بسم الله الرحمن الرحيم
سيتم نشر قصائد خروج الضعن من المدينه وبدايه الثوره الحسينية على الرابط التالي
https://t.me/alnasherfalahhasnn
يرجى نشر الرابط ليصل الى الخدام

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع تم نشر اكثر من 400 من القصايد الخاصه بهذه الذكرى على الرابط التالي

https://t.me/+-3msO083Nvg1MTMx

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع سيتم نشر القصايد الخاصه بهذه الذكرى على الرابط التالي

https://t.me/+-3msO083Nvg1MTMx

في حق خدمه الحسين. ع

اجه عاشور هلي الدمع ياعين
ماتحله البواجي بس عله حسين

-----------------
كل سنه لو هل محرم احمد الله وشكره
احضر بهاي المجالس وخدم ابن الطاهره
لئن لجلي حسين قدم دم وريده ومنحره
العام ماوفيت انه مقصر ارجو المعذره

كام ابروحي يكبر جرح السنين
ماتحله اابواجي بس عله حسين

-----------------
بالحسينيات احضر ولبس اهدوم السواد
ترتفع رايت محرم ينعلن. عدنه. الحداد
خلهم يلومون بيه شحصلو اهل العناد
الدنيه ماتسوه بدونه خدمت حسين المراد

تلهب من مصابك بيه نارين
ماتحله البواجي بس عله حسين

-----------------
احسب ايام المحرم انه كل عام اليمر
وكربلاء تعيش بيه ونار تلهب بلصدر
كبال عيني دوم اشوف خيام محتركه وجمر
لئن زينب سلبوهه ومشت راحت لليسر

تعودت عله حزني وصوت الونين
ماتحله البواجي بس عله حسين

--------------------
لو قره الرادود دمعي يجري من عيني ويصب
اذكر امصاب الفواطم من مشن وي الغرب
حسين حزو نحره ضامي وسال دمه عله الترب
والطفال مسلبيهه ونار بخيامه. تشب

وكافل خدر زينب راح لاوين
ماتحله البواجي بس عله حسين

--------------------
بلعزه ويانه تحضر فاطمه. وي الخدم
تبجي وتنوح عله ابنه صدره بالخيل انهشم
جمره ضلت دوم بيه تسعر بنار. الخيم
عل شريعه وسفه طاحت رايته راعي العلم

زينب صوباهه بكربله البين
ماتحله البواجي بس عله حسين

--------------------
الخادم
رحيم الصالحي

وصل ضعن الدمع وحسره جاباها
اجت زينب وجت جم لوعه وياها
الكفل خدر الضعينه يباري ممشاها
وناخت نوگهم برض الحزن والهم
................................
هنا موطن حزنها اوبلوت البلوه
هنا يبدي الضمه وتتفرهد الخوه
هنا يتصلطن المايسوه عاليسوه
وبتارب الصحاري العين تتيمم
...............................
باجر زينب ابدمع الألم تسهر
نار الخيمه تسعر والگلب يسعر
القاسم ينذبح ومطبر الأكبر
وحته البالمهد بگماطه مايسلم
..............................
باجر زينب اتحير ابوجه ذابل
ومن الجربه تطلع روح ابوفاضل
تتيتم خيمها ابطيحت الكافل
ومو بس الخيام الغيره تتيتم
...............................
ينام حسين اخوها عالترب نومه
وياويلي الستر تتفرهد اهدومه
تهد حيله الشمس وتخرب ارسومه
وكل حيل الثواكل بعده يتهدم

العبد ابوفايز الرافضي
الفاتحه على روح والدي

**كأني بمولاي الحسين "ع" يحظر للعزاء ويتكلم مع الخدام .

‎احچي لخدامي .. وضامي .. بدمعي
‎آنه البالحافر .. كسرو .. ضلعي
‎جاي احچي منحور .. ضيعني عاشور
••••••••••••••••
‎آنه الاجيت ابلا ظهر ..
‎وامشي اعله طولي بلا نحر .. مجلسكم احظرله

‎عفت الجثث جوه السحگ
‎وعفت الخيم بيد الحرگ .. وزينب عله التله

‎آنه المشيت ابلا شوف دم ورمل بعيوني
‎بالگوه امشي امن الخيل كسرة عظم بمتوني

‎آنه الحرگوله .. اخيامه .. وگلبه
‎وجسمي اعله الرملة .. وخيل .. تگلبه
‎اليبچيلي مأجور .. ضيعني عاشور
••••••••••••••••
‎ما باقي مني ولا ضلع
‎متطشر وما انجمع .. ومهشمة اعظامي

