Аждагьандин рикI авай къуьр.
Алатай вацран эхирдай (29-октябрдиз) Apple-ди Mac mini компьютер чинал акъудна. Цlийи компьютерар кьве къайдадинбур ава: M4-ни M4 PRO чипдал алай системрал.
M4 процессор алай Mac mini-дин къимет $600, адалай гужлу M4 PRO-дин - 1400$.
Вичин кIалуб пара гъвечIиди ятlани(12,7x12,7x5 см.), адахъ пара гуж ава, лугьузва ам сифте гъиле гьатнавайбуру. ГьакI хьайила адаз дугъриданни аждагьандин рикI авай къуьр лугьуз жеда.

KURELDI

Онлайн гафарганар.
📖Гагь акl жеда, са улуб, газет кlелдайла ва я лезги видеодиз килигдайла чин тийизвай са гаф гьалтда. Гьакlни жуванни са къейд кхьидайла бязи гафар рикIелай алатда. Ихьтин чlавуз заз кlаник квай гафарганри куьмекзава:

🤖Телеграм бот

📚Lezgichal

📚Gafargan

🤖Бот таржумачи

Эхиремжи ботда неинки гафар, гьакIни предложенияр сагъдиз таржума ийиз жезва.

Таксидин мас
🚕«Известийри» лугьузвайвал, таксидин мас 30% кьван хкаж хьун мумкин я.
📈Асