باب. الله الجبير ومهبط الرحمه
ابميلاك حبيبي انولدت النعمه
من نوره اوجدك رب السما المعبود
يالحبك يفرق النور ولضلمه

وفطرس طاب اجناحه
ها
وفطرس طاب اجناحه
من سَبّح بسمك يحسين

#مولد_حبيب_المصطفى
علي سليم الحسناوي

تجليبه

أسد بغداد ياوسفه گضه مسموم
جثه امگيده ومنهه تسيل ادموم
---------------------------
ياوسفه اعله بن جعفر گضه بالسم
سِكن نبض الارض كلشي صبح معدم
اعله راهب ال طه النايحه من دم

بجت عين السمه وصبر العرش مهدوم
---------------------------
طفه نور الهدايه ومَهبَط الرحمه
حجاية الله موسى ومَنزِل النعمه
إمام الرافضه ياحيف بالضلمه

بطاموره گضه كل العمر مهموم
---------------------------
موازين الوجود اصبحت مختله
وكلشي يعبد الله اعله الجسد صله
بگلوب الروافض نايحه خله

وكون ابأسره ينعى ايصيح يامضلوم
---------------------------
من سجنه تشييع غربه اليشيعون
نعش اشرف جسد حراس الي ايحملون
الوجود اشلون يتخله اعله جسر اشلون

وهوه الكون كله ابصايته ملزوم
---------------------------
على جسر الرصافه اجنازه تركوهه
وعلى منضر العالم هيجي خلوهه
وين اهله ينادي مايشيعوهه

وحشه اجازته ومن الاهل محروم
---------------------------
مشه ابن الاطايب لوعته ابگلبه
غريب امن الزغر وبموتته غربه
ابتده عمره ابصعب ونتهه بالصعبه

خلصت بالمصايب دنيته ومهضوم
---------------------------
علي سليم الحسناوي

ياباب الحوائج ياموسى ابن جعفر

سجانك سلب عمرك يريد ايغيب اسمك
يانور العرش انته وصعب سجنه يضمك

تاريخك علم
وتاريخه عدم
يالأسمك قسم
يبن جعفر
-------------------------------
ابطاموره حكمت الكون وهوه بالقصر مطمور
اليزورونه اهل فجار ونته اهل السمه لتزور
وهوه قصره جن سرداب مثل وحشة ضلام اگبور
ونته الضلمه كشخت بيك وتتباهه ابهذاك النور

هارون اوجلاوزته لچن يمك تلعثم
ونته ابن القلع خيبر حقيقه بيهه نعلم

من سجن او اسر
لاجن منتصر
يالعشت العمر
يبن جعفر
-------------------------------
من سجنك حكمت اگلوب وهوه بقصره ضل مرهون
توهم بيك سجانك هوه الي صبح مسجون
ينورك مايحده الكون تووهم يحجبه هارون
انته ابن العرش ولساق وهوه ابن العدم ملعون

انته ابن الدنه الربه وصل قوسينه وگًرب
وهوه ابن الحرف دينه وكفر بالنعمه اصعب

يالبيك امتثل
كل خير وعمل
ياباب الامل
يبن جعفر
-------------------------------
فرق بين العرف الله وبين العانق الشيطان
توهم انته بالقضبان ونصب نفسه الك سجان
شمس انته اوتضوي الكون اشلون اتلمك الحيطان
انته النصبك الله وملكك ع الانس ولجان

معقوله تصير انته سجين وهوه حاكم
اسباب الوجود انته وملك كل العوالم

اسباب الخلق
منكم ينبثق
بس انته الصدق
يبن جعفر
-------------------------------
حسبهه اشلون سجانك ويسجنك وسط طاموره
الگمر كل ما يزود الليل يسطع ع الارض نوره
اليدفن نور هم عاقل اب ياتاريخ مذكوره
سورك رحمة الله وخير وهوه امن الوهم سوره

انته اسمك مثل دم الحسين ويبقه خالد
وبس الكم امر الله تصح هاي الاماجد

اشگد راد وأمر
يمحيلك اثر
لاكن ماگدر
يبن جعفر
-------------------------------
سم چبدك ويضن اتموت هوه المات بفعاله
منهو الراح اسمه وصيت ومنهو الضلت اقواله
منهو الفاز بالدارين ومنهو الضاعت احواله
اسمك بالعرش منقوش سليل المصطفى وآله

بس اسمك كفوو ويرهب شكو طاغي وضلاله
انته ابن الطهر كله وبن بيت الرساله

ي الاسمك صرح
يشفي كل جرح
ياوجه الصبح
يبن جعفر
-------------------------------
علي سليم الحسناوي

على اضهور الهزل عباس مالام
المشي وبكبره هذه الكون مالام
حزني اعليك مايبراش مالام
تجي انته وتزيح اهموم بيه

