عن اللهفة اللي في مسيري و في مسعاي
‏أعاف الليالي و ألحق النور و أجرّه

‏حصيل المساء ذكرى قديمة و شعر و ناي
‏و جرحٍ نغني به من الوجد و الحَّرة

‏لا يشره عليّ إن زاد صمتي و قل حكاي
‏ترا ما معي غير أفتح زرار و أزرّه

‏أشيل السنين الماضية للزمان الجاي
‏و أخاف العيون تطيح من جفنها قرّة

ودّي أنسى ‏بالدروب النيّرة خطوة ضياعي
‏مثل ما لذّة وصول الحلم تنسي ثقل جهده

‏و ودّي أرمي ‏من على متون الصبر أخر متاعي
‏مثل ما يرمي المصلي ما على متونه بسجدة

أنا الأتم إدراك .. و الأغرب أطوار
و أنا اللي أعطي كل الأشياء قيمة

إذا إنتصرت أصير للنصر تذكار
و إذا أنهزمت أرفع مقام الهزيمة

إما آخذ التقدير مثل أخذ الثار
ولا أتوفى ما شكيت الظليمة

لو كنت في ماهيّتي قادر أختار
ما أخترت أكون إلا قصيدة عظيمة

" لا الصبا هذا صباي و لا الزمن هذا زماني
‏يا وجودي مابقى عندي طموح و معنويّة "

‏يا قلب من زود الوعي و القناعات
‏قمت أحب الليل و أعشق سهادي

‏و بديت أشيّد من جروحي بنايات
‏بنيت قصرٍ للظروف الشدادي

‏أخترت نفسي مارضيت الهزيلات
يقسى عليّ الوقت و أقول عادي

‏مرّات أحس الحظ عاثر و مرّات
‏أعاند ظروف الزمن بإجتهادي

‏صعبٍ ولا تعجبني كثرة العلاقات
‏و بعالميّ أحب أكون الإنفرادي

« بين الصمت وسكونه وفوضى الروح والترتيب
أنا اللّي ما ظهر منّه سوى قطرةٍ من أعماقه »

لأني أرفض أكون محطة عبور
‏ولا أفك شراعي في بحرٍ مافيه مرسى

‏تقول إني بارد وما فيني شعور
‏وتقول إني من الحجر أقسى

‏ماني من اللي تمر عليه مرور
‏ولا اللي تجيه اليوم وبكره تنسى

أنا الدايم وأنا الحاكم أنا الدستور
‏أنا ومن بعدي كل من أصبح وأمسى.