#Iqtibos
Yaxshi do‘st, toza vijdon va albatta, yaxshi kitoblar – ideal hayot uchun boshqa narsa kerak emas!

✍️ Mark Tven

#kun_hikmati

Nima eksang o’sha tushar o’roqqa,
Nima desang shu so’z inar quloqqa.

✍️ Abulqosim Firdavsiy

#qisqa_hikoya

📖 YORDAM

Yoshi saksondan sakrab o‘tgan kasalmand, qaddi egik qariya biror olijanob yo‘lovchining yordami bilan serqatnov ko‘chadan o‘tib olish ilinjida tevarakka jonsarak ko‘z yugurtib turardi.
− Assalomu alaykum, amaki, − deb salom berdi nogoh qarshisida paydo bo‘lgan o‘spirin.
Qariya g‘oyat ajablanganidan alik olishni ham unutib bolaga tikildi.
«Amaki?!»
Ha, u behuda lol qolmadi. Mana, salkam o‘ttiz yildan beri quloqlari «otaxon», «bobojon» degan atamalarga ko‘nikkan edi. O‘spirinning kutilmagan murojaatidan uning egik qaddi biroz rostlanganday bo‘ldi.
− «Amaki» dedingmi? − qayta so‘radi qariya.
− Ha, amakijon, − dedi bola go‘yoki iltijoli tikilib, − mashinalar qatnovidan juda qo‘rqaman, shunday kasalligim bor, iltimos, ko‘chani kesib o‘tishimga yordam bering.
− Xo‘p, − dedi qariya va shu barobarida ko‘zlari ravshan tortib, qo‘l-oyoqlari tetiklashganday bo‘ldi.
O‘spirin qandaydir sirli kulimsirab cholni qo‘ltiqlab oldi.
«Sho‘rlik, − o‘yladi qariya serqatnov yo‘lni kesib o‘tisharkan, − shugina yoshidan g‘alati kasalga chalinibdi-ya?! Ming bor shukr, menda unday karohat yo‘q...»
Xayollar og‘ushidagi otaxon o‘zi bolaning yetagida yurayotganini payqamadi... Ayni paytda uning ruhi tetik, vujudi yengil, ko‘z oldi yorug‘ edi.

#tavsiya_etamiz

📚 Миллат қизига

✍️ Раҳима Шомансурова

📝 Oilada ruhiy muvozanatni, go‘zal munosabatni, fayzu barakani AYOL yaratadi.
Kitob oqila, komila, ruhiyati tiniq, fe’li keng, nazari to‘q, sabru qanoatli onalarimiz, buvilarimizning e’zozga, baxtibekamlik sharafiga erishish yo‘lidagi benazir mushohadalari, ibratli hayotlari haqida.
Oilaning yuzi, iftixori, farishtasi bo‘lish niyatidagi qizlar! Ushbu kitob aynan siz uchun!

Telegram | Instagram | Facebook | Youtube |

#kun_hikmati

Inson baxti kamdan-kam  uchraydigan katta muvaffaqiyatlar bilan emas, balki har kungi kichik yaxshilanishlar bilan  yaratiladi.

Telegram | Instagram | Facebook | Youtube |

Oʻzbekiston Respublikasi Davlat madhiyasi

Oʻzbekiston Respublikasi Davlat madhiyasi (Abdulla Oripov soʻzi, Mutal (Mutavakkil) Burhonov musiqasi) OʻzRning 1992-yil 10-dekabrdagi qonuni bilan tasdiqlangan. Shu qonunda Oʻzbekiston Respublikasi Davlat madhiyasini ijro etish bilan bogʻliq talab va qoidalar belgilab qoʻyilgan.

Serquyosh hur oʻlkam, elga baxt, najot,
Sen oʻzing doʻstlarga yoʻldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Naqorat:

Oltin bu vodiylar — jon Oʻzbekiston,
Ajdodlar mardona ruhi senga yor!
Ulugʻ xalq qudrati joʻsh urgan zamon,
Olamni mahliyo aylagan diyor!

Bagʻri keng oʻzbekning oʻchmas iymoni,
Erkin, yosh avlodlar senga zoʻr qanot!
Istiqlol mash’ali tinchlik posboni,
Xaqsevar, ona yurt, mangu boʻl obod!

Naqorat:

Oltin bu vodiylar — jon Oʻzbekiston,
Ajdodlar mardona ruhi senga yor!
Ulugʻ xalq qudrati joʻsh urgan zamon,
Olamni mahliyo aylagan diyor!

Telegram | Instagram | Facebook | Youtube |

#iqtibos

​​O'qilgan asarlarni takror o'qish savodlilikning eng ishonchli tarozisidir.

✍ F.Gebbel.

Telegram | Instagram | Facebook | Youtube |