😎 "Ёш сиёсатчилар лигаси" аъзолари иштирокида Конституциямиз қабул қилинганлигининг 32 йиллигига бағишлаб “Конституция – ёшлар нигоҳида” мавзусида очиқ мулоқот бўлиб ўтди.

Батафсил репортажда…

🖥 Расмий саҳифаларимизга уланинг

Тинч атом ҳаёт сифатини ошириш ва миллий тараққиёт стратегияларини амалга оширишда муҳим муқобил ечимдир

“Иқлим ўзгаришларининг салбий таъсири ва анъанавий энергия манбалари тақчиллиги яққол сезилаётган ҳозирги шароитда тинч атом ҳаёт сифатини ошириш ва миллий тараққиёт стратегияларини амалга оширишда муҳим муқобил ечим ҳисобланади. Атом энергияси бўйича илғор технологияларнинг жорий этилиши мамлакатимиз тараққиётига кучли туртки беради ҳамда янги илмий-технологик ишланмалар ва инновацион иқтисодиётга ўтиш учун имкон яратади”.

Давлатимиз раҳбарининг Самарқанд шаҳрида ўтказилаётган “Ислом ҳамкорлик ташкилотига аъзо давлатларнинг барқарор ривожланиши учун атом энергиясидан тинчлик мақсадларида фойдаланиш истиқболлари: халқаро ва миллий тажриба” мавзусидаги халқаро конференция иштирокчиларига йўллаган Мурожаатида ана шундай ғоятда муҳим фикрлар қайд этилди.

Шунингдек, Мурожаатда мамлакатимизда соҳанинг ҳуқуқий-институционал асоси мустаҳкамлангани, махсус агентлик ташкил этилиб, соҳа учун юқори малакали мутахассисларни тайёрлаш тизими жорий этилгани қайд этилган. Юртимиз дунёда биринчилардан бўлиб, халқаро талаб ва стандартларга мувофиқ кичик қувватли атом электр станцияларини барпо этишга киришгани яна бир карра эъритоф этилган.

Президентимиз ўз Мурожаатида мазкур анжуман соҳада тўпланган бой билим ва тажрибаларни алмашиш, кенг қамровли ҳамкорлик ўрнатиш ва барқарор ривожланиш мақсадларига эришишда тинч атомдан самарали фойдаланиш бўйича аниқ тавсия ва амалий таклифлар ишлаб чиқиш учун ғоят зарур мулоқот майдони бўлиб хизмат қилишини таъкидлаб, унинг ишига муваффақият тилади.

Таъкидлаш керак, Самарқандда бўлиб ўтаётган Конференция кун тартибига соҳадаги фаолиятни МАГАТЭ билан мувофиқлаштирган ҳолда АЭСлар барпо этиш, уларнинг хавфсизлигини таъминлаш, ядро технологияларини ривожлантиришнинг экологик жиҳатлари каби ўта долзарб масалалар ўрин олган. Шунингдек, Конференцияда инновациялар, ядровий тиббиёт, соҳада таълимни ривожлантириш ва малакали кадрлар тайёрлаш масалалар ҳам муҳокама қилинади.

@a_xaitov