Йўлда оқиб ётган, автомобиллар балонлари остида балчиққа қоришаётган сув аслида қимматга сотиладиган сувлардан мазаси жиҳатдан қолишмайдиган ичимлик суви.

Сувни қишлоқ аҳолиси ўз ҳисобидан насосларни ўрнатиб, электрга ва сув хўжалигига пул тўлаб чиқаришади.

Сувнинг истеъмолчиларга етиб борадиган йўлидаги трубалар эса чириб кетган. Ҳаражат катта бўлиб кетаётгани сабабли қишлоқ аҳолиси трубаларниям ўз ҳисобидан алмаштириб ололмаяпти.

Аслида бу ишни қилиши керак бўлган, қишлоқ аҳолисидан ичимлик сувига пул ундириб келаётган Фарғона вилояти, Данғара тумани сувоқава ташкилоти эса ширин уйқуда.

Сувни исрофи ёмон. Данғара тумани масъулларига инсоф тилаймиз. Буларниям кимдир бир чимчилаб уйғотиб юборса бўларди.

@tanishgaplar

Тасаввур қилинг (тасаввур қилиш ҳам қўрқинчли) оилангиз билан бирор савдо марказида ёки концертдасиз. Давлатдан норози бўлган бир тоифа вакиллари давлатга норозилигини кўрсатиш учун сизнинг болангизни ёки аёлингизни ёки ўзингизни отиб ташлаяпти.

Бу ишнинг нимаси адолат? Кимнидир сиёсатдан норозилиги бўлса, бунинг учун нимага ўша сиёсатга бир грамм алоқаси бўлмаган оддий аҳоли ўлиши керак?

Москвада олилавий маънавий ҳордиққа чиқиб, ўлиб кетганларга раҳмим келди. Ачиндим.

Террорнинг ҳар қандай кўриниши разиллик!

@tanishgaplar

Қуйидаги шеърни ўқиб, таҳлил қилиб кўрамиз:

Наврўз келди оламга,
Югуриб бордим холамга.
Дедим, "хола, кулча бер!",
Холам деди: "ўтин тер!".

Демак, бу шеърни айтган одамнинг холаси бор. Бундан чиқди, бобосининг камида 2 та қиз фарзанди бор. Шеърни Наврўз байрами арафасида ёзган. Чунки кузда Наврўз ҳақида шеър ёзилмайди. Шоирнинг оёқларида муаммо йўқ, югура олади. Қўлларида ҳам муаммо йўқ, ўтин тера олади. Холасининг уйида тандирга газ эмас, ўтин ёқилади. Тандир ҳам бор. Холаси онасидан яхшироқ кулча ёпади, бўлмаса холасига эмас, онасига борарди. Қофияга она ҳам тўғри келарди)

Шоир бир ўзи борган, ёнида ўртоқлари бўлганда холаси "тер" эмас", "теринглар" деган бўларди. Тандирнинг ёнида тайёр ўтин бўлмаган.
Ўша куни ҳаво очиқ бўлган. Ёмғирли кунда биров тандирга кулча ёпишни сўрамайди. Холасининг уйида ун бор. Шунинг учун фақат ўтин сўради. Сув ҳам бор. Туз ва бошқа нарсалар ҳам.

Кўриб турганингиздек, оддийгина тўртликни ҳам анализ қилса кўплаб маълумотларга эришиш мумкин.

Шундай экан, нима учун ҳар қандай маълумотни текширмай ишониб кетавериш мумкин?)
Маълумотларни текширишни, таҳлил қилишни ўрганайлик, ўртоқлар)

© Янги Конфуций

@tanishgaplar

Muhim vaziyatlarda shaxsiy obroʻni yigʻishtirib qoʻyish kerak. "Kerak boʻlsa turgan joyimdan gol urdim", "kerak boʻlsa chotini orasidan tiqvordim" deydigan maqtanish gapdan koʻra natija muhimroq edi.

Yillab shu ishdan pul topib yurgan odamlarni birortasi oʻng yoki chap yuqori burchakka gol urvorolmasaya!

Ерни чуқурроқ ҳайдамаганимиз учун..

