинчалик ўша мамлакатнинг тарихчилари бу уруш қайси сабаблар туфайлик бой берилганлиги бўйича ўрганиш ўтказишади.

Ўрганишлар натижасини шуни кўрсатадики, уруш пайтида мамлакатнинг жосуслари урушнинг олди чизиғидаги бир муҳим маълумотни чопар орқали қўмондонга етказишга ҳаракат қилишади.

Чопар хатни шошилинч тарзда олиб келаётганида отдан йиқилиб тушади ва хушини йўқотади. Бунинг натижасида бу хат қўмондонга етиб келмайди ва бу урушдаги мағлубиятга сабаб бўлади.

Уруш якунланганидан сўнг мағлубият сабаблари ўрганилганда шу маълум бўладики чопарнинг тойиб йиқилган отига маъсул тақачи ушбу отнинг тақасига бир дона михни қоқмаган бўлади. 

Бу қиссадан хулоса шундаки, Сизларга ишониб топширилган вазифани ситқи дилдан тўлиқ ва кутилганидек бажаринг ҳамда маромига етказинг. Чала ва нотўғри бажарилган иш нафақат фойдасиз балки турли муаммоларга сабабчи бўлиши мумкин…

@baxrom_ceo

Ҳаммаси лавозимингиз туфайли...

2017-йилда Қозоғистоннинг етакчи миллий университетларидан бирининг собиқ узоқ йиллик ректори билан Тошкентдаги Hyatt меҳмонхонасида бўлиб ўтган тадбирда кўришиб қолдим. У меҳмонхонанинг бурчагида ёлғиз ва ўзига кофе тайёрлаётган эди. Мен у кишининг ёнига келиб саломлашдим, кофе ичишга қўшилдим ва унинг тадбирга нима учун эрта келганини ҳамда нега бир ўзи турганини сўрадим. Чунки одатда у одамлар томонидан қуршаб олинар ва унга доимо бириктирилган ёрдамчи ҳамроҳлик қиларди. Шунинг учун уни ёлғиз кўриш мен учун ғалати кўринди.

Мен ундан ишлари қандай кетаётганини сўрадим. Унинг жавоби жуда қисқа бўлди: "Мен қўлимдан келганича ҳаракат қилаябман.” У давом этиб: "Мана қара, ўтган йили, 2016 йилда, худди шу тадбирда иштирок этишим учун мени ҳурматли меҳмон сифатида таклиф қилишганди, бизнес-класс рейсда учиб келгандим, аеропортдан махсус машинада олиб кетишганди, ушбу тадбир ўтказилаётган Hyatt меҳмонхонасида яшаганман, ҳамда менга алоҳида бириктирилган ёрдамчи ҳамроҳлигик қилганди”- деб қолди.

Бу сафарги тадбирга эса мен эконом класс рейсда учдим, аеропортдан меҳмонхонага таксида бордим, ўртача меҳмонхонада яшадим ва яна Hyatt меҳмонхонасига етиб келиш учун таксидан фойдаландим ва энди эса ҚОҒОЗ СТАКАНДА кофе ичаябман. У жилмайиб қўйди ва бу шикоятга ўхшамади.

Унинг сўзларига кўра, хаётида ўзгарган ягона нарса унинг - лавозими эди. У шундай деди: "Эътибор бердингми, фақатгина лавозимимнинг ўзгариши мени ҳурматли меҳмон бўлишликдан оддий одамга айлантиришга қанчалик таъсир қилган. Айниқса, сопол идишда қаҳва ичишдан қоғоз стакангача". Унинг айтишича сопол идиш ҳеч қачон унинг учун мўлжалланмаганлигини, балки у ҳар доим эгаллаб турган лавозими учун мўлжалланганлигини таъкидлади.

Шундай қилиб, менинг кузатувчиларим қуйидагиларни ҳар доим ёдда тутишлари керак: шон-шуҳрат, мансаб, бойлик ва мавқега эга бўлган давриздагина, одамлар сизга яхшироқ муносабатда бўлишади, сиз учун очиқ эшикларни ушлаб туришади, ҳатто сўрамасдан қимматбаҳо идишда бир пиёла чой ва қаҳва келтиришади ва сизни "ҳурматли" деб чақиришади. Бу нарсаларнинг ҳеч бири сизга аталмаган, балки Сиз эгаллаб турган ЛАВОЗИМга аталган.

Яхшими ёки акси, қимматбаҳо идишлардаги қаҳвалар муваффақиятли, бой ва юқори лавозимдагиларга мўлжалланади. Шу сабабли, жамиятимизда муваффақиятли, бой ва обрўли шахс бўлишга интилайлик...

@baxrom_ceo

Apple компанияси раҳбари Тим Кук ҳеч қачон Сизга бу ҳақида айтмайди...

