سولف كول الك واهس تضل وياي
وذا مالك واهس كول لا تخجل
ماقبل احبك ونته مامرتاح
ومارتاح احبك ونته ماتقبل
فكر بليهمك المهم شتريد
انا كل اليهمني المهم لا تزعل .

لا تخَلِينِي وَحدي منِين
أعرف النَاس
لا اگدَر اعَاشِر لا خلِگ عِندِي
احِب شلِون غيرَك ؟
مِن أوِد شلون ؟
انا وَياك كلِش خَلَصت ودي .

حسبتك سيف تنفع جنت #أسنك
و مثل قانون بالحب چنت #أسنك
و بثغرك يا حسافة چنت #سنك
تضحك بس چنت تضحك عليه

أكتب بيت وأمسح بيت
هجمت بيوت وماطلعت البگلبي
هجمت الدنيا كلها وماعرفت انساك
ولا أعرف أعيشن و انتَ مو گربي
ادافعلك واقاتل وأحمل الطلقات
واعرف بلنهايه هايه مو حربي .

حبك شامة بخدودي #ودكة
واحط بالكلب بسمارك #وادكة
شكم دكة شفت منك #ودكة
ورغم كل هذا حبك موبدية .

مثل جنح الفراشه شفاك #ورقه
وربيع الشوك منك راد #ورقه
كل بوسه حبيبي اطيك #ورقه
واذا حلك ابحلك دفتر هديه .

سكر كأس الخمر من ضاك #نفسك
واكو غيرك حلو بس ماكو #نفسك
اريدك يا حبيبي اتبوس #نفسك
بس ابداخلك تنويها اليه .

يزعلونه
وما نحجي نضحك
مرات ما نردهن
بالمثل سولتنة
مـــو مانعࢪف نكبـح
نغلـط،نغتاض
بس احنه ناس نعامل
بطيبتنه .

لهنا خلص حد الصبر هذا الوجع ما احمله...
والباقي عندي من العمر اليريده خل يكمله ..
ساكت ، ومهزوز ، وحذر..
قائد ويوگع بلأسر ويگوم جندي يذله ...
هنيال گلبك فارگتك وفراگي ما مهتمله ...

ردت ادخل واحاجيه
وشفت اخر رسالة
شلون جان الرد
رد يشبه سواد الليل
شلون عيونه واسود
رد بارد مخيف هواي
مثل ثلاجه الموتى
وبعد ابرد .