Инсонга қилиниши мумкин бўлган энг қаттиқ ҳақорат расмга тушаётганда қорнини тортиб турган одамга "қорнингизни тортиб туринг" дейишдир.

©️ Янги Конфуций

@tanishgaplar

Чет элликлар ҳаётни осонлаштиришни биздан ўрганиши керак.

Бизда ҳаммаси осон) Уларга ўхшаб "АА" ўлчамли батарея берворинг, "ААА" ўлчамли батарея берворинг", деб юрмаймиз. Сотувчи ҳам "нечта а деди экан?", деб санаб ўтирмайди.

"Соатни батареяси" десак, "АА" ўлчам бўлади, "пультни батареяси" десак, "ААА" ўлчам бўлади. Тамом ))

@tanishgaplar

Эрталаб доимгидек иккала ўғилларимни лицейларига ташладим. Машинада магнитофон радиога ўтиь қолган экан, овозини очсам простата муаммоларига қарши бир дорининг рекламаси гўёки суҳбат шаклида кетаётган экан. Суҳбатдош битта дорини номини тинимсиз қайтариб, у дори нимани таранглаштиради, қайси жараённи вақтини чўзади, ажралиб чиқадиган нарсалар сифатини қандай оширади, ҳаммасини жуда очиқ сўзлар билан тушунтиряпти.

Ўғилларим тушиб кетган бўлмаганда улар мендан уяларди, мен улардан ҳижолат бўлардим бу суҳбатдан. Суҳбатнинг асл матнини ёзсам, постим 25+ бўлиб кетади.

Соат 8:20. Ҳамма болаларини мактабга, лицейша ташийдиган вақт. Шундай рекламанинг вақтими шу вақт? Простата муаммосини дорини реклама қиламан деб эпидемия даражасига чиқариб юборишяпти.

Муаммоси бор одам ўзи докторга учраб билиб олаверадида нима дори бўлишини! Эркакнинг бир аъзосининг шакли-ю, таранглиги ҳақидаги суҳбатни мактабга кетишда ёш қизчалар, болачалар ҳам эшитиб кетиши керакми?

Ўзбегии таронаси эмиш яна! Европа таронаси деса, Евпопаликларам ҳижолат бўлса керак булардан.

"Тиббиётда уят йўқ!", дейишади. Тиббиётда уят йўқ бўлса, бизда бор уят!

@tanishgaplar

Иккиюзламачиликми?

Россия қилаётган иш билан Исроил қилаётган иш ўхшаб кетадими? Исроилники унданам баттар бўляптими? Россияга қандай жазолар қўлланди? Исроилга қандай жазолар қўлланиляпти?

Фикримча, иккаласиям оғир жазоларга лойиқ. Лекин нимага биттаси иқтисодий жазолар, санкциялар, тадбиркорларининг ҳисобларини музлатиш ва ҳоказо жазолар билан жазоланаётган паллада бошқа, ундан баттарроқ жиноят қилаётганига жазо қўллашмаяпти?

Бу иккиюзламачилик эмасми?

@tanishgaplar

Бугун Ракат тарафда яна бир йигит учради. Кеча Гранд Мирнинг автотураргоҳида учраган йигитчалар билан бирга бир матн ишлатиб ёрдам сўради. "Сурхандарёликмиз. Чорсу деган бозор борми ака? Пулингиз керакмас, пул сўрамаяпман. Очман, битта Хотдог олиб берсангиз бўлди, қориака. Мендан қайтмаса пайғамбаримиздан қайтсин" деяпти.

Атрофда хотдог сотмайди. Хотдог олиб бермоқси бўлсам барибир пул бериб юборишим керак.

"Кеча учраган йигитлар билан бирга бир матн ишлатяпсиз, сизга пулам бермайман, хотдогам олиб бермайман", дедим.

Чорсуни сўрашиям, "биздан қайтмаса пайғамбаримиздан қайтсин қориака" дейишларигача бир хил. Фақат кечагилари Таксимдан овқат олиб беринг деганди, бугун хотдог деди. Фарқи фақат шунда бўлди.

Тўғри қилдимми, нотўғри қилдимми, ҳайронман..

@tanishgaplar