كلام  مولاتي زينب صلوات الله عليها
عن الحسين صلوات الله عليه وعن السبي

1
-

لمن اجيتك ماي متغطي بترب
نحرك تطشر بالفله وصرنه الغرب
وخيولهم تنوي عليك بگل درب
گامت عليك سهام تبچي من الضرب

يا سهم اليعبرك طاح جواك
من اطيح حته يخرب اكفاك
ويدني خصرك منك احذاك

تنازع وعينك علينه ارتاح
المثلك ما يهم يلتهي وي الذباح

ياشيخنه وسحگو عباتك
وبچوهن بموتك بناتك

خويه حسين
خويه حسين
@@@@@
2
-

من راسك لجسمك اكلبك بنحيب
وماكو غيرك انت بس انت الغريب
وياحبيبي الظال عل گاع وسليب
الفشله بجروحي عرفها المو قريب

ماعندي بعد بس جرحك وياي
من كثر التعب تعبته ممشاي
بيه من الفراغ سوالف الناي

من يصير العصر تحضر محاملنه
وبلا هوادج لسبي نتعاون بونه

يا شيخنه وسحگو عباتك
مرسوم وجه الله بحلاتك

خويه حسين
خويه حسين
@@@@@
3
-

حضرت نياك وهزله نصعدها بسبي
وحنه بخيم نگعد فشل مو بس عبي
يا.  حسافه.  وعگبك  براي.  اجنبي
النوگ گوه تمشي بشموس وحبي

ياخويه ذبحك صار مرتين
راسك ع رمح يبچيلك حسين
هظمه ع رمشك شلت العين

من عگب الدلال نروح بالخوف
ذباحك يوارينه دمك تارس الشوف

ياشيخنه وسحگو عباتك
وبدرب راسك وي خواتك

خويه حسين
خويه حسين
@@@@@
4
-

هاذ الدرب ما بي بعد بس الهظم
والحيل خلص ينهش بصبر العظم
والخنگه كثرت بصدر ما تنلظم
نسونه ما نعرف حچي نعرف نظم

وصلونه شام وگام بحجار
والسوگ الندخله شيب زغار
من گد الحرگ نتساوم بنار

طبينه شام وعزبونه بالشتايم
الصوط فوگ عبينه باقي هايم

ياشيخنه وسحكو عباتك
ودمك عظيم بگد صلاتك

خويه حسين
خويه حسين
@@@@@

ميرزا حمد الصالحي

مولاتي زينب عند رجوعها الى كربلاء من بعد السبي
ووصولها الى قبر الحسين

انه اجيتك خويه گوم
والبجدمي تخط هموم
انت ذبحك من كفاك
وانه ذبحتني السموم

ردت  اكلك.  يا حنين
يصير ملاكانه بونين
من فركتك احچي اه
شيبي بحروفك حسين

حرام
انه بيك.  معلعله
وسلام. 
فركتنه.  كربله
الهيام
فوكك الحافر عله

خويه حسين
خويه حسين
@@@@

من اجيتك.  ماكو حيل
بس.  خرايب.  بيها. ليل
شوفي وشل . من جفاك
ريجي مايه ركاض خيل

من اسولف.  شرد. اكول
رمشي من دمعي يطول
ثوبي. مولح.  من. تراب
بصحاري.  بنص. خيول

بيش
نعبرها المتاعب
ليش
لينه حته اليل سالب
جيش
بينه كله. ظل يطالب

خويه حسين
خويه حسين
@@@@

منين ابدي. بيا جرح
وبعده راسك ع رمح
من اكلك.  هيج صار
وانت عاري ومنطرح

ماكو.  شي.بيه يهون
شيبي عاميها العيون
انه. جيتك. من. قصر
بس عداوه وماكو عون

اجيت
سولف ابحده الهظم
بچيت
من سبي مابي رحم
حچيت
ونزف من الحيل دم

خويه حسين
خويه حسين
@@@@

من اسولف لفضي شام
ملوعه.  وما عرف انام
من كثر.  شد.  الحبال
الحبل.  لبچفي.  هام

هلبت.  اتردلنه.  لحضه
جسمك المو خيل رضه
وماكو بيك.  من السهام
وثوبك البشكوكه ركضه

اطوف
نحرك بشمه ع كيفي
واشوف
حلم بيك يحلي طيفي
واحوف
عيونك ويا احله ظيفي

خويه حسين
خويه حسين
@@@@

ميرزا حمد الصالحي

غريب كربلاء.

