گزدیم یئنه یالقیز بو داریسگال کوچه لرده
آنجاق نه قالیب داد، نه قالیب حال کوچه لرده

کوکسومده کی غملر کیمی، ائولر بوی آتیبلار
ایندی داها یوخدور قوجا باققال کوچه لرده

ائی گونلریکی قول قولا گیزلین دولاناردیق
کیم تاخدی بیزیم قول لارا قاندال کوچه لرده؟

سن، من، ایکی قوش، دونگه دونوملرده اوچوردوق
ایندی دولانیر قوردولا چاققال کوچه لرده

یاتدیم یوخو گؤردوم یئنه سن ... من ...  یئنه سئوگی
سن شعر اوخویورسان، جالانیر بال کوچه لرده

گل گل نه اولور، گل، داها سن گلمه سن اولماز
سن گل یئنه داد وئر، یئنه های سال کوچه لرده

آغ چادرانی سال چینینه، قاچ ... قوی هاوالانسین
من گیزلی باخیم، سنده قانات چال کوچه لرده

گل گل بو قارانلیق گئجه لردن منی قورتار
نیسگیل لر الیندن منی سن آل کوچه لرده

قاردان بورونن دام کیمی سس سیزجه آغاردی
دن دن قارا ساچ، قاپ قارا  ساققال کوچه لرده

بختیم کافی شاپ لاردا کی فینجانلارا سیغمیر
من هر گئجه سنسیز دوتورام فال کوچه لرده

فال لاردا یازیر: «آی بولود آلتیندا سئویشدی
سن غملریلن باش باشا تک قال کوچه لرده»

م. میرزارسول‌زاده

صلابتیم ساوالاندیر، شجاعتیم باباخان
آراز کیمی آخارام، صهیونیست مندن قورخ!

م. میر‌زارسول‌زاده

1⃣
بیزیم کی حالیمیزه عشق بیر گون آغلامادی
فقط غزل منه جان یاندیریر گومان گئجه لر

? آیلار موقر
✍️?مهدی میرزا رسول زاده

@AylarMovaghar

⭕️ کباب ترکی، محبوب‌ترین غذای اروپا در یورو 2024

? در نظرسنجی ۷۵ هزار نفری، کباب ترکی با اختلاف صدرنشین شد و پس از آن غذاهای انگلستان و ایتالیا در رده‌های بعدی قرار گرفتند.

نه اوجو بللی‌دير نه‌ده بوجاغی
انسانی آلدادير ايستی قوجاغی
باشسيزدير، کوکسوزدور، کوردور اوجاغی
حيات بير قماردير، کئشکه بيله‌يديم

هم آتماغی چتين، هم ده توتماغی
هم خاطيرلاماغی، هم اونوتماغی
شيرين تامسينماغی، آجي اوتماغی
حيات بير قماردير، کئشکه بيله‌يديم

آدي بيزيم اولدو، دادي توپراغين
قاريشديرديک بوزون، قاراسين، آغين
آوارماديک يولون، دره‌سين، داغين
حيات بير قماردير، کئشکه بيله‌يديم

سئونين، سئوگينين يا دا سئودانين
نه قورالين بيلديک، نه ده قايداسين
آنلاماديق بو اويونون فايداسين
حيات بير قماردير، کئشکه بيله‌يديم

کونلومو اوتوزدوم خمار گؤزونه
آلدانديم، اينانديم شيرين سؤزونه
آنجاق اؤزون تانيتديرديم اؤزونه
حيات بير قماردير، کئشکه بيله‌يديم

کونلومده حسرتلر يئل کيمی اسر
اومودسوزلوک داغلارکيمی يول کسر
اوتوب اوتوزمادان قالماييب اثر
حيات بير قماردير، کئشکه بيله‌يديم

م. میرزارسول‌زاده

اوروجلوق آیی‌نین بیرینجی گونون دوعاسی:

اَللّهُمَّ اجْعَلْ صِیامی فیهِ صِیامَ الصّآئِمینَ، وَ قِیامی فیهِ قِیامَ الْقآئِمینَ: وَ نَبِّهْنی فیهِ عَنْ نَوْمَةِ الغافِلینَ، وَ هَبْ لی جُرْمی فیهِ یا إِلهَ الْعالَمینَ، وَاعْفُ عَنّی یا عافِیاً عَنِ الْمُجْرِمینَ.

آللاهیم! بو گون توتدوغوم اوروجو دوزگون اوروج توتانلارین اوروجو کیمی و عیبادتلریمی، دوغرو عیبادت ائدنلرین عیبادتی کیمی قیل!
بو گون اویات منی غافیل‌لرین یوخوسوندان، و باغیشلا بو گون گوناهلاریمی، ای عالملرین تانریسی، باغیشلا منی ای مجرم لری باغیشلایان.