د/ أحمد عبد المنعم وهو بيتكلم عن الإستعداد لرمضان وإزاى نخلى الموسم ده موسم تغيير، مش مجرد أداء عبادات وخلاص!

تكلم عن نقطه مهمه جدًا وهى [الصدق فى التغيير ]

وإنْ زرع شعور الإحتياج لله عزّ وجل، دا أهم شىء فى مواسم الطاعات..

مش بس مجرد أوراد تُفعل بقلب ميت!
ما نفعلش العبادات بقلب بارد!

هو اه صحيح العمل الصالح هيزود الإيمان، لكن محتاحين نمشى بالإتنين (بقلب حى وطاعات كتير)

مشكلة إن إحنا بنتعامل مع مواسم الطاعات اللى هو الأيام بتعدى وأنا بسد خانات الأوراد وخلاص..
وفى الآخر نشتكى إننا ما اتغيرناش..!

لازم نحاول نُحيي شعور فعل الطاعات بقلب سليم حى.
ما نخليش الأوراد مجرد وظيفة أنا بعملها وخلاص من غير قلب!

[نتعامل مع الموسم على إنه زاد للتغيير مش فسحة للتأثير]

قرأنا ختمة كاملة فى رمضان فى موسم طاعات وما حصلش تغيير!!

طب إزاى؟!

شعور خشية الله اللى بتعمل تصدع، انا أدخل مواسم الطاعات وأطلع من غير الشعور ده ولا مرة!

لازم نعمل جلسات صدق مع نفسنا ونشوف ليه بندخل مواسم الطاعات وما نتغيرش؟!
إيه العائق اللى موقفنا ومش عارف أوظف إمكانياتى ليه؟!

وما تقفش كتير عند السؤال ده، بل اسأل نفسك وحاول تتغير وإنت بتفعل العبادات..

لازم ندخل مواسم الطاعات وإحنا الإرادة عندنا واضحة وفيها صفاء...

أنا بعمل العبادات ليه؟!
علشان عاوزة أُعتق، عاوز أدخل الفردوس!

استغلال مواسم الطاعات إن الدعوة تخرج من هذا القلب المتعبد الصادق.. ده أعلى إستغلال لمواسم الطاعات..")

أُعيذك بالله أن تُبتلى فِي قلبِك
فتصرِف ودَّه في غيرِ أَهلهِ!

‏هل تريد أن تنام وأنت مغفور لك؟

قال رسول الله ﷺ:
من قال حين يأوى إلى فراشه: لا إله إلا الله وحده لا شريك له ، له الملك وله الحمد وهو على كل شيء قدير ، لا حول ولا قوة إلا بالله العلي العظيم ، سبحان الله ، والحمد لله ، ولا إله إلا الله ، والله أكبر
غفرت له ذنوبه أو خطاياه وإن كانت مثل زبد البحر!

قال عمر بن عبد العزيز يومًا لخالد بن صفوان: عظني وأوْجز. فَقَالَ له: "يا أمير المؤمنين، إِنَّ أقوامًا غرَّهم ستر الله تعالى لهم، وفتنهم حسن ثناء الناس عليهم، فنسوا حقيقة أنفسهم، فلا يغْلِبنَّ جهلُ غيركَ بك معرفتَكَ بنفسك" … فبكى عمر!

اللهم إنا نعلم من أنفسنا التقصير والذنوب والمعاصي، ونعلم منك العفو والمغفرة والرحمة! فاعف عنا واغفر لنا وارحمنا وأنت أرحم الراحمين.

قيام الليل، لا تغفلوا عن أهلنا في غزة والسودان وسوريا وجميع بلاد المسلمين.

الشتاء فصلي المفضل
بالنسبة لي هو الفصل الدافئ رغم برودته..

وكنت أحب أن أشتري من الرفاهيات ما يسليني ويزيد حبي لهذا الفصل

كالملابس الشتوية ذات الفرو الكثيف، وأجود أنواع السحلب ( مشروبنا المفضل) والقفازات الصوف وغيره

منذ الشتاء الماضي
تحديدا تزامنا مع أوجاع المسلمين التي تزداد؛
ماتت في عيني كل هذه الرفاهيات

أشعر أن من كمال الإيمان في هذه الأوجاع التي فتكت بإخواننا أن أقتصر على ما يقيم الحياة دون تطلع لرفاهيات

ما عادت الرفاهيات تسعدنا
وما عاد الشتاء دافئا .. بل أصبح مخيفا

أخاف على كل عجوز لأرى فيه جدي يرتعد بردا

وكل كهلٍ أرى فيه أبى وهو يتألم لرؤية أبنائه وقد فتك بهم برد الشتاء

أخاف على كل امرأة كأمي وأراها قد آثرت أبنائها ودفّأتهم بكل ما عندها من ملابس وأقمشة حتى ولو ارتعدت بردا

وكل طفل أرى فيه ابني وقلبي يتألم بل ويتشقق من كثرة الخوف أن يصيبه مكروه من شدة البرد

أوجاع غزة هي أوجاعي
لا أعرف كيف أشيح بوجهي
ولا تكتحل عيناي بنومة هنيئة لأن الأرق حاضر كأوجاعهم التي لا تهدأ

أتوسل لله العلي العظيم بكل أعمالي التي تقبلها مني وكنت فيها أشد إخلاصا أن يفرج الله عن كل مسلم

وأستغفره من ذنبي إن كان يعيق نصرة المسلمين.