1

مو فقط لطم الصدر انت تريد
شنهي لذتي من الطم وانه بعيد
انت رايد واحد بگلبه الخيام
حته دمعه الينزل يقرب الوريد

خيعونه البچاك وجن
دموعه ع الصدك يحچن
حركته تغطي حته النار
ع راحن غصب يمشن

مشوهن بنوك العصر وبلا هوادج تحمي
وركاظ من نار بخيم وجدام بس دم تدمي

انت ظهرك من كسر حنوت دلال
ومن ثيابك كلها متعطره الرمال

ما منطي حگك بل عزاء
لفيتنه وانته غريب بگربلاء
حسين مولاي
حسين مولاي
@@@@@
2

السافر بجرحك وطن لي الدموع
وبصلاته مصابك يصير الخشوع
وبدعأء يعطش لضمئ الحسين
والصابع بال دعه يصيرن شموع

البشوكك حسرته تبان
يجيك مسلب وفحطان
ورموشه الهظمتك شيب
تغرگه بگلبك العطشان

تسكينه وبعطفك نظل نحرك يبس لجلنه
كون ع طفك مو حچي دوم بصدك حزنه

سوله بل يعشك يظل دوم ع هم
عد حبيب يسجله جمره من الخيم

ما منطي حگك بل عزاء
لفيتنه وانته غريب بگربلاء
حسين مولاي
حسين مولاي
@@@@@
3

سوالف العاشك تصير بلا كلام
من عيونه سوالف يطلعن حمام
من حسرته ينعدي الماحب صحيح
حبه زاد  واصار عارف بالغرام

ليذكر اسمك بغربه
عيون تسولف بحبه
والجايك اذا متعوب
يرتاح.  بوجع. گلبه

كلما اصيحك وابتسم هم ابچي وي ظحكتي
ما ترهم لفرحه الك وذبحك صبحلي علتي

طبع الي يحبكم عشك طاريكم
گلبه.  ما ينبظ.  اذا.  مو.  بيكم

ما منطي حگك بل عزاء
لفيتنه وانته غريب بگربلاء
حسين مولاي
حسين مولاي
@@@@@
4

اليعرف بجرحك يظل دومه ذبيح
ومن ينام بلا فياي وهم طريح
فشل ع محسوب ما عايش مصاب
وانته لوعه بصفك تگوم وتطيح

يل بجسمك يلوذ تراب
مدمه وعطرك ولا غاب
والكوثر عطش لشفاك
تمرض مايه ابد ما طاب

ساعه بضريحك ارتوي ونوب احس الحافر
يصعد ع عيوني بظهر يشوفني يوم العاشر

طايح وفوكك طواف من الملاك
وانته مذبوح وغزل تقرا بدعاك

ما منطي حگك بل عزاء
لفيتنه وانته غريب بگربلاء
حسين مولاي
حسين مولاي
@@@@@

ميرزا حمد الصالحي

طاح گلبي
وعيني ما طيحت دمعي
دمعي بارد
ردلي كلبي الطاح يمك
بيه بس حسين زايد
وخلني وياه جروحي شارد
حركلي لوني
وخلني وي عابس توارد
سنين مرت وانه تايه
چلمه شگگها طفل من الكواغد

والله روحي تريد منك
گلبي خليته على بابك
وانه ادري العرض متنك
وكلشي يم بابك اصيحه بلا كلام
بس تعرفه ردت حزنك
موش كله ولو ذره
وخلني هايم بدمع كد ما اونك

