القلوب النقيه للخدمه الحسينيه
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 9 months ago
Last updated 3 months, 2 weeks ago
وكان المتوكل دائما يقول : والله لأقتلن هذا ا على لمرائي ولكن الله كان يصرفه عن قتله
وبعد وفاة المتوكل الذي جرَّع الإمام الغصص طيلة ١٤ عام عاش الإمام مع حكام ظالمين اجبروهالبقاء في سامراء وبقي ملازما بيته كاظما غيضه صابرا على مامسه من الاذى من بني العباس حتى دس له السم المعتز ويقال المعتمد العباسي لعنهم الله
وصار يعاني من ألم السم الذي مزق احشائه
ولما حانت المنيه دعا ابنه ابو محمد العسكري
وسلمه مورايث الإمامة واوصاوه بوصاياه
ثم انه عليه السلام عرق جبينه وسكن انينه واسبل يديه ومدد رجليه وفاضت روحه الطاهرة إلى ربها
رحم الله من نادى واإماماه وامظلوماه وامسموماه
واجتمع في دار أبي الحسن الهادي جُل بني هاشم من الطالبين والعباسين واجتمع خلق كثير من الشيعه ثمّ فُتح من مصدر الرواق بابٌ وخرج خادمٌ أسود، ثمّ خرج بعده أبو محمد الحسن العسكريّ(عليه السلام) حاسراً مكشوف الرأس مشقوق الثياب، وكان وجهه وجه أبيه (عليه السلام) لا يُخطئ منه شيئاً، وكان في الدار أولادُ المتوكّل وبعضُهم ولاةُ العهود، فلم يبقَ أحدٌ إلّا قام على رجليه.
وقال الراوي جلس العسكري ع بين بابي الرواق والناس كلّهم بين يديه، وكان الدار كالسوق بالأحاديث، فلمّا خرج أمسك الناس فما كنّا نسمع إلّا العطسة والسعلة، ثمّ خرج خادمٌ فوقف بحذاء أبي محمد(عليه السلام)، وأُخرِجَت الجنازة وخرج (عليه السلام) يمشي حتّى خرج بها إلى الشارع، وكان أبو محمد(عليه السلام) قد صلّى عليه قبل أن يخرج إلى الناس، وشيعه جمع غفير فصكت سامراء باهلها في شارع أبي احمد فلما رأى المعتمد ضجيج الناس وبكائهم
خاف على نفسه فأمر بإرجاع الجنازة
ودفن الإمام في داره
الامام الوحيد الذي دفن في داره هو الإمام الهادي
ياموالين يامحبين من المعزى ولمن العزاء
نعزي اليوم مولانا صاحب الزمان وأمه الزهراء وكأني بها تنعى وتقول :
على اخبارك نشدت الراح - وياي
كالوا وسط جبدك لهب - وياي
اجيت وجـبت زينب ليك - وياي
عليها النايحه والون عليه
علي الهادي ييمه اليوم اجيتك
انصب نايحه يبني بثنيتك
يحلو الطول من فدوه اللحيتك
لكيتك عالترب نايم لكيتك
علي الهادي ييمه عليك صاحن
ضلوع امك يبعد الما ارتاحن
الطفن من البواجي وحيل راحن
اعلى تابوتك افصوص العين طاحن
علي الهادي ييمه يفور دمعي
واحس توه انكسر عالنعش ضلعي
وين الناعيه خل تجي وتنعي
هنا يا روس هاشم حزن فرعي
علي الهادي ييمه الگلب شاجر
اكض وجهك واكولن خاف حافر
ساحك على عيونك لو خناجر
بظهرك نايمه والنحر شاخر
يامن يُعاني كَثـرةَ الأرزاءِ
هّلآ وفَدتَ لأرض ِ سامِـرآءِ
فهنـاكَ صَرحٌ للقداسةِ شامخٌ
مثوىً {لهاديِ} العترةِ النُجباءِ
تمت بحمد الله
اعداد وتنظيم أم محمد علي الشيباني
مجلس الامام علي الهادي عليه السلام
صلى الله عليك يا رسول الله
صلى الله عليك وعلى أهل بيتك الطيبين الطاهرين
صلى الله عليك يامولاي وابن مولاي ياعلي الهادي النقي
قريض :
