Bugun kuzatgan jonli kadrlarim

• Marshrutkada “Kecha va Kunduz”ni o‘qib ketayotgan qiz — Kitobga muhabbat.

• Maktabga farzandini gul bilan kuzatayotgan ayol — Ustozga muhabbat.

• O‘g‘li chiqindini yerga tashlaganda norozi bo‘lgan ona — Tabiatga muhabbat.

@bolaterapiyasi

Hamma o‘qituvchi o‘z ustida ishlayapti:
Kasbiy sertifikat
Til bilish sertifikati
Milliy sertifikat
Malaka sertifikati
Toifa sertifikati...

O‘quvchining ustida kim ishlaydi endi?!

Ochig‘i, og‘riqli...

©Facebookdan olindi.

@bolaterapiyasi

#suhbat

— Oyi, bugun kechqurun restoranga ovqatlangani boraylik...
— Hozircha ko‘chada ovqatlangani pul yo‘q.
— Ana, o‘zingiz ham yoshligingizda o‘ynab yurgan ekansiz-a o‘qimay. Pulim yo‘q deyapsiz.
— 🙄

Yaxshi pul topasan deb motivatsiya berish oqibati shunaqa! 😂😂😂

@bolaterapiyasi

Osonlashtiring, qiyinlashtirmang!
2017-yil yangi hovliga ko‘chib chiqqanmiz. Hovli katta 10 sotix. Ancha yillar odam yashamagani uchun tomorqa changalzor. Zo‘r berib tozalayman, o‘t yulaman, ombor yig‘aman, o‘tin taxlayman. “Super” bo‘lishga harakat qilaman. O‘t o‘lgurni buyoqdan yulsang, ertasiga boshqa joydan bosh ko‘tarib chiqadi. Biror dashnom eshitmaslikka harakat qilaman.

1 yoshli qizim bor. U bilan tayinli ish qilib bo‘lmaydi. Ba’zan onamga berib yuborib, tugamaydigan ishlar bilan ovora edim. Orada 50-100 ta banka yopaman. Ikki kishi shuncha murabbo, ikrani yeb tugatarmidik, tarqatvoraman qishda. (nima zarur ekan bilmayman)
Maqsad “super” bo‘lish, qoyil qoldirish edi.

? Bir kuni yana banka yopyapman, qizim hovlida o‘ynab yuribdi. Men ishim bilan ovoraman. Qarasam, pol avtomat kir mashinani mag‘zava chiqaradigan shlankasini og‘ziga solib so‘rib o‘tiribdi... Shu kuni qattiq isitmaladi. Qiynaldi...

Keyin o‘zimga savol berdim:
— Kimni rozi qilishga harakat qilyapman?
— Shuncha banka yopsam, hayotimda nima o‘zgarish bo‘ldi?

O‘sha paytdan boshlab, o‘zimga so‘z berdim. 8 yildan buyon ovqat g‘amlamayman. Bu hayotimda katta burilish yasamadi. Men o‘zimni qoniqtirgan bu tanlovimga boshqalar ham ko‘nikdi. O‘zgardim!

➖ Hozir servantimda yaltillab, ko‘z-ko‘z uchun turadigan sanoqsiz idishim yo‘q!
➖ Har oy oftobga yoyib, yana yig‘ib qo‘yish kerak bo‘lgan 50 ta duxoba ko‘rpacham yo‘q!
➖ Sandig‘imda 80 ta tog‘ora ko‘rgan latta-putta yo‘q!

Maqsadim — hayotimni osonlashtirish!
Maqsadim — hayotimni qiyinlashtirayotgan odatlardan voz kechish!

Qaytib kelmas qadrli bir kunimni qachondir kerak bo‘lsagina ishlatiladigan 50 ta idish-tovoqni yuvib, yana joylashga emas, o‘zim, farzandlarim uchun foydali ishga sarflashni istayman!

Yashashni qiyinlashtirmang! Osonlashtiring!

@bolaterapiyasi

Endi o‘yinchoq yig‘ishtirish zavqqa aylanadi!
Har yerga sochilgan o‘yinchoqlar onalarning dolzarb muammosi. Ularni yig‘ish charchaganda biram yoqadi-kiii, asti qo‘yavering. ?

Nima uchun bolalar yig‘ishtirishni istashmaydi? Shu savolga avval javob bermoqchi edim, lekin ko‘pchilik asosiy maqsadga o‘ting deyishidan xavotirlandim)))

Bolalar o‘yinchoqlarini oson yig‘ishlari uchun qiziqarli metod bilan yoningizga keldim.