‎الكسرولي ظهري اعله النهر
‎وبكل محرم بالدهر .. ما تنطفي اخيامي

‎ياوادم انه المذبوح والدم ترس كل رمحي
‎بذاك الظهر بالطف طاح نص التراب بجرحي

‎شحچي اعله العاشر .. وانه .. مگطع
‎متطشرة اشلائي .. وزينب .. تجمع
‎بالگاع الاتفور .. ضيعني عاشور
••••••••••••
‎آنه الاكل خدري الجمر
‎ومتطشرة نسواني العصر .. وزينب تفزعني

‎كل الرماح بجثتي
‎ويم جسمي سحگو طفلتي .. الرادت تودعني

‎شحچي بخيم زينب نار ومابيها ماي الهيمة
‎وتاهت رقية امن الخيل من ركضن اعله الخيمة

‎ارد انهض وافزع .. يثگل .. جدمي
‎من ابنياتي .. يطيحن .. يمي
‎بس آنه معذور .. ضيعني عاشور
••••••••••••••
‎عالمنبر اوگف يا خدم
‎بس احچي يخنگني السهم .. وانزف بعد اكثر

‎الما يسوه ذره بنظرتي
‎جف ايده لازم شيبتي .. و برگبتي الخنجر

‎گوه النفس ينجر صار ذباحي گاعد فوگي
‎وشگد صحت رايد ماي يبسن يناس اعروگي

‎امن الدم ما اگدر .. احچي .. احچايه
‎و احسين لوحده .. وخيل .. اهوايه
‎نص گلبي مطرور .. ضيعنب عاشور
•••••••••••••••••••••
‎احجار وعصي وخيل وشتم
‎لا يمشي نفسي او لا جدم .. عافيتي خلصانه

‎تخيلها گلبك ينرفس
‎تشيد حيلها وياك الشمس .. والجثه ذبلانه

‎آنه الوگف خدري بسوگ والدنيا كلها تشوفه
‎آنه اختي طبت ديوان بس بحبل مچتوفه

‎چم مره بمره .. طايح .. راسي
‎من يشتموها .. تضيج .. انفاسي
‎وما وچد النور .. ضيعني عاشور
•••••••••••••••
‎علي هادي الخزعلي**

[ نعي الليله الثانيه ]

ــــــــــــــــ

يـ گون الليله دمعـي أوياك ماخِتْمه
أريد الليله احچي سوالف الخـدمـه
يـ كونك راضي عنّه وعنّ إلـ نقدمه
و كـون الما بچـتلك تــذبل وتعمه

ــــــــــــــــ

وحگ شيبك الدامي الماحصل غسله
أتيّـه بيـــتي و قــراياتــك انــدلّه
يـ المعلّمــني معنـى السِـلّه والذِلّـه
شعار (الخير) صار ابخدمتك (كِلّـه)

ــــــــــــــــ

عسى ليل الخدامه وياك ما يرحـل
و أشد احزام حزني و دوم ما ينحل
يـ يكون الطم لحد ما فاطمه تقبل
يالمعيّـشني عيشـة خـادم امـدلل

ــــــــــــــــ

مهدي التقي

أبمدرسة فاطم .. ناجح الخادم
والمدير البيها حيدر
كل عزه ويانه يحضر
ناجح الخادم

1........

ندرس احنه ابهالمجالس مو بالصفوف
والمدير العام حيدر اسمه معروف
منبر الينجح علامه وفاطه اتشوف
والشهاده اتصير خدمه ابلطم الجفوف

ابخدمته ناجح ... ماخسر رابح
عالسراط افعاله معبر
كل عزه ويانه يحضر
ناجح الخادم

2......

هذا نهج العنده غيره وتسمع الناس
حكه ينطي اجفوف ايده بطفها عباس
وتشهد اعيون الحميه وطبرت الراس
وافه كلشي للزجيه ابكطع الانفاس

وستمع نبراته ... عالنهر صيحاته
الي عالشاطي توذر
كل عزه ويانه يحضر

3......