يامحنةَ{الاثنينِ} فيكِ أذقتِنا
غُصَصاً من البأسآءِ والضرآءِ
دسُوا إليه السُمَ وآ أسفاً لهُ
فغدا عليلاً ناحلَ الأعضاءِ
وقضىٰ بعيداً عن معالم ِ طيبةٍ
في غربةِ البُلدانِ والأرجاءِ
وعليهِ شَقّ {العسكريُ} ثيابَهُ
والحُزنَ أبداهُ بلا إخفاءِ
شعبي :
شك ثوبه اوليده وينادي
يومك صعب ياعلي الهادي
نارك تره حركت افادي
للهادي الونات كلفه
وسفه كضه مسموم وسفه
جتاله ابموته تشفه
كضه العمر ضيم واذيه
وبالسم لفت ليه المنيه
اويلاه ياروح الزجيه
لاحول ولاقوة الابالله العلي العظيم انا لله وانا اليه راجعون وسيعلم الذين ظلموا آل محمد أي منقلب ينقلبون والعاقبة للمتقين
نحن اليوم بضيافة عاشر الامناء أمامنا علي الهادي عليه السلام
ولد الإمام علي ابن محمد الهادي ع ثاني رجب سنة ٢١٢ للهجرة او ٢١٤، وكانت ولادته في قرية ( صريا ) التي تبعد عن المدينة ثلاثة أميال
استلم الخلافة بعد ابيه وعمره ٦ سنوات وأشهر واستشهد وله من العمر ٤٠ سنه وقيل ٤١سنه
عاش الإمام الهادي ع في مدينة جده رسول الله ص بعد وفاة أبيه الجواد ع قرابة ١٣ عام فأحبه الناس واجتمعوا عليه والتف حوله العلماء وطلاب العلم وكان الشيعة يتصلون به من كل بلد
فكتب ( بُريحة العباسي ) احد انصار المتوكل ان كان لك بالحرمين حاجة فأخرج منها علي ابن محمد فانه دعا الناس إلى نفسه وجمع السلاح في بيته للثورة عليك
فبعث المتوكل قائده يحيى ابن هرثمه إلى المدينة ودخل دار الإمام وفتشها فلم يجد إلا مصباح وكتب العلم
واحضر الإمام إلى سامراء
عانى الإمام في سامراء ماعانى من الظلم والقهر والإقامة الجبريه والمراقبة الشخصيه من حكام بني العباس المعتصم ، والواثق ، والمتوكل ، والمنتصر، والمستعين ، والمعتز
إلى أن مات مسموما بأبي وأمي
وكان المتوكل شديد العدواة لأهل البيت وكان يضمر له الحقد ويحب دائما أن يقلل من شأن الإمام امام الناس
ففي احد الايام جاء إلى المتوكل أحد المشعوذين أصحاب السحر من بلاد الهند فقال له المتوكل: إن أخجلت علي بن محمد الهادي أعطيتك ألف دينار.
فقال الرجل المشعوذ: أجعل على مائدة الطعام خبزاً خفيفاً رقيقاً وأدعو علي الهادي عليها.
ففعل المتوكل وحضر الإمام الهادي، وعندما مد الإمام يده إلى الخبز طار الخبز من بين يديه في الهواء بتأثير من ذلك الهندي المشعوذ، ثم مد يده الإمام إلى أخرى فطارت هي الأخرى، فتضاحك المتوكل وبعض الناس.
عندها غضب الإمام عليه السلام وكانت إلى يساره صورة أسد فضرب بيده على تلك الصورة فبرز الأسد منها، فقال له الإمام: (خذه) وأشار إلى الهندي.
فوثب الأسد على الرجل فابتلعه ثم عاد مرة أخرى إلى الصورة الأولى فتعجب الجميع وداخلهم الرعب والخوف فنهض الإمام وخرج
قصيده للسيده زينب ع وهي تنتخي باخيها ابو الفضل ع
────═❁═────
زينب تناديك اكعد يالكفل
كومً ردهم ذول اصحاب الجمل
كوم هزها رايتك
هاي اختك نادتك
ذوله يعبدون اللاة اوهبل
━━━━▣♦️▣━━━━
ردو امن إردود يردون انسبي
خويه انه امخدرة اهل العبي
ترضى ياعباس طبني الناصبي
انه زينب بت علي اوجدي النبي
اكتل كوم عادتك
هاي اختك نادتك
ابد ماعدهم حياء اولاخجل
زهره الكناني✍?