انطيني خيمه جروح بيها
وخلني حارس
تشوف بدخانه دمعاتي نوارس
وما اعوفن باب منها
وانه وفاي المانه
ووگف استعداد فارس

حاچي الحسين اعله حچيي
وهوه سامع
گله هاذ الجه ليه يريد جرحك
وانت ارحم منه بيهن
انطيني اذنك
خن اترسه جروح ودموع وفواجع

هلبت ويقبل عليه
والله احبه
انه احبه
وصح غلطتي چبيره كلش
بس وحقك انه صافي
وذنبي ليل برسم اديه
هوه غيرك ماكو اكله
وانه هم ارجع واكلك
من اردن
ارد اظل بشارك انه خطيه

يبن موسى علي الرضا

غريب طوس

افعل بي ما أنت اهله

دليني يحسين بعشك. بي من حرك خيمه
شوفني ذبحك بلحلم وعطشك شبه هيمه
وخليلي بعيون.  الدمع . يسبك مطر غيمه
وسويني.  زلمه.  الكربله. وتعبي الك شيمه
طببني شام وبي قصر وذل السبي وظيمه
وشعل مخيم بلگلب.  ودمعي. بهظم ديمه

لزينب صاحت اخواني
الحكو احترك صيواني
وهيه.  معلعله.  بفگدك
وركضها.  ابين الجناب

تمشي بس جرح تمشي
طحت انته وذبل كلشي
بنص غربه صفت زينب
وچبيره جروح المصاب

شيب جدمها من الهظم واليل ما يرحم
يذكرها بخيام وحرك والعبره ما تنظم

اه لجروحك
اه لجروحك
@@@@@

ارزقني دخان.  الخيم.  يصححلي نظراتي
الطبت القصر بيه.  الهظم سيف ع صفتاتي
راس انت والشيب الضعن يحركني باهاتي
الكل الضعن.  والبضعن.  اكسرني من ذاتي
وخليني.  كون.  لكل درب.  سبي بمسافاتي
وما.  ابرد.  الجرحك ابد.  وشيبها.  دمعاتي

واختك زينب الصاحت
بذبحك گامت وطاحت
وما تندل تجيك منين
وبس عطرك بقه تشمه

دلها العطر.  جسمك
دخان.  بهوه يرسمك
وتجيك وتمطر الخوه
وشيبك.  طاح. وتلمه

كعدت تون فوك النحر غيمه التون فوگك
زينب چبيره بل عمر.  وشيبت من شوگك

اه لجروحك
اه لجروحك
@@@@@

حسسني عطشك من تون يابس بقه لسانك
ظهرك بقه محدب كسر من طاحو اخوانك
بذيچ الظهاري. من. طحت متغيره الوانك
وزينب تدور.  بجثث.  وعين اعله صيوانك
وعيونك.  تروح.  لحرم نوب.  اعله وليانك
لمن.  خذاك.  اخر.  تعب. وتنادي. صحبانك

وشيبك بيظ عيونك
دمعك واصل متونك
بيك الصيحه بس صوتك
حده لشفتك وطاح

يا كسرت گمر هاشم
طاح وگامت الوادم
بغيابه كلها مطشره
وصار طياح وصياح

من.  راح اخوك.  تلوعت.  وتوكتك غربه
من چان اخيك بالخيم اليوصل الك صعبه

اه لجروحك
اه لجروحك
@@@@@

هاي المصايب كون احس سبي الخدر واشام
وما تغفه عين ولا گلب.  وعقلي بجرح لو هام
وارزقني.  حارس للخيم.  وسهم.  بكفاك النام
وانت.  اعله حر ذاك.  الرمل الخيل بيك الكام
وشيبك حماره من الطعن وبي جمر من خيام
ياجرحك.  الما ينحسب.  وكلبك. عطش ظام

بيك.  خيام.  ما. تنفض
لسانك بس تعب يلفض
انت بلا غطه ومسلوب
وزينب تاهت شتحسب

تشرد هم تلاكي الخيل
تجي لخصرك تشوفه يميل
وما كامت توجد الراي
من الغربه باخوها تسب

