Фарн уæм бадзурæд, Ирыстоны адæм!
Æмæ фæрнæй дзаг уæд уʼ алкæй хæдзaр дæр. Адæймаг йæ сомбоны ныфсæй цæpы, йæ фидæныл дары йæ зæрдæ æмæ уыл фидæнæй-фидæнмæ хуыздæр бонтæ, хуыздæр замантæ скæнæд.
Фыдæлтæ иу афтæ загътой: "Зæxх нæ рагон мад у, ныййарæг мадау у йæ фарн æмæ йӕ хъармæй барæвдауӕд нæ дaрæг зæxх нæ фыдæлты бæстӕ." Афæдзæй-афæдзмæ иу цы фæллой бакæнат, цы бæркæдтæ сисат уæ уарзон зæххæй, уыдон уын сызгъæрин фæззæджы куывдтӕ æмæ чындзæхсæвты кувинаг фæуæнт, кæй уарзут æмæ уын уæ хи чи уарзы уыцы адæмтима иумæ. Хистæр кадджын æмæ кæстæр амонджынæй аразæм нæ цард фæлтæрæй-фæлтæрмæ, æнусæй-æнусмæ. Уæдæ нæ фæндыры цагъд, нæ зарæг, нæ ирон рæсугъд ныхас Ирыстоны зæххыл макуы фæцудæнт. Бæлвырд у иу хъуыддаг — йæ цард уаpзондзинады бындурыл чи аразы уыдон сты рæсугъд адæм. Иудзинад кæмæ ис, æмзонд æмæ æмзæрдæйæ чи архайы уыдон сты тыхджын адæм. Йæ абон, йæ райсом, йæ дард фидæныл чи хъуды кæны æмæ афтæмæй йæ фыдæлты кад æмæ ном бæрзонд чи хæссы уыдон сты амондджын.
Уæдæ нæ ирон фынг æртæ къахыл лæууы, æртæ чъирийæ Хуыцауы сыгъдæг ном арæм æмæ Хуыцауы æртæ хорзæхæй, цæрыны ныфсæй, уарзондзинадæй æмæ амондæй хайджын куыд уой, нæ Ирон дзыллæ Цæгатæй Хуссарæй, дунейы фарн уын ахæм арфæ ракæнæд.
О, дунесфæлдисæг кадджын Хуыцау, табу дæхицæн!
Лæгæн ацы зæххыл хорз цæрынмæ фaрн æмæ амондæй цы саккаг кодтай, уымæй на хайджын æмæ хайырджын скæн. Тыхы рæстæг у æмæ Æрæфы дон, Урсдон, Æрыдон, Фыййагдон æмæ Джызæлдон сæхи Терчы донимæ куыд æхсызгонæй бабастой афтæ дæ кувæг ирон адæм дæр зонд æмæ хъаруйæ куыд баиу уой ӕмæ Ирыстонæн йæ Хуссары хъоппӕг дидинæг Цæгаты рӕсугъд уардиимæ хæларæй, уарзонæй куыд сыздыхсой, нæ фыдæлты цытджын Уастырджи, уыцы ахъаз нын бакæн.
Фæндагсæры Уастырджи, табу дæхицæн!
Нæ рæсугъд кæстæртæ æфсæнырдонджынтæ сты, сæ дугъ гæпп дзæбæх фæндæгтыл æнæниз æмæ æнæ фыдбылызæй куыд уа уыцы арфæ сын ракæн. Сау хъæды бæлæстæй быдыры цæхæрадон чи сарæзтa, нæ Хетæджы Уастырджи, табу дæхицæн! Дæуæн дæ тыхсты сахат хъæд цы æххуыс бакодта, мах, дæ кувæг адæм, ды та махæн ноджы стырдӕр æххуысгæнæг фæуы. Ныхасы Уастырджи, табу дæ хорзæхæй, нæ дзыхы дзырд æмæ нын нæ кæрæдзийы уынд адджын куыд уой, уыцы сыгъдæг фарнæй нæ барæвдау.
О, нæ фыдæлты рагон Уастырджи, дунесфæлдисæг иунæг кадджын Хуыцауы цытджын минæвар, табу дæхицæн! Бæpзондæй, ныллæгмæ рафæлгæс! Кæд искуы искæй кувинæгтæ адджынæн айстай, уæд мах куывд дæр уый æмбал фæкæн. Сабыр цард уарзæг Иры дзыллæтæ стырæй чысылæй де уазæг, дæ фæдзæхст!

дæхи бафысс: t.me/ironzarjyta

нæ канал ютубы https://www.youtube.com/@Iron_zarjyta

дæхи бафысс: t.me/ironzarjyta

нæ канал ютубы https://www.youtube.com/@Iron_zarjyta

О мӕ зынаргъ фыдыбӕстӕ, талынг бонтӕ дыл ӕрцыди
Бирӕтӕ ныххафтой къӕхтӕ, бирӕтӕн сӕ сӕфт фӕхъӕр ис
Сабыр дон хӕйрӕг рӕвдауы, адӕмӕй хинтӕй фӕйлӕуы
Ма бакӕн, ме ʼфсымӕр, ма фӕрӕдий, ма хъыгдар Хуыцауы
Бирӕ бавзарста, нӕ бӕстӕ афтӕмӕй дӕр цӕстысыгтӕ
Бирӕ туг фӕкалдта бирӕ хъӕбулты нын хӕст фӕхаста
Цас ӕмбӕлы ацы бирӕ, бафӕлладтӕн бирӕйӕ
Бакӕс ма дӕхимӕ, бакӕс ма дӕ мад, дӕ фыдмӕ дӕр
Зонын ӕй, ӕз дӕр ӕмбарын, ӕрыгон уыдзыстӕм иухатт
Фӕлӕ нӕй гӕнӕн, ӕркӕс, ӕгъдауы фӕд сабыргай сӕфы
Хистӕр ферох лӕгъз ныхас, кӕстӕр нал зоны ӕфсарм
Райсомы бон никӕй хъӕуы, никӕй хъӕуы хъарм дӕларм

