🇺🇿 21-oktyabr — O‘zbek tiliga Davlat tili maqomi berilganligining 35 yilligi bilan samimiy muborakbod etamiz!

1989 yil 21 oktyabrda O‘zbekiston Respublikasining “Davlat tili haqida”gi Qonuni qabul qilindi. Bu Qonun xalqimizning mustaqillik uchun qo‘yilgan dastlabki qadami edi.

Shuningdek, qonunda O‘zbekiston Respublikasi o‘z hududida istiqomat qiluvchi barcha millat va elatlarning tillari, urf-odatlari va anʼanalari hurmat qilinishini taʼminlashi ham belgilab qo‘yildi.

2020 yil 10 aprelda O‘zbekiston Respublikasining “O‘zbek tili bayrami kunini belgilash to‘g‘risida”gi Qonuni bilan 21 oktyabrni “O‘zbek tili bayrami kuni” etib nishonlash belgilandi. Yurtimizda yashayotgan barcha fuqarolar qaysi tilda gaplashishlari va millatga tegishliligidan qat’iy nazar, Konstitutsiyamiz barchaga teng huquqlilik va o‘z ona tilida bemalol foydalanish kafolatini beradi.

Til bu – millatning ruhi, millatning ongu tafakkuridir! Negaki, til yashasa, millat ham yashaydi. Tilning yuksalishi millatning yuksalishi, demakdir.

​​Kuningiz hayrli boshlanishi uchun “Olti qoida”

1️⃣ Uyqudan uygʻonishingiz bilan yaxshi narsalarni oʻylang. Yengil jismoniy tarbiya mashqlarini bajaring. Chunki jismoniy faollik organizmda qon aylanashini yaxshilab, yaxshi kayfiyat gormonini oshiradi.

2️⃣ Tabassum qiling! Ruhshunoslar fikricha ertalab koʻzgu qarshisiga turib, oʻziga-oʻzi tabassum ulashish terapiyasi inson umrini 5 yilga uzaytiradi. Maʼqul keldimi, unda ishga kirishing!

3️⃣ Hech boʻlmaganda 5 ta yaxshilik qiling. Shunchasini qayerdan olaman deysizmi?! Birinchisi, yaqinlaringiz bilan yaxshi muomala boʻlsa, qolganlari sogʻligʻingiz, ishingiz va farzandlaringiz uchun atalishi mumkin. Eh-hey, istasangiz bir kunda oʻndan oshiq yaxshilik qila olasiz.

4️⃣ Ishlaringizni rejalashtiring. Hayotda tartibli boʻla olsangiz, qolgan barcha masalalarda muammo boʻlmaydi.

5️⃣ Ikkilanishlarni unuting! Oson boʻlmasligi rost. Ammo kunni shu zaylda qarshi olishdan nima naf? Yaxshisi, “qanday boʻlarkin” degan savolni, “albatta, uddalayman” kabi soʻzga alishtiring. Qani talaffuz qilib koʻring-chi. Xoʻsh, qalay?

6️⃣ Biror nimani oʻylasangiz yoki niyat qilsangiz, hamisha qaddingizni baland tuting. Psixologlar gavdani egib soʻzlash, tushkunlik, asabiylikka olib keladi, oʻziga boʻlgan ishonchni soʻndiradi, deyishadi. Boshingizni baland tutganingizda esa ruhingiz ham koʻtarinki boʻladi.

Boshlangan yangi hafta barchangizga hayrli va sermazmun boʻlsin.

@Aloqabank_HR

Olimlar xotirani saqlab qolish yo’lini aytib berishdi

☝️Amerikalik olimlar, xotira sifati 35 yoshga borib buzilishi mumkinligini topishdi. Buni oldini olish uchun, ular miya faolligini oshirish uchun bir usul o’ylab topishdi.

👉Mutaxassislarning ta’kidlashicha, eng samarali yo’l muntazam mashqlar ekan. Ularning so’zlariga ko’ra, sport bilan shug’ullanish qon boshga borishini oshiradi, bu esa to’g’ridan-to’g’ri miya ishiga ta’sir qiladi.

👉Bundan tashqari, jamoat transportidan ko’ra ko’proq piyoda yurishni afzal ko’rgan insonlarda katta ijodiy fikrlash kuzatilmoqda.

👉Yana bir diqqatga sazovor narsa, bu miya hujayralari stress yoki qiyin vaziyatda tezroq ishlar ekan. Shuningdek, xotiraga uyqu, to’g’ri ovqatlanish va jismoniy mashqlar ijobiy ta’sir ko’rsatar ekan.

😊Maqola sizga manzur kelgan bo'lsa do'stlaringiz bilan bo'lishishni unutmang.

@Aloqabank_HR