Пекиндаги Магистратурада ўқишимнинг бошланиши АҚШда iPhone 6s модели чиқарилишига тўғри келди. Тақдимот 2015 йил 9 сентябрь, чоршанба куни бўлиб ўтди. Ушбу IPhone 6s, йиллар давомида тақдим этилаётган Iphone-ларнинг тўққизинчи модели эди.

Япониялик курсдошим Рио янги чиққан iPhone 6s ни АҚШдан буюртма қилишни режалаштираётганимдан хабар топди ва мендан “Бахром, iPhone 6s сотиб олишни жиддий режалаштиряпсанми? - деб сўради. Унинг кутилмаган муносабати эътиборимни тортди ва нега бунчалик ҳайратга тушганидан ҳайрон бўлдим.

Рио мендан сўрашда давом этиб: "Агар сен Apple ҳар сафар янги чиқарган iPhone ни сотиб олишдан кўра, худди шу пулга Apple компаниясини акцияларини сотиб олганингда нима бўлган бўларди, биласанми?". Мен унга буни билмаслигимни айтдим. У менга 9 та турли iPhone моделларига сарфланган 6400 АҚШ долларим якунда 120 000 АҚШ долларига айлантиришим мумкинлигини айтди ва қуйидаги бир мисолни келтирди:

- 2007 йил 9 январда IPhoneнинг 1-чи модели - 599 долларга сотувга чиқарилди. Ўша пайтда сен 599 АҚШ долларига Apple компаниясининг 114 та акциясини сотиб олганингда, бугунги кунда ушбу акцияларнинг ҳар бири 230 АҚШ долларига ёки жами 26 220 АҚШ долларига баҳоланиши мумкин эди...

Рио сўзининг сўнгида менда Iphone-нинг тўққизта модели ёки 120 000 АҚШ доллари бўлиши мумкинлигини ўзимнинг оқилона танловимга боғлиқлигини таъкидлади...

Бу воқеанинг кузатувчиларимга фойдали бўлиши мумкин бўлган томони шундаки, “пулни фақат пул кўпайтиради”. Шундай экан, келинг ишлаб топган пулингизни жамғарайлик ва тўғри сармоя қилайлик, чунки қаерга кетаётганингизни билмасангиз, кейинчалик етиб бориб қолган жойингиз Сизга ёқмай қолиши мумкинлигини ёддан чиқарманг...

@baxrom_ceo

Катта афсуслар...

Яқин дўстимнинг онаси, Москвада, ҳаётининг сўнгги 3 ойини яшаётган беморларга ғамхўрлик қилиш маркази раҳбари лавозимида узоқ йиллар ишлаб келган. Фаолияти давомида турли инсонлар билан учрашган, уларнинг дардига гувоҳ бўлган. Онахоннинг сўзларига кўра афсуслар – беморларда кузатилган энг ачинарлик холатлардан бири эди. Беморлар ўлимлари олдидан энг кўп қуйидаги афсусларни гапириб беришган экан:

1. Бошқалар мендан кутган ҳаётда эмас, балки ўзим хоҳлаган ҳаётда яшаш учун ўзимда жасорат топганимда эди – деган афсус энг кўп учраб турарди.
2. Жудаям қаттиқ ишламаганимда эди – деган афсус, эркак беморлари ўртасида кўп учраб турарди.

3. Туйғуларимни тортинмасдан баён этишга журъат этганимда эди.

4. Дўстларим билан алоқаларимни ушлаб қолишни ва яхшилашни хоҳлардим.
5. Мен ўзимни бахтлироқ тутишим керак эди.
Ўзгариш қўрқуви ёки бошқаларни хафа қилиб қўйиш қўрқуви сабаб одамлар ўзлари ҳохламаган йўлни босиб ўтишади - деб ўз сўзларини якунладилар...
@baxrom_ceo

Болалигимиздаги футбол қоидалари⚽️

- Иккита энг яхши ўйинчи бир жамоада бўла олмасди. Улар қолган бошқа футболчиларни ўз жамоасига қўшиб оларди
- Агар сизни жамоага охирги бўлиб танлашса, бу катта камситилиш ҳисобланиб, сизни ҳеч бир жамоага керак эмаслигингизни англатарди
- Семиз одам доим дарвозада турарди
- Ҳакамлар ҳам, ҳеч қандай офсайд ҳам бўлмасди. Қоидабузарликлар ҳам камдан-кам ҳолларда белгиланарди
- Катта ёшдаги инсонлар футбол ўйнагани майдонга келганда, ҳеч қандай эътироз қилинмасдан майдонни уларга бўшатиб бериларди
- Сумкалар, курткалар ва тошлар дарвоза вазифасини ўтар, майдон чизиқлари эса ўзаро келишув асосида белгиланарди
- Ўйин ҳамма чарчаганида ёки тўп эгаси уйга қайтиши керак бўлганда тугарди

Жароҳатлар ва жанжаллар ҳам бўлган.

Кунингиз хайрли ўтсин!??

@baxrom_ceo