━━━━▣♦️▣━━━━
گوم ياعباس واحمي ام الخدر
سدوا البيبان ظلام اوكفر
ركبك اچفوفك وافزع ياگمر
وابعد العدوان ياابن الطهر
انهض اعلن فزعتك
هاي اختك نادتك
يلله وينك خويه افزع يابطل
ب✍ الحاجه ام احمد الحچامي
━━━━▣♦️▣━━━━
هاي اختكم وينكم يأخواني
انه زينب ليش اظل بأحزاني
صرت انه ام الصبر عنواني
ودومي مهظومه بكثر عدواني
شلون تقبل غيرتك
هاي اختك نادتك
عيني تربي لجيتك يبن الفحل
ام جعفر الايرواني✍?
━━━━▣♦️▣━━━━
كوم يا عباس ياابو المرجله
انت الك وكفات تشهد كربله
رد عليها اليوم خولي وحرمله
وذاكه الي كال اسبي العايله
الشيعه كلها ابصايتك
هايه اختك نادتك
ياالله عباس يالبيك الامل
ام زين العابدين✍?
━━━━▣♦️▣━━━━
خويه ياعباس الحگ يالولي
ظاله ابوحدي تره اني بالخلي
حسين جيبه وياگ گلي إدللي
خايفه عباس گللهم هلي
تصيح آنه بشيمتك
هاي اختك نادتك
اوياك جيبه المهدي ولم الشمل
✍?ام علي المالكي
━━━━▣♦️▣━━━━
شنهو ذنبي انه مرتين انسبي.
ويجسر اعليه يخوتي الاجنبي.
مادروا جدي محمد النبي
بس ردت عباس هذا مطلبي
اطلب آنه امروتك.
هاي اختك نادتك.
ما اضن تگطع يبعد اهلي الوصل..
بقلم المقصره ام كيان العامريه✍?
━━━━▣♦️▣━━━━
تنادي الحوره يشيلت راسي
بيك ما خايب يخويه احساسي
الك تشهد كل هلي وكل ناسي
الزمن وياي كلش قاسي
خويه اريدن فزعتك
هايه اختك نادتك
الحره ابمحنه يخوهه ابو الفضل
ام ✍?رحمه الگاظميه
━━━━▣♦️▣━━━
تمــــــ✍?ـــــت القصيده بقلـــــــــ✏️ـــــــم شاعــــــــــــــرات القلـــــــ?ـــــــوب في الخـــــــ??ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء
نعي لسيده الزهراء ع لسان حال زينب ع
ــــــــــــــــــــــــــــــــــــــــ
لنطي ارهان من عمري وراهن
يكون الزمن بيه ايرد. وأراهن
عزيزات اهدمن حيلي وراهن
عكبهن تره اولاضل حيل بيه
شلون ايضلي حيل اوعني شلتي
وأنتي النفس للروح. جنتي
ياشريان كلبي ويامهجتي
✍?ام مرتضـــــــــى الحواســـــــــي
┈┉┅━━❀❀━━┉┉┈
يشريان الكلب يم المحنه
دوم اذكرج يابعد اهلنه
زاهي الوكت من جنتي النه
زاهي الوكت چان بحضورج
يالبيتي طفه من غاب نورچ
ياريتج قريبه وهسه ازورج
*✍?أم عبــــــــــد اللـــــــــه العـــــــــابدي*
┈┉┅━━❀❀━━┉┉┈
ياريتج تجيني يم الحسين
او تشبع نضر من عندچ العين
يا وسفه خذاچ من ايدي البين
يايمه خذاچ البين مني
اورحتي يزهره ابعيد عني
يحبيبه ويبعد اليوجعني
✍️ ام احمد المنصوريه
┈┉┅━━❀❀━━┉┉┈
يالشالت عليها دموعي تجري
او لفراگ الحنينه نار تسري
ماأحمل ييمه ونفذ صبري
وين الگاچ يالحجيج معدل
ياطيبه وحنينه وراضيه الكل
شگل لحسين عنج لو اجه يسأل
الحاجه ام احـــ✍*ـــمد الحچامي
┈┉┅━━❀❀━━┉┉┈
ياريت الوجع يندار أليه
ولا اشوفن تون زهره الزجيه
اه يالدارهه ضلت خله
من ظلت خليه الحجره والدار
ظل بس طيفها بعيوني تذكار
اعلى امي ارد اونن ليل وأنهار
✍?ام كـــــــرار شــــــــكر
┈┉┅━━❀❀━━┉┉┈
ارد ابچي وجر حسراتي عليچ
مشتاگه الحضنچ ولمحاچيچ
شنهي اليوجعچ يايمه اشبيچ
عفتيني ييمه أبهاي الديار
وبس انشد عليچ الراح والمار
دارچ مظلمه ومني الگلب نار
✍?ام علي المالكي
┈┉┅━━❀❀━━┉┉┈
تمــــــ✍?ـــــت القصـــــــيده بأقلام الشاعرات فـــــــــ✍?ـــــــي رابطـــــــة القلـــــ?ــــوب النــــ?ــــقيه غير مبرئ للذمه من يحذف اســـــــــماء الشاعــــــــــرات..