علي سليم الحسناوي

ماتت امنا
ابتا ياعلي
ماتت امنا
ابتا ياعلي

ماتت يحيدر فاطمه ومات الحنان اوياهه
اضلم صبح حتى الضوه من غمضت عيناهه
ماترد لو تبچي الجفن ياحيدر الممشاهه
لو جبل صبرك ياعلي هم يهدم الفرگاهه

من عين السما
دمعٌ من دما
من عين السما
دمعٌ من دما

راحت الچانت ياعلي هيه التطب بنفاسك
تتنفس الزهره چنت العايشه بحساسك
ماتت الجنه ياعلي وسهم الهجر شو جاسك حته الحچي شيب تره مو بس بياض ابراسك

النور انطفى
صفعٌ ام جفى
النور انطفى
صفعٌ ام جفى

الدار فرغت ياعلي ماتت الجانت بيهه
تترس اسماعك بالهلا من چنت تدخل ليهه
ماتت توون من الضلع حيل الكسر ماذيهه
ابدمعات ترثي فاطمه لو عين تبچي اعليهه

ولعرش بكى
للرب اشتكى
ولعرش بكى
للرب اشتكى

ماتت وچفهه اعله الضلع ولعين چانت حمره
اتغيرت ملامح فاطمه من اثر ذيج الصطره
چم اه جرت بالنفس چم حسره وچُم عبره
اضلوع امنا امهشمه ولمنهشم شي يجبره

ضِلعٍ هٌشِمى
يُجبَر ياتُرى
ضِلعٍ هٌشِمى
يُجبَر ياتُرى

ندري اليموت وينتهي يسكن انينه اوونه
لانفس يبقاله بعد اولا صوت تسمع منه
ماتت اونتهه بقت تندب يضلعي امنه
ياحيدر انته النه الصبر وغيرك بعد ياهوه النه

اثار الورى
في ذاك الثرى
اثار الورى
في ذاك الثرى

علي سليم الحسناوي

شوط كربلائي

يربان الدهر ولكون ونته للعلم بابه
عرش بلقيس من جاباه اضن بيك انتخه وجابه
-------------------------------
اشلون ابدارك ايطبون يضرغام الوغى ياحيد
ونته الكعبه طلگت بيك وجابت سورة التوحيد
سرجت اضهور المنيه وغرت عالموت ياصنديد

ميدان الوكت ونته
لجمت الكون وصعدته
يحامل للعرش بخته
اشلون اتجاسرت هالناس وبيتك داسو اعتابه
---------------------------
عجيبه اشلون هاي الناس حطت عينهه ابابك
يسر امبطن ابنص سر ولمكنون بحجابك
اليفهمك فاطمه وانته لذالك داسو اعتابك

مافهموك ياكرار
وماعرفو شنو بالدار
لجلهه انخلقت الانوار
لجلهه صرتو ياكرار الحديث المصطفى جابه
----------------------------
يحيدر ارد انشدنك اشلون ابابك التمووا
مافتحوو كتاب الله للأيات مافسرووا
ما اوحى الى عبده الحجي ال بنور مافهموا

بيوتاً ترفع وتسمه
وبيهه ينذكر اسمه
يعني فاطمه النعمه
دارك تقصد الايه القدير ايعضم احبابه
----------------------------
اكيد المعركه جانت بين النور ولضلمه
وحشد ابرهه جيشه قصده الدار ويهدمه
وبيهه انصابت الكوثر طفه نور السمه نجمه

انصابت اية التطهير
وحق من انزل التكوير
تسوي المايصير ايصير
لو ما بالوصايه الزوم تعرف اتعالج اسبابه
-------------------------
الكساء اشلون مافهمو وهوه محتوا ايه
وسأل ربه الملك جبريل منهو الغايه والغايه
گله فاطمه ولنوب ذكركم ياعلي ابرايه

إذن فاطم اصول الدين
ومن عدهه ابتده التكوين
النبآ ولكوثر وياسين
هم انصابن بدارك كلف جرح السمه اصوابه
-----------------------------
علي سليم الحسناوي

كربلائي

زينب ولحسن وحسين گعدو وسمع المحنه
تذكرو فاجعت امهم وبيهم صعدت الوونه
----------------------------
سوالف تهدم السبعه وتهد اجبال محچاهه
حچيهم جان عالبسمار وباب اشلون آذاهه
اشلون اعليهه هجمت ناس وجف ملعون رضاهه

گال حسين انه ابدي
المصيبه المردت جبدي
وحجي لوعتي العندي
موقف صار وياهه ابصوتي ارد اوصلنه
----------------------------
شفتهه اتلاوح ابجفهه خنگه الباب ماتگدر
تحجي وسمعت منهه صوت اضلاع تتكسر
تدور اعله النفس صارت ابعيني الكون ضل يزغر