الف هنياله اليخدمچ يم الحسين
عالي راسه دوم يبقه طول السنين
أمن الزغر امي تكلي استمع زين
عالزجيه اذوب دمعك ونذر العين

لمجلس الزهره .. سالت العبره
يلي دربج احله منضر
كل عزه ويانه يحضر

4.......

رايد اسجلين اسمي اويه اليلطمون
ونحسب خادم مكاني اويه اليخدمون
اي وحك حسين يجري ماي العيون
وخلي كل اهل النفاق الليله يسمعون

افتخر مجنونچ ... مااعيش ابدونچ
بكلبي حبج صار يكبر
كل عزه ويانه يحضر

5.......

من اشوف الباب اذكر كسر الضلوع
ومن دمه لمصاب ابنج تجري الدموع
ما يغيب ابالي جرحج يبقه مطبوع
وعمري يتهدم يزهره مثل الشموع

احترك لمصابج ... والحركها بابج
ونار كلبي عليج تسعر
كل عزه ويانه يحضر

سجاد الهلالي

نزال.... الخدمة

خدام وانطينه العهد
لحسين نخدم للأبد
____

عهدنه بالدم كتبناه عشگنه بالطف لگيناه
عمرنه بالخدمه شفناه يسوه التعب

دمعنه الشاهد علينه شمعنه اليبجي بدينه
فزعنه النصرَة ولينه جون ووهب

للموت لحسين الوعد
خدام وانطينه العهد
____

ليالي يمك تلمنه يغالي وتشد عزمنه
تلالي دمعة هضمنه من السبي

عمرنه يخلص نواعي دهرنه للونه ساعي
صبرنه صار النه راعي وألهم نبي

بالروح ثأرك مابرد
خدام وانطينه العهد

____
منابر تكشف بصيره مشاعر متلمها ديره
نثابر. والخدمه غيره عد الزلم

ندائي لآخر حياتي بكائي المجلس صلاتي
عزائي. زاد المماتي والبيه اهم

ننعاك من يوم المهد
خدام وانطينه العهد

_

مهابه الرايد مهابه ابخدمته ايخلص شبابه
حياته احسين ومصابه يكضي العمر

ونينه وهمه ومشيبه. ولينه الجثه السليبه
بجينه الطاري الغريبه ام الخدر

وياك وانته المعتقد
خدام وانطينه العهد
___

بَجيِنَّه الطَوَّل عمرنه. بدينه نحسب لأجرنه
ولينه انته وذخرنه الباقي العمر

خيامك نار ابگَلبنَّه قيامك حبنه وحربنه
سلامك راحَةْ تعَبنه اليوم الحشر

صحناك يراعي الشِدَد
خدام وانطينه العَهَد

_
فيصل المياحي

رسالة من الگمر للخادم
رسالة تواضع وي الوادم

عنوانك ايمانك تتواضع شرف..
تعريفك تكليفك لحسين نوصف..
أيثارك وأصرارك بالغيرة انعرف..
لاتكطع بل اجمع شد طرف بطرف

اريدك مثل گلب القاسم
رسالة تواضع وي الوادم

اليتواضع .. يترفع قانون الخدم
بالخدمة يصير اسمة عنوان وعلم
من تتعب تترتب بي راحة ألالم
صرخاتك دمعاتك تبچي اعلة الخيم
دموعك تهز عرش الظالم
رسالة تواضع وي الوادم

يالخادم .. ظل لازم هيبة خدمتك ..
لاتجزع اتشجع لزهرة اختارتك ..
زلمة تحس بالمجلس تنزل دمعتك .
دگ صدرك .. كل عمرك مني غيرتك ..

خدمتك .. تشرف اكبر عالم
رسالة .. تواضع وي الوادم

بوجدانك لخوانك صيرلهم سند..
بجروحك مد روحك ماتخسر ابد..
بالمأتم تتحزم دگ روحك وتد ..
ينخونك يردونك روح وي الجسد

وگفتك ينظرلهة القائم
رسالة تواضع وي الوادم

لا تهتم واتقدم وانصر سيدك ..
لتجامل كل عاقل يفهم مقصدك
ماتخسر بل تكبر الله مواعدك
لاتهتز واتحفز هوة يخلدك

بعزيمة فوت بيهن سالم
رسالة تواضع وي الودام

الشاعر علي الفتلاوي