نعي للسيده معصومه عليها السلام
┈┉┅━━❀❀━━┉┉┈
لفگد الاخو نيران تسعر
من غيبته گلبي تفسر
ماشوف وجهه الله واكبر
غبت عني يخويه والبعد طال
تره افراگ الولي ياناس چتال
هو تچوتي او حَمَّل اوشال
الحاجه ام احـــ✍ـــمد الحچامي
┈┉┅━━❀❀━━┉┉┈
شال وتركني محمله هموم
وكليبي من طرواه محروم
يا يوم اشوفه بعد يا يوم
وين التچيه الجابته امي
ولي يشاركني بهمي
كون العيون عليه تعمي
┈┉┅━━❀❀━━┉┉┈
يحفار گبره يامعدل
خافن على وجهه يتبدل
روحه عزيزه وراسه عَدِل
من شوف بيتك تعمه عيني
ظلمه المنازل تبچيني
للموت مايبطل ونيني
راح الحنين وگطع بيه
محد بعد ينشد عليه
خال الولد خال البنيه
اعاين للصور وتروح روحي
يبن امي ملچومه اجروحي
افراگك كتلني وكثر ت
نوحي
✍?ام علي المالكي
┈┉┅━━❀❀━━┉┉┈
تكله افراك الولي جتال ياناس
ياهيبتي ويا رفعة الراس
يايوم الاخو بنص الكلب جاس
ــــــــــــ
اريد ابجي عليه واعميها العيون
على الشال وتركني شلون بشلون
حملني خويه ويه اليحملون
ـــــــــــ
اخذني وياه وحملني يدفان
اشتسوه المره من غير الأخوان
شالو اخوتي الكلهم احنان
ـــــــــ
شال وعلينه ابعد ضعنهم
مكدر وضل خالي نزلهم
وسفه الدهر مني اخذهم
ام ✍?زين العابدين لمحمداويه
┈┉┅━━❀❀━━┉
شال وتركني محمله هموم
وكليبي من طرواه محروم
يا يوم اشوفه بعد يا يوم
وين التچيه الجابته امي
والي يشاركني بهمي
كون العيون عليه تعمي
✍?ام كــــــــرار شكــــــــر
┈┉┅━━❀❀━━
تمــــــ✍?ـــــت القصـــــــيده بأقلام الشاعرات فـــــــــ✍?ـــــــي رابطـــــــة القلـــــ?ــــوب النــــ?ــــقيه غير مبرئ للذمه من يحذف اســـــــــماء الشاعــــــــــرات..
https://t.me/poiukjhhggfffffff
قصيده للزهراء عليها السلام.... وزن الدارمي
//حال اهل بيتها //
┈┉┅━━❀❀━━┉┉┈
هلليله يم حسين دارج خليه
حيدر خذاج بلليل اه يالزجيه
┈┉┅━━❀❀━━┉┉┈
صوب المگابر ليش شلتوا الحنينه
وليش من امس واليوم ماتدري بينه
حيدر يون عليج بس تجري عينه
غصبن علي تمشين ماهو بأديه
*✍? أم عبــــــــــد اللـــــــــه العـــــــــابدي*
┈┉┅━━❀❀━━┉┉┈
حيدر يبويه وين خذت الامانه
يايمه يم حسين يومج عمانه
اولادچ ينوحون كلهم حزانه
وسط الحشا نيران مشتعله بيه
أم نـــ✍️ــور الـــهــدى المنـصــوري
┈┉┅━━❀❀━━┉┉┈
غصبن علـي تمشين وعيوني تجري
ومحتاره اظلن دوم نيراني تسري
عگبچ كثر قاطات ظيمي ويه قهري
وسط الحشه النيران وارجه المنيه
✍️ام عدنان سياحي
┈┉┅━━❀❀━━┉┉┈
وسط الحشه النيران مشتعله يمه
شال النعش والروح تشبع مهظمه
خل النعش يابوي فدوه ارد اشمه
ادعي اني رب الكون ايردج عليه
الــ✍ــحاجه ام احمد الحچاميـــــــــــــــــــــ
┈┉┅━━❀❀━━┉┉┈
مـا ينحمل فرگاج يم ضلع مكسور
للــموت ابد ماطاب خـدچ المسطور
مـالومه يمه بليـل شلـــتي للگـــــبور
لا چلمة الله وياچ لا من وصية
ام وليــ✍*ـد الموسوي
┈┉┅━━❀❀━━┉┉┈
توحش عليه الدار مابيها انتي
يانسمة البرحي يمه وبسمتي
للموت يم حسين ماتهده ونتي
وعگبج يضي العين اتذل البنيه
✍️ام انور الذبحاوي
┈┉┅━━❀❀━━┉┉┈
تمــــــ✍?ـــــت القصـــــــيده بأقلام الشاعرات فـــــــــ✍?ـــــــي رابطـــــــة القلـــــ?ــــوب النــــ?ــــقيه غير مبرئ للذمه من يحذف اســـــــــماء الشاعــــــــــرات..
