**ــــــــــــــــــــــــــــــــــــــــــــــــ
بِسْمِ اللَّهِ الرَّحْمٰنِ الرَّحِيمِ
ــــــــــــــــــــــــــــــــــــــــــــــــ
موضوع:حسد(۲)برخه.د حسد کولو حكم.او د حسد کوونکي د شر نه پناه غوښتل
ــــــــــــــــــــــــــــــــــــــــــــــــ
د حسد کولو حکُم دادی چی دا بالاتفاق حرام دی،ددي حرمت په کتاب الله، سنت رسول.إجماع الأمة او عقل سره ثابت دی،ځکه حسد کوونکي په حقيقت کي په الله تعالى باندي دا اعتراض کوي چي هغه کس ته یې دا نعمت ولي ورکړي دي؟ (او ماته يې ولي ندي راکړی؟) ،او په الله تعالى باندی خو اعتراض کول حرام دی،(ځکه په الله جل جلاله باندي اعتراض کول په خپل محسن او منعم باندي اعتراض كول دي)الموسوعة الفقهیة الكويتیة جلد۱۹ص۲۷۳

البته که فاجر او فاسق سره يو نعمت وي او هغه ددي نعمت په وجه په خلقو كي فتنه او فساد پیدا کوي او يا خلقو ته پري ضرر رسوي نو بيا د هغه نه ددي نعمت منعه کیدلو خواهش کول جائز دی،ځکه اوس دا نعمت د هغه په حق کې د فساد کولو ذريعه ده.احیاء علوم الدين جلد۳ص۱۸۹ بيان حقیقة وحكمه واقسامه ومراقبه

د حسد کوونکي د شر نه پناه غوښتل:

حسد داسي بدترین صفت دی چې دا د انسان بدن او دین دواړو ته نقصان رسوي ،تردي چی د قرآن کریم په سورة الفلق کي په خصوصیت سره د حسد کوونکي د شر نه د پناه غوښتلو حکم شوی الله تعالی{قُلْ أَعُوذُ بِرَبِّ الْفَلَقِ (1)مِنْ شَرِّ مَا خَلَقَ(2)وَمِنْ شَرِّ غَاسِقٍ إِذَا وَقَبَ(3) وَمِنْ شَرِّ النَّفَّاثَاتِ فِي الْعُقَدِ (4)وَمِنْ شَرِّ حَاسِدٍ إِذَا حَسَدَ(5)

ترجمه :ته ووایه، زه پناه غواړم په رب د صبا سره،د شر د هغه څه نه چې ده پيدا کړي دي(يعني د شر دمخلوقاتونه). او د شر دتيارې د شپې نه کله چې دا را خوره شي.او د شرد پوک و هونکو ښځونه(کومي چې پوکې وهي او چف اچوي)په غوتو (دسحر) کي، او د شرد حسد کوونکي نه کله چې هغه حسد کوي.

تشریح:په دي سورة كي په"مِنْ شَرِّ مَا خَلَقَ"سره د ټولو مخلوقاتو د شرنه د پناه غوښتلو حکم شوی خو بیا هم په خصوصیت سره د دری(۳)شیانو دشر نه د پناه غوښتلو حکم شوی:

(۱)-اول:د شپې چي کله تياره را خوره شي؛ځکه چي د شپې په تياره کې د پيريانو.شيطانانو ، مؤذي ځناورو،د زمکي دننه په سوریانو کې د خطرناکو زهريله شیانو،د غلو.داکوانو او دشمنانو خطره زياته وي،نو ځکه په خصوصيت سره د تياري د شر نه د پناه غوښتلو حکم شوی.

(۲)- د جادو ګرو ښځو او جادو ګرو سرو دشرنه په خصوصیت سره د پناه غوښتلو حکم شوی،ځکه د جادو ضرر زیات وی،انسان خبر هم نه وي او په ده باندي جادو شوي وي.دا دوایانی استعمالوي خو فائده ورته نه وركوي.

(۳)په خصوصیت سره د حسد کوونکو د شر نه پناه غوښتل شوی ځکه حد کوونکي په آرام نه کيني، هر وخت دا کوشش کوي چې دې بل کس ته ضرر ورسوي.معارف القران

دحسد دبد والی د پاره همدا خبره هم كافي ده چي الله تعالى مسلمانانو ته د حسد كوونكي دشرنه د پناه غوښتلو حکم کری.لکه څنګه چې فرمایی:وَمِنْ شَرِّ حَاسِدٍ إِذَا حَسَدَ.

حضرت جبریل علیه السلام چي نبي عليه السلام ته د بیماری په وخت کومه دعا خودلی وه په هغې کې هم د حسد کوونکي د شر نه پناه غوښتل شوي وه.

نوټ:له دی څخه په ښکار توګه څرګندیږی چې حسد څومره لوی ضرر لري او د انسان لپاره څومره زیانمن تمامیږي.له همدې امله، هر مسلمان باید د حسد له بدعمله کرکه وکړي او ځان ترې په کلکه منع کړي،ځکه حسد نه یوازې د نورو لپاره زیان دی، بلکې خپله د حاسد لپاره هم روحاني او اخلاقي تباهي ده.
ــــــــــــــــــــــــــــــــــــــــــــــــ
اصلاحی مدلل تقریرونه جلد(۱۵)**

دخُبیب لالا لیستونو مرکز که کوم چینل داخلوۍ ممبر باید 5000وۍ اودوهم لیست لپاره1000ممبر کاپۍ دۍ
نوټ:-  یوساعت یی مه حذف کوی اومه نشرات کوی
ليست ته داخليدو لپاره لاندي کليک وکړی?
@saodrhman @saodrhman  @saodrhman
اومدیران هیله کوم نشرات اولیست مه پورته کوی
امر نه هیله ده✅لاندې کلیک وکړۍ?✅