خلص حچيها ع الغرب كافي التعب كافي
وچفوف يبست من صفك والهم جدم حافي

اه لجروحك
اه لجروحك
@@@@@

ميرزا حمد. الصالحي

الى حبيب الباكين

انه اجيك بگلبي  لاچمني جرح
ونته. لطيبني. من. فوك. الرمح
شلون ما اجهب ضريحك منذبح
بيه الذنب من اوصلك كله يشح

حسين انت سلطان
حسين الثوب عريان
حسين انت عطشان

حسين حسين حسين
____

مترس الوادم هله ونته غريب
الكاك ابو يل ما تبعدني قريب
الشوك بعيون اليحبك ما يخيب
تسمع الما ينحجي وكلشي تجيب

حسين ملتم عليك
حسين انه ارتجيك
حسين خليني ليك

حسين حسين حسين
___

الذه. يم. بابك. اظوگنها. بحزن
ما انوجع من انتچي بيتك گطن
ع گبه ليسلم يرد ملگه وحضن
واللي يطب هنياله يحتاض بسجن

حسين جروحك وياي
حسين ما شرب ماي
حسين انت لهواي

حسين حسين حسين
____

اتاخر هواي وجيك من السراب
ونته مفتوح الگلب قبل البواب
الما مشه وياك يمشيله بضباب
والتلوحه محبتك عاش العذاب

حسين فضلك علي
حسين ملطم ادي
حسين احتاجك تجي

حسين حسين حسين
_____

من ارد اجيك معلم امشيلك سبي
ما التهي من اوصلك بس بالحبي
والكبري هذا ابچيلك اوانه صبي
وزراك بعيني اخذته من العبي

حسين اكتبنه خدام
حسين نبچيلك اخيام
حسين اسمك هيام

حسين حسين حسين
____

ميرزا حمد الصالحي

مولاي الحسين. صلوات الله عليه
يخاطب والدته فاطمه الزهراء صلوات الله عليها
قبل دفنها

فراگچ البروح يفتر طوگ عين
وحيل ابوي تهدم وماكو اليعين

يمه.  لا ترحين يجرحني الرحيل
عوزي بين من كثر صوتچ عويل
چفي ما لاح النعش واكدر اشيل

صوتي بح وبالعزه يلوب الحزين

يمه.  ضلعچ.  بطبگ گلبي نكسر
فوك. خدي الدمع. ياكل بالصبر
بروحي طبگت باب مطبوگ القهر

وانتي ويكل صوت يحديچ الونين

شيبت من زغري باول هل عذاب
زغير بس چبير سواني المصاب
الباب.  مابي.  كل.  امان.  الباب

من شفت كلشي نعصر خلفه ويلين

يمه هذا اليل نگظي بس ننوح
نلتم بكلمن جرح يصيرن جروح
ودارنه بنور اليطل غربه يفوح

ومن عمرنه تلوعن كل السنين

البيت هظمه وذكريات من الحنان
اوين.  ما نگعد.  الچ ذكره.  بمكان
وصوتچ.  المترف.  يطوگنه بامان

والظوه.  المنچ.  يشع.  باقي انين

ميرزا حمد الصالحي

اللهم بضلع فاطمه عجل لوليك الفرج

لمولاي صاحب الزمان عج عن مصائب عاشورأ

وحيد وطف يماشي وبذبح رايح
وسبي الطفال.  فوك الهزل ونايح
گلهن  والوجع. بين. فطر  بل گاع
وين يدوس جدمه يگسر الطايح

گلهن. مو.  خفاف.  ثگال  المصايب
وبروحه الوجع ما ينشكف صايب
بسبب افعالنه الهسه انت يا غايب

البعينه الحسين بنومه مذبوح
ويفز بصوتهن من خيل ترگض
يظل.  يتحلم.  بدخان. الخيام
وبعينه. الصور. برماح. تعرض