قصيدة بقلمي المتواضع اهديها الى سيدي ومولاي ذخري وذخيرتي أمير المؤمنين علي بن أبي طالب عليه السلام
ليش تلومني ياعاذلــي بحبــــه
علي لكل الخلگ ربك فرض حبه
علي گبل الخلگ مخلوق بالانوار
علي من نوره ربك صوره وصبه
علي مو اني وانته انعرفه بالاعراب
علي ربك شرح معرفته بكتبـــــــــه
علي التوراة والانجيل والقــــــرآن
علي كلهن علي لو رايـــد تنسبــــه
علي سورة برا ويس والاحقـــــاف
علي نهج البلاغه وكل دعا الندبـــه
علي الحگ والعداله وكل فروع الدين
علي كل الاصـول انولدت بكعبــــــه
علي ولو ماعلي ماعرفوا الرحمـن
علي هو الصراط الڪاصد لربــــه
علي الحبل المتين الماتمسك بيه
خسر كلشي بحياته وماعرف دربه
علي والمايحبه تدري شنسميـــه
ماهوه ابن ابوه وموش من صلبـه
علي تدري عليمن كلهم ايكرهوه
چي محد گدرله ومحد ايغلبـــــه
أم مح✍️مد علي الشيباني
انشودة غديريـه
اخبار،،
كلها ذاعت اخبار
بالدنيا شكو شصار،،، يوم اعلن المختار
? والي اعله الخلگ،، حيدر امنصبينه ?
????????
تلوگ الامامه،، ياهله
لهيبة عمامه ،، ياهله
عالم باسرار ،،،،، يوم القيامه
كلنه نريده،، ياهله
والجنه بيده،، ياهله
حيدر الكرار،،،،، هالليله عيده
? والي اعله الخلگ،، حيدر امنصبينه ?
????????
هالليله بيعه،، ياهله
بحكم الشريعه،، ياهله
اعلن المختار،،،،، لازم نطيعه
هوه الخليفه،، ياهله
بيده الصحيفه،، ياهله
والجنه والنار،،،،، ايقسم بكيفه
? والي اعله الخلگ حيدر امنصبينه ?
اول وتالي،، ياهله
ما مثله غالي،، ياهله
لا تبقه محتار،،،،، بس هو والي
اقره البخاري،، ياهله
تعرف الجاري،، ياهله
تاريخ الاصدار،،،،، ظهر النهاري
? والي اعله الخلگ حيدر امنصبينه ?
????????
بحجة وداعه،، ياهله
نبينه ذاعــــه،، ياهله
ولحامي الجار،،،،، رافع ذراعه
وبصوته كبر ،، ياهله
الله واكبــــر ،، ياهله
من كنت مولاه،،،،، فهذا حيدر
? والي اعله الخلگ حيدر امنصبينه ?
????????
ياهو الينكـره،، ياهله
عاقبته غبره،، ياهله
ملعون غدار،،،،، الرافض امره
هوه العداله،، ياهله
والعتره وآله،، ياهله
رابح بكل دار ،،،،، كلمن واله
? والي اعله الخلگ حيدر امنصبينه ?
تمت بحمد الله
أم مح✍️مد علي الشيباني
الاحد: ١٦ ذو الحجة ١٤٤٥ للهجرة
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 9 months ago
Last updated 3 months, 2 weeks ago