Жаннат. *“(Жаннатдагилар) ипак астарли тўшакларга ёнбошлаган ва икки жаннат мевалари яқин бўлган ҳоллари бор”.
(ар-Роҳман сураси, 54-оят).

“Улар (яъни, жаннатдагилар) қатор тизилган сўриларга ёнбошлаган ҳолдалар. Ва уларни гўзал кўзли ҳурларга уйлаб қўйганмиз”.
(Тур сураси, 20-оят).

“(Жаннатдагилар) у ерда сўриларда суянган ҳолдалар. У ерда қуёшни ҳам, совуқни ҳам кўрмаслар”.
(Инсон сураси, 13-оят).

“(Жаннатдагилар) яшил болишларга ва гўзал гиламларда ёнбошлаган ҳоллари бор”.
(ар-Роҳман сураси, 76-оят)

“(Жаннатдагилар) бир-бирларига рўбарў бўлиб, ёнбошлаган ҳолларидалар”.
(Воқеа сураси, 16-оят)

“Улар ва уларнинг жуфтлари сояларда сўриларда ёнбошлаб ётурлар”.
(Ясин сураси, 56-оят).

“У ерда ёнбошлаган ҳолларида ундаги кўплаб мевалар ва шароблардан чақирарлар”.
(Сод сураси, 51-оят).

“Албатта, Биз иймон келтирган ва яхши амаллар қилганларнинг, гўзал иш қилганларнинг ажрини зое қилмасмиз. Ана ўшаларга адн жаннатлар бордир. Остиларидан анҳорлар оқиб турадир. У ерда олтиндан бўлган билакузуклар ила безанурлар, шойи иплардан яхши либослар киярлар. Улар у ерда сўриларда ёнбошлаган ҳолда бўлурлар. Нақадар яхши савоб ва нақадар яхши жой”.
(Каҳф сураси, 30-31-оятлар).

Охиратда ёнбошлаб, ором олиш учун бу дунёда ҳориб-чарчанг, (савоб амаллар учун) меҳнат қилинг. Аллоҳим, насиб эт!*@Sirli_uzz

ТОБУТГА ЭМАС, ИЛМГА ТАЛАШ.
*Қозий Иёз раҳимаҳуллоҳ айтади:
"Муҳаммад ибн Умар ибн Лубоба вафот қилгач жуда кўп одам жамланиб тобути устида талашишди. Шунда унинг отаси Умар кишиларга деди:
- Қани энди унинг тобутига эмас, тириклигида илмига шунақа талашсангиз эди!

"Тартибул мадорик" китобидан.
----------
Дарҳақиқат шундай. Биз жанозага ишқибоз халқмиз. Олимни ҳузурига илм олишга, масала сўрашга бормаймиз, фарзандларимизни жўнатмаймиз. Аммо жанозани боплаймиз. Олимнинг тобути устида бир-биримиз билан талашамиз.
Олдинроқ бизда бир эшон бобо вафот қилдилар. Жанозаларига жуда кўп одам жамланди. Тобут устида ур-йиқит.
Шунда имом микрофондан бақирди:
"Ҳов биродарлар! Тобутни талашманглар. Мен биламан, эшон бобо узоқ вақт бемор бўлиб ётдилар. Мана шу талашадиганлардан бирортангиз у кишини кўргани келмадингиз. Энди эса ўзингизни кўрсатиб, одобсизлик билан тобут талашаяпсиз!".
Тўғри, тобут кўтариш савобли иш. Аммо бировга озор бериш ҳисобидан бўлмаслиги лозим.*@Sirli_uzz

*ИЛМ ОЛИНГ, АЁЛЛАР
Ҳали турмушга чиқмадингизми?
- Унда турмушга чиққунингизга қадар илм олинг.

Турмушга чиқдингизми? Ҳали фарзанд йўқми?
- То фарзандли бўлгунингизга қадар илм олинг.

Фарзандли бўлдингизми?
- Ҳозирча фарзандингиз битта экан, илм олинг.

Улар иккита бўлдими? Ҳозирча иккита экан илм олинг.
Учтами...?
Бештами...?
Ҳали улар бешталигида илм олиб қолинг.

Ҳали соғлом экансиз - илм олинг.
Ҳозирча вақтингиз ва кучингиз бор экан - илм олинг.

Ҳозирча китоблар, интернет ва барча имкониятлар бор экан - илм олинг.

Ҳозирча уйингизни томи бор экан, ейишга овқатингиз, ичишга сувингиз борлигида - илм олинг.

Ҳамиша илм олинг. Бу дунёда илм олувчи ёки илм тарқатувчи бўлинг.

Китоблар, интернет ва барча имкониятлар борми, илм олинг.

Сизга насиҳат қилсам, мени ўзингиз учун намуна қилиб олманг. Чунки мен сиз мендан кўра афзал бўлишингиз учун насиҳат қиламан. Шоядки Аллоҳ таоло сизга унинг сабабидан ирода ва қувват берса-да, Ўзининг ҳузуридан мен топмаган бир мартабага мушарраф қилса.
Насиҳат бу сиздан афзаллигимни англатмайди, насиҳат бу яхшилик илиниш ва маҳаббат изҳоридир.*@Sirli_uzz