غيرك يحاول ، ولا له على قلبي مجال
‏وانت حبك قد تمكن من القلب وعبر

‏وان نشدت وقلت عطني على قولك مثال
‏قلت معطيك الحنايا ، وزايد لك شبـر

‏وان سَمعت القول بين الحقيقه والخيال
‏قلت احبك فوق كل المحبه و الامر .

احس المشاعر تنولد والزمان بخير
‏مع الناس يوم ان اكثر الناس متجهه

‏ماهو بس صباح الخير الا صباح الغير
‏ياوجهٍ خلقْه الله تصبح على وجهه

أجلس تربع بـ الحشى حط مركاك
‏ وأشرب من عروق الغلا لين تروى

‏ وأمر و تدلّل وأطلب الروح تفداك
‏ وشلون أفرط بك و أنا حي و أوقوى .

كل عام وأنتم وأهلكم وأحبابكم بألف خير آملين أن يحمل لكم العام الجديد 2025 كل الخير والسعادة ♥️

‏ بيّض الله وجه عامٍ — جابج لعمري هديه

‏لا ضاقت الدنيا عليك وتشاويت
وخلق الله اللي في الرخا كان واجد

ومن العرب والصوت والثوب مليت
وقامت عليك هموم بقعا تراجد

فارفع يديك لخالقك لا توضيت
وادع وتراك اقرب اليا صرت ساجد

و وقّت من أوقاتك للأوقات توقيت
وسجل لنفسك فالمساجد تواجد

وأبشر بفزعة حامي الدين والبيت
إليا هجدك من الهواجيس هاجد .

لك أحتاج وأنت اللي مايحتاج منّي فرَض
‏بك أظنّ، وأنت أسمى من اللي على ظنّي

‏أنا أسألك من لطفك لو أكون طول وعرض
‏حبيس الذنوب، ونسمة الصبح تفتنّي

‏أبي لحظةٍ قبل - آتلحَّف - تراب الأرض
‏ما تاخذني الَّا وأنت .. راضي بها عني .

أنا مابي من أيامي سوى أني أقترن بالطيب
‏وإذا يذكر بـ يوم ⁦ أسمي⁩تجي ⁦ والنعم⁩منساقه

‏أنا اللي كل غاياتي حسن سمعه ودعوة غيب
‏وأكون اللي بعد ذكره ثنوا بـ أفعاله وأخلاقه

اترك اثر طيب تسولف به الناس
الصيت يغني و الجمايلّ خزاين

ولفت السهر ميلاف الأجواد للأجواد
‏عسى الله لا يخليني من علومه الدسمه

‏تجمّل علي و طاب لي عنده المقعاد
‏و سكن فيه قلبي مثل ما تسكن النسمه

‏أنا من كثر ماني مقيّد معه بقياد !
‏تبعت الظلام و بيّن بهالتي وسمه

‏اراقب نجوم الليل كنّي خبير أرصاد ..
‏ما خلّيت نجمٍ فالسماء ما عرفت اسمه