? “Yuk tashuvchilar”
Farzandingiz haydovchi rolida bo‘lsin. Vazifasi yuk tashish. U o‘yinchoqlarni “yuk” sifatida yig‘ishtirib, “ombor”ga (saqlash qutisiga) tashiydi. Har bir yukni to‘g‘ri joyiga yetkazib borish shart. Bu o‘yin-metod kichkintoylarga zavq bag‘ishlaydi. Va ular tartibni saqlashni o‘rganadi.

? “Ranglar kvesti”
O‘yinchoqlarni rangiga qarab saralab yig‘ishtirish. Masalan, avval barcha qizil o‘yinchoqlar, keyin sariq, keyin yashil va hk. Ranglar ketma-ketligini aniqlab, jarayon o‘yinga aylantiriladi. Bolalar ranglar bilan tanishadi. Rang-tasvir bo‘yicha ko‘nikmalari shakllanadi.

? “Xazinalar qidiruvi” O‘yinchoq yig‘ishtirishni xazina qidiruviga aylantiring. O‘yinchoqlar orasiga bolaga yoqqan shirinlik yoki nimadir yashirib qo‘ying. Xazina topishga qiziqib, bir pasda yig‘ib qo‘yishadi. Bu nafaqat qiziqarli, balki bolalarni harakatga, faollikka undaydi.

? Post yoqqan bo‘lsa, layk va komment yozish tekin!

@bolaterapiyasi

? O‘yinchoq yig‘ishtirish barcha onalar uchun “global” muammo!

Bolalarni osongina o‘yinchoq yig‘ishlari uchun zo‘r metod tayyorladim!

Sizga qiziqmi?

? — yangilik!
? — yangilikka o‘xshaydi!
? — ana yangilik!

Laykda aktiv bo‘lamiz

Qizim kechqurun soatlab o‘tirib, daftardan bloknot yasadi.
Ertaga maktabga olib borib sotaman dedi.?

Mayli sotib ko‘rsin, bu ham tajriba dedim, mahsulotlarini kamsitmadim, hech kim olmaydi demadim. Yana qimmat narx ham qo‘yibdi.??

O‘qituvchi dars jarayonidan video tashladi, qizimni kuzatsam, qator qilib partasini ustiga bloknotlarini terib qo‘yibdi. Tovarlari sotildimi hozircha bexabarman)))
Yaxshiyam ustozimiz bola ruhiyatini tushunadigan pedagog.

Bolalarni rag‘batlantirish, qo‘llab-quvvatlash haqida gaplashamizmi?

@bolaterapiyasi

Azoblanish odati

Ba’zi insonlarga qanchalik empatiya koʻrsatmang, yordam bermang — hech narsa oʻzgarmaydi. Har safar vaqt, pul, emotsional yaqinlik singari resurslaringizni havoga uchiradi. Ertaga ham, bir oydan keyin ham, oʻn yildan keyin ham oʻsha-oʻsha muammolari bilan yashayverishadi.

Bu odamlar mazoxistlardir. Ulardagi azoblanish odati tashqaridan koʻrsatilayotgan yordamdan unumli foydalanishiga imkon bermaydi. Azoblanish odati qanday namoyon boʻladi?

1. Mazoxist, unga nimadir, kimdir azob berayotganini bilib tursa ham — vaziyatni oʻzgartirishga harakat qilmaydi, faqat shikoyat qiladi.
   Masalan: hech narsaga ulgurmayotgani haqida koʻp gapiradi, lekin taym-menedjment borasida nimanidir oʻrganishni sinab koʻrmaydi; oila a’zolari bilan munosabatlari yomonligini gapiradi, lekin ular bilan gaplashib olish/aloqani uzish/terapiyaga borish singari tavsiyalarga quloq solmaydi; iqtisodiy vaziyat ogʻirligi haqida koʻp takrorlaydi, lekin iqtisodiy farovonlik yoʻllarini qidirmaydi.

2. Mazoxist qiyinchiliklarini gapirishdan zavqlanadi. Masalan: Ishda qanchalik qiynalgani, kunning qanday ogʻir oʻtgani, boshqalarni deb juda koʻp harakat qilgani haqida hikoyalar eshitasiz undan. Erishgan yutuqlari, oson eplagan ishlari, donolik bilan hal qilgan masalalari haqida gapirmaydi — chunki unda sogʻlom nartsissizm yoʻq (sogʻlom nartsissizm — oʻz yutuqlari bilan faxrlanish imkonini beradi). Mazoxist qiyinchiliklari orqaligina qadrlanishga, qabul qilinishga oʻrgangan — shu sabab ular ichida yashaydi, ular haqida ogʻiz ochadi koʻpincha.

Mazoxist bilan suhbatlashayotganingizda undan e’tibor olishning yagona yoʻli — unikidan ogʻirroq muammongiz haqida gapirishdir. Siz ham mazoxist boʻlmasangiz, bunday kontakt uzoq davom etishiga chidolmaysiz??

©Sarvinoz Omonova

@bolaterapiyasi