لا اگدر وصد عنهه
متت من اسمعت ونهه
رضوض البيهه ياذنهه
تون گدامي ونت موت وينين الفاجده چنه
----------------------------
موقف ثاني گاللهم كتلني وحس حيلي انهد
امي اتصيح شمسويه وجتهه الصطره فوگ الخد
لاشفنه نفل يفزع ومامش رحمه من احد

وزينب نادته يحسين
شطٌرت الگلب نصين
زيدت الجرح جرحين
اسمع مني هالجلمات حيلك ارد اهدنه
----------------------------
گالتله يخويه حسين الشفته ايهيج الاوجاع
من طگهه بجعب رمحه ذباهه اعله وجه الگاع
وطاح الباب فوگاهه وزاد الضلع كسر اضلاع

بچوو وشتركو الدمعه
وصاحو يالحسن انعه
انعه خويه للبضعه
وشاركنه الحديث ابنوح وخلي الحزن ياخذنه
----------------------------
بچه وگال الحسن موقف خله النايحه تعله
صوط ابن الدعي شفته اعله متن الطاهره صله
ضرب ومادافع وصطرات كلشي اهناك ماخله

كلشي صار وي امي
صدري انترس من هضمي
مواقفهه الگلب تدمي
مشت مقهوره من هالناس وحنه نفگد الجنه
----------------------------
علي سليم الحسناري

استشهاد الزهراء

استشهاد الزهراء صلوات الله عليها

بين الباب وحايط صارت
وانه انضرهه اشلون احتارت

مگطوع النفس مايحصل هوه
ولضلعه انهشم ميجبره الدوه

شفتهه امي
وثگل همي بنص ذاك الوضع صعبه
اسمعته اتون
تأن وتحن *ولبيت انترس غربه

شفتهه بنص وضع موزين تدور عالنفس گوه
توزع شوفهه اعله الدار فزعه اتريد تتگوه
صاحت بس خنگهه الباب يولي بيهه وشسوه

الضلعه امهشم وشاهد موته
اشلون ينادي ويطلع صوته

بسمار الالم بالضلع التوه
ولضلعه انهشم ميجبره الدوه

على الزهره
الجمع كثره كلهه اتسندت اعله الباب
جثيره اجفوف
تريد اتشوف ضلعهه اشلون من ينصاب

الجمع مو هيين اعله الباب وجيب الحيل اليصدهه
تصد يا جف جثيره اجفوف وحرمه اشلون وحدهه
چن يوم الحشر عالباب هجمو ياهو الي يردهه

بين الباب اوبين الصطره
وبين الصوط اوبين الحسره

شيحس الذي بالنار انچوه
ولضلعه انهشم ميجبره الدوه

عليهه الناس
طفه الاحساس ماعدهم اثر رحمه
ثگيلت هم
خذاهه الدم كسيره وحيل متهدمه

تون مره يضلعي اتصيح ومره اتطيح فوگ الگاع
تلم الحيل مره اتگوم وتون وتصيح يبني الضاع
ثگيله الباب اولو ردت تطحن بالجسم اضلاع

مره اتصيح اوليدي وتوگع
ومره توصل يمي وترجع

ولباب انصبغ من دمهه ارتوه
ولضلعه انهشم ميجبره الدوه

تشيب الحال
ولا تنگال. * مواقف فاطمه بالدار
ضلع مهشوم
وينز ادموم * كل هذه وجتهه النار

بين النار ولبسمار ومحسن من طفه طبحه
اعله جرح الزهره اجه الملعون يدفعهه بجعب رمحه
وذبح المنهضم مرات بحچايه يصح ذبحه

اشگد صبعه مجروح ابجسمك
وحچي العاذل ايزيد همك

وجروح الشتم ولعصره سوه
ولضلعه انهشم ميجبره الدوه

عليهه اشلون
ابصلافه اعيونحاطوهه وهي حرمه
فزع صوبين
على ام حسينهيج الناس متحزمه

صعبه اعله الزجيه الناس دارت واسمع الزحمه
هذه ابصوطه يضربهه وذاك ايردهه باللطمه
علامن هالفزع ياگوم تصيح وهيه منهضمه

ابلا رحمه ضلت هالوادم
بين الضارب بين الشاتم

يانور الوگع وتبده الضوه
ولضلعه انهشم ميجبره الدوه

علي سليم الحسناوي

كُسِرت اضلاعها ف

كُسِرت اضلاعها فماتت

شفتهه اتلوع بين الحايط وباب
من عصروهه طاحت فوك التراب

بيهه اشخلت العصره
هدمت كلشي بالزهره
شفتهه اتلوع بين الحايط وباب
---------------------------------
انه ام المصيبه يالتسمعوني
انه اول جرح ضلع امي بعيوني
انه الامهه صاحت لاتضربوني