مولاي يا مغيب
بجروحك غريب
@@@@

نومه. اعله. الرماح ينام گل ليله
شيبته المصايب خلص كل حيله
ظل بهدمه چلب شيب وبلا لون
وبعينه الخيام.  وتركض العيله

شاب ومشيه شايب گسره بمتونه
الرموش.  الطبگها.  رماح. بعيونه
ومرسومه.  المصايب. گلهن بلونه

مو گلبه. نشلع. حته. الهوه. وياه
وما.  يرتاح.  حته.  بيوم.  يطلع
السبي والشام ماخلن حزن هاد
والخيل.ع خصره.  الهسه تطبع

مولاي يا مغيب
بجروحك غريب
@@@@

طايحله الونين قياس وي هدمه
والاخ اعله. طوله. تنشف.  بدمه
مو صوته. الطلع.  بل اه لو صاح
والسانه المصاب حسين بي ثلمه

من يذگر خيم دخان ب حروفه
برموشه الجمر شيبات ويطوفه
كسرات بمشيته الضيعت شوفه

تطوك بل مصايب والسبي غطا
يفر.  منين.  وجه.  بگلبه.  هزل
يتعب بل مشي بل گعده النياح
وذگره. من. المخيم.  شيبه بتل

مولاي يا مغيب
بجروحك غريب
@@@@

الرضيع بعينه شاب وشايب الاكبر
ومنظر.  كل ذبح.  بعيونه مطشر
شام بكلبه يفتر.  والخيم نيران
شمس البر تچوي وبل ورد تنحر

جرحه ما زغر عباس ال ب كبره
چبير الطاح وحسين الهدل خصره
وبعيونه التعب طباگت چن غتره

وبريجه  النزل.  حته.  الهوه باخ
من شاف  الاخوه ع.  النهر ظلت
ما ظلت حسافه الما لفت لحسين
من عباس طاح. وغيرته الوگفت

مولاي يا مغيب
بجروحك غريب
@@@@

ميرزا حمد الصالحي

كلام مولاتي الرباب ص عن ولدها الرضيع وعن فقدانه. وعن ما جرا به

1

ييمه شجابك وبيك العطش كيف ع الريج
انت اول طفل صاحب سهم وبرفكت صديج
لبعمرك فرح يكظي وحلو مو طايح بضيج

انت اول زرع بل بر
حليان بلهيب الحر
جفك راوي بل كاروك
وهدمك بي عطر خضر

انت الولد
يطمع كل كمر منك
وانته بمهد
شيبك طلع مو سنك

يمه الولد
يمه الولد
@@@
2

تبده بيد ابو نازل نهر من ريجه مو دم
وچفوفه رتخن نزلن كسر يتلولحن هم
انام بحلمي اشوفنه بحلمي مثلم اثلم

صوتك باقي بالخيمه
وكلبك يدك من ضيمه
وتوكاك السهم يبني
ونته توظي بل غيمه

انت الطفل
ريجك بسهم صله
ذبحك سهل
هوه ومذبوح عبدالله

يمه الولد
يمه الولد
@@@
3

كبران ع حضني يل ولد ومزغر اديه
كبرت جروح يبني من التعب كد المنيه
يمر بيك الهوه اليلهب يبس دمك عليه

همي عليك ما ينفض
كلبي بنحرك مغمض
ياهو بفكدك لشوفي
عيوني ع العمه تركض

حكي التعب
ونته الساكت بصفي
هاذ الصعب
انته ع الترب مچفي

يمه الولد
يمه الولد
@@@
4

اجسد موتك وما ظل عبر موتك كلف حيل
احط فحط الكلب وي الركض سابكهن الخيل
وبحلكي العطش صاير طبع چن فزت اليل

وجع ما يحمل اوجاعي
وجرحك بيه بس واعي
ظحكتك ذكره ما تخلص
زرع ما يذبل بكاعي

يحوس الصبر
بكلبي ما حمل وني
ايام العمر
جروح وحزن ترستني

يمه الولد
يمه الولد
@@@@

ميرزا حمد الصالحي