Нана, ма мӕсты кӕн, нана, сабыргай слӕгъз уыдзӕн
Уастырджимӕ кувӕм, нӕ фӕндаг нын дары растырдӕм
Хуры скастау мах дӕр сисдзыстӕм ирон тырыса арвмӕ
Ӕнусмӕ фехъуысдзӕн нӕ тых ирӕттӕ размӕ!

Базард(2х):
Размӕ, ӕрмӕстдӕр размӕ
Райсомы бон уыдзӕн фӕндараст
Кӕд дӕ ирон ӕрлӕуу, ӕрлӕуу мӕ фарсмӕ
Скӕнӕм тох, баивӕм нӕ царды ахаст

Рох кӕнӕм ӕгады ад, ӕмӕ нӕ сӕр хӕссы сӕфт ранмӕ
Нал хъӕуӕм кӕрӕдзи, ничиуал лӕууы махӕн нӕ фарсмӕ
Раст дзырдта Къоста, додой кӕна нӕ мӕгуыр бӕстӕ
Ничиуал фестдзӕн лӕгау, ничи ахъӕр кӕндзӕн "хистӕр"
Ехх… цыма фӕуӕм, мӕ бон куыд нал у дзурын
Фӕсивӕд, ма бауадзут фесӕфын ирон ӕвзаг
Сыгъдӕг зӕрдӕ, сыгъдӕг удӕй ӕз сымахӕй курын
Ма рӕдийут, ма фехалут уӕ рухсцарды фӕндаг

Нана, ма мӕсты кӕн, нана, сабыргай срухс уыдзӕн
Уастырджи нӕ хъусы, нӕ фӕндаг нын дары растырдӕм
Хуры скастау мах дӕр сисдзыстӕм ирон тырыса арвмӕ
Ӕнусмӕ фехъуысдзӕн нӕ тых ирӕттӕ размӕ…

Базард.

https://youtu.be/z010mQs-OOA?si=HDJBaynA_2V8A-vU

Ӕгӕр тынг ӕфхӕрд дӕн фыр рыстӕй,
Зӕрдӕмӕ кӕсыныл фӕдӕн.
Ӕвзӕр зын, зӕрдӕхор ныхӕстӕй
Мӕ зӕрдӕ та судзы мӕнӕн.

Базард:
Ӕвзӕр зонд, галиу ныхӕстӕ
Фӕсафынц мӕ фӕндтӕ мӕнӕн.
Ӕнӕ фыст ныр зайынц мӕ хӕстӕ,
Мӕнӕн нӕй хӕсимӕ цӕрӕн…

Нӕ хуссарыл уазал дымгӕйӕ
Мӕ хортӕ, мӕ хостӕ – дӕрӕн…
Нӕ фӕззӕджы – гутонгӕнгӕйӕ –
Рӕстӕй дӕр кӕмӕн нӕй цӕрӕн…

Базард.

Ӕгӕр тынг ӕфхӕрд дӕн фыр рыстӕй,
Зӕрдӕмӕ кӕсыныл фӕдӕн.
Ӕвзӕр зын, зӕрдӕхор ныхӕстӕй
Мӕ зӕрдӕ та судзы мӕнӕн.

Базард.

Хӕхтыл быдыртыл ӕрзылдтӕн
Цъититӕм ӕскастӕн ӕз
Раст хъуыдымӕ ӕз ӕрцыдтӕн
Хуры ʼнгас у раст дӕ хуыз

Базард:
Ӕз, чызгай, фӕсмон нӕ кӕнын
Ӕз дӕумӕ кӕй радтон къух
{Ӕз дӕ уындӕй тынг куы райын
Уарзты адӕй нал дӕн цух} 2х

Цардӕн аргъ кӕнын куы зонай
Бакаст фезмӕлдӕй уӕзбын
{Бон фӕсурдзынӕ дӕ фарнӕй
Базондзынӕ уӕд цӕрын} 2х

Базард.

Бинонтӕ хъӕрмуд куы цӕрой —
Фарн, бӕркад сӕм фаг уӕд ис
{Къахыл фидарӕй куы ʼрлӕууой —
Схиздзӕн уӕд бӕрзонд сӕ ис} 2х

Базард.

https://youtu.be/KWXY3DvtMik?si=Gza0Il0lq51QP8ru

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — сӕн.

⚫️ Дæхи «СапÆ»-йыл бафысс

дæхи бафысс: t.me/ironzarjyta

нæ канал ютубы https://www.youtube.com/@Iron_zarjyta