في استشارة هاتفية زوجة بتسأل :

كنت محافظة علي نفسي جداً و بتقي الله وعمري ما كلمت ولد و بتأهل للزواج و اتقدم لي شخص ظاهره الالتزام وكان كما اتمني.. بعد الزواج اتصدمت من اللي ظهر وبقي عندي خلل عَقدي ..
هو أنا مش اتقيت ربنا و أطعته ؟
طيب ليه ربنا خذلني ؟
مش المفروض بعد الصبر اتعوض بزوج كويس ؟
ليه اعيش العيشة دي ليه ؟

وفضلت تبكي اكتر من ٥ دقايق بهستيريا و انا سيباها لحين ما هديت و بعدين اتناقشنا، و زي ما وضحت لها كام نقطة هوضح لكم كمان.

ج/ الأصل إني بعبُد ربنا كما أمرني، و التوفيق في الرزق ده شئ من صنعه بناءاً علي حكمته و علمه.

يعني أنتي كنتي محافظة علي نفسك لأنك أمة لله تُطيعيه إذا أمر، مش علشان يكافئني لما أسمع الكلام.

أنتي مدخلتيش علاقة مُحرمة عشان ربنا أمرك بده لسلامة قلبك، مش عشان تتكافئي لما تطيعي في الدنيا.

أنتي تأهلتي للزواج و تعلمتي لأنك مأمورة بالأخذ بالأسباب و السعي أما النتيجة فهي من صُنع الله لا دخل لنا فيها.

مش بالإلزام عشان أنا حد تقي جداً ربنا يرزقني بحد شبهي ..

مش بالإلزام تُحقق كل أحلامي و أعيش كما اتمني
+ زي ما هو مش بالإلزام سعيك ميكونش نهايته نجاح.

أنتي هنا ليه أصلاً النهاردة في الدنيا ؟
⬅️ عشان تنجو بنفسك من النيران بكرا في الآخرة خدي بالك وبس، دي الغاية المهمة و الأهم في كل حاجة .. فـ خدي بالك لـ تتوهي.

أنا مقدرة مدي حزنك و خذلانك و شعورك بالأسف علي الواقع + أن الشيطان بيأذيكِ بوساوسه .. أنا مقدرة أنك كنتي منتظرة حياة مستقرة وزوج خيِّر، مقدرة أنك مصدومة ..

ولكن من أمتي والدُنيا دار رخاء و فرح ؟
هي أصلا دار كَبد.
ربنا سبحانه وتعالى بيقول { لقد خلقنا الإنسان في كبد }
يعني إيه كَبَدْ ؟
يعني تعب ، عناء مشقة و بلاء و كل حاجة مؤلمة.
فـ الأصل هنا إيه ؟ أنا أقولك:
( الأصل أن الدُنيا كَبد يتخلله بعض الرخاء وليس العكس.)
فـ انتبهي لـ تُفتني.
كل انسان فينا مُبتلي في جانب معين من حياته وان لم يكن ظاهر ..
فيه اللي مُبتلي في أهله فـ شايف معاهم العذاب ألوان سواء نفسي او بدني.
فيه اللي مُبتلي في صحته فـ جهده قليل جداً مقارنةً بأقرانه.
فيه اللي مبتلي في استيعابه فـ مهما اتشرح له مش هيفهم.
فيه اللي بلاءه في شغله فـ عمره ما اتوفق.
فـ اللي بلاءها في محيطها و طول عمرها مُهمشة وبيتم تحقيرها.
في اللي بلاءها في زواجها فـ مش مستقرة ولا مرتاحة.
فيه اللي بلاءها في ذريتها فـ يكونوا سبب فتنتها و حزنها.
فيه اللي بلاءها في زوجها بيتفنن إزاي يكسرها.
وفيه اللي بلاءها في فلوسها.

سبحان الله كُلنا أصحاب بلايا .. ولكن الفكرة هتتعامل إزاي مع البلاء ده ؟
هي قاعدة أن البلاء قائم و له وقت و هيعدي فـ ملهاش إلا حلِّين ..
أن صبرتم أجرتم و أمر الله نافذ.
وان ضجرتم كفرتم و أمر الله نافذ.