ابساعات الهجوم الصار كلشي صار وياهه
تخيل من تشوف امك باب اجذوع رضاهه
ياحيف اعله امي اشلون قنفذ سولف وياهه

وياسالوفه دارت بين الاثنين
اتگله انه الزچيه وطگهه عالعين

من چفه اجت صطره
هدمت كلشي بالزهره
شفتهه اتلوع بين الحايط وباب
----------------------------------
انه شفت المصاب اليعمي كل نضره
انه شفت الخلك متحاوطه الزهره
انه الكتلو اخوهه بدفعه وبعصره

جمع كله اعله ذيج الباب وشنهو اگبالهم حرمه
اشتصد اجذوع باب الدار تصد ياصوط يالطمه
اشتسند ولجفوف اهواي على امي الناس متحزمه

انشغلت امي ولموقف انضره
ثاري طاح محسنها وتدوره

نار اجروحهه الكبره
هدمت كلشي بالزهره
شفتهه اتلوع بين الحايط وباب
-------------------------------
دار الهيبه شو متروسه بالغربه
ولصار اعله امي ينحچي صعبه
تريد اتگوم توگع من اثر ضربه

من هجمت عليهه الناس بصوته ابليس من ناده
مباحه الدار حرگوهه ومحوو منبع الساده
ابوهم بالوصيه انگاد يصيح وصار يتماده

ابووهم بالوصيه صاح ملزوم
دار اهل الرساله انحرگه هاليوم

اختنگت امي بالعبره
هدمت كلشي بالزهره
شفتهه اتلوع بين الحايط وباب
------------------------------
مواقفه جثيره اتهزهز السبعه
وشنهو احساس روحه الهشمو ضلعه
وبچعب الرمح فوگ الكسر دفعه

هيجي اتعاملت هالناس هيچي رفسو النعمه
لوَوَن انسان عادي چان هم خلولهم رحمه
ياناس الوديعه هاي ام المصطفى وحلمه

ماحفضوا قرابتهه اووضعهه
مو سَهوَن گصد يكسر ضلعهه

العين امن الصطر حمره
هدمت كلشي بالزهره
شفتهه اتلوع بين الحايط وباب
-------------------------
نار وناس ولدار اصبحت فوضه
ولزهره كسيره اوعالضلع رضه
وتنادي يلاهي بالجره ترضه

تلم كل حيلهه وتوگع اعليهه الباب ماخله
وعلت فاطمه ياناس مثلهه ماشفت عله
توضه بالدمه البسمار اوصله بالضلع صله

اعليهه ماسكن فد يوم دمعي
الحد ماماتت اتنادي يضلعي

الحد ماماتت الحسره
هدمت كلشي بالزهره
شفتهه اتلوع بين الحايط وباب
------------------------
علي سليم الحسناوي

ياصاحب الزمان

من تجري دموعك تذكر المن ياجرح
عالزهره وضلعهه لو على المات بذبح
---------------------------
انته يالمهدي دموعك من تهل
كلشي مخلوق اعله دمعك ينسأل
ياهو الاصعب حتى ينقاس السهل
ضلع امك فاطمه اوموت الطفل

يالصبحك نوايح ولمسه تكضي دمع
تندب اه يجدي واه ياذاك الضلع
---------------------------
عمرك وجرحك مثل جرف ونهر
اصواب امك فاطمه كسرة ضهر
لو تون لحسين محزوز النحر
الداسته الخيل وبقه ابلايه اثر

مشتركه بجروحك باب وخيام ولوه
ومن تذكر رزيه ابصدرك ايشح الهوه
---------------------------
جرح الاطفال وحرگ ذيج الخيم
وطيحت العباس من طاح العلم
وركضت النسوان مذعوره ابهيم
هنه ذني الخلن ابعينك سهم

من تذرف دموعك امخالط ادموعك دمه
وحزانك چبيره ماتلم ارض اوسمه
---------------------------
يامصيبه الي تزيد محنتك
ويابو صالح ليش حمره دمعتك
هم شفت ضعن السبايه وعمتك
عالمهازل ذيج صارت غربتك

مقروحه جفونك من يجي ابالك امر
تندب اه يزينب اشلون تمشين ابيسر
---------------------------
من اميره زينب اتروح ابيسر
وهاي ترست گلبك اجروح اشكثر
وعله ديران الشماته من تمر
هاي خلت گلبك ايساوي الجمر

يابو الدنيا كلهه وگلبك اتخذم خذم
بس الله اليعينك عالمصايب والالم
---------------------------
علي سليم الحسناوي