في الحالتين البلاء قائم و واقع لا محالة ، فـ يعدي واحنا مأجورين علي الصبر و حسن الظن ولا يعدي واحنا آثمين علي شعورنا بالخذلان و الظلم ؟

بصي يا بنتي كُلٌ مسئول عن ما كُلف به.
يعني أنا هتحاسب علي اللي ربنا أمرني بيه بس.
وغيري يُحاسب علي دوره كذلك، فـ اعملي اللي يرضي ربنا لله مش لأي حد، و أدعي كتير ربنا يصلحه و يهديه و حاولي بكل جهدك و لو استحالت العشرة
{ فـإمساك بمعروف أو تسريح بإحسان}
وده شرع ودين وده حقك.

متخليش الشيطان يزعزع يقينك في الله ، و متحاسبيش أو تجلدي نفسك علي خطأ امبارح بعقلية ونضج النهاردة لأن ده ظلم بَيِّن ليكِ و لنفسك.

ربنا قال في حديث قدسي: ( أنا عند ظن عبدي بي.)
وقال في القرآن: ( فما ظنكم برب العالمين)

فـ أحسني الظن و تعبدي لله بالصبر علي البلاء و اعرفي أنه حاجة من اتنين ..
⬅️ يا بلاء تمكين.
⬅️ يا بلاء تطهير.

يا ربنا بيهيأك لأمر معين أو بيدربك لدور معين مش هتقدري تكوني أهل له إلا بالبلاء ده.
يا بيطهرك من ذنب في الدنيا بالبلاء ده.

فـ في كل الأحوال البلاء محبة.
و افتكري حديث النبي وده من أحب الأحاديث لقلبي :
( ما يُصيب العبد من نصب ولا وصب ولا هم ولا حزن حتي الشوكة يُشاكها إلا كَفَّر الله بها من خطاياه.)

فـ الحمدلله علي ذنوب تُغفر في الدنيا قبل الآخرة لأن إحنا مش هنستحمل النار الحقيقة.

الله يربط علي قلبك و يهديكِ ويراضيكِ و يروق بالك و يصلح حالك يارب.

#أصل_الرحلة.
#أم_أنس ?
#بيت_بخيره?
#Aya_M_Gamal

والله أنتظر المطر جدا وأحبه، ولكن كلما أمطرت؛ تذكرت إخواننا فتنقلب فرحتي حزنا وكمدا.
وليس والله ذلك من المزايدة في شيء، بل هو تنفيس عما في نفسي..
فاللهم مطر خير علينا أجمعين، اللهم امطرها بلطفك وكرمك وارفع به ابتلاءك عن أمتك.

إسلام منصور

واعلَم..

أنَّ الحياة مؤلِمٌّ جُلُّها، وكَبَدٌ كُلُّها، وعليك بين هذا وذاكَ -إتقانُ فَنّ التَّخَلّي- أن تُدرك أنّ كل شَيْءٍ زائل، راحل، مُنتَهٍ ذاتَ يوم، سيترُكك النَّاس..

سيرحل عنكَ مَن تُحبّ، سيختلف اهتمامُك، وتتبَدَّلُ قناعَتُك، وتَتَبّدُ أوهامُك..

سيغيبُ ألَمُك، سترى ما لَم تَرَه، وتألَف ما لَم تألَفه، كُلّ شيء متغيِّر، مُتَبَدّل، وإنّ تَجَذَّرَ فيكَ أن كُلّ شَيْءٍ باقٍ هُزِمت..

سيهزِمُك الفتور، الخذلان، الكسل، سيطرحُكَ هواكَ أرضًا، ستَتَعلَّق حتى تَعلَق، ستَغتَرُّ حتّى تَغرَق، ستُحدّد قيمَتَك بما يقوله النَّاس عنك، ستركض خلف اللَّقَب، والكُنية، ومُسمّاك الوظيفي، ومكانتك الاجتماعية، ستصبح عبدًا لفراغك، وأسيرًا لشهوتك..

ستهتزّ دواخلك بالتزام التفاهة، وتكون هَشًا سهل الابتلاع، عليك أن تُدرك كيفَ تَترُك، وتعلَم كيفَ تَتَعلّم، وتنظُر مَلِيًا حتى ترى، وتبتعد عن كل سفيهٍ ضعيفٍ فارغٍ لا يَليق، انتَقِ الصَّحبَ جَيدًا، وارتَقِ بقلبِكَ أبدًا واختَر هَمّك وأشعل همّتك وابدأ مهمّتك..

أدرك كيف تمتلئ، فَرِّغ القَلب مما يَقلِبُه، والصّدر مِمَّا يُتعبُه، والعقل مِمَّا يُثقله، وسِرّ إلى الله خَفيفًا شَفيفًا، سائرًا طائرًا، وهَوِّن عليكَ التّعَلُّق واحذر التَّمَلُّق، واستَتِر عن أعينهم وراقِب مَن يراك، ويعلَمُ خطاك..

دُمتَ حَيًّا، يا قلبًا خَفَّفَ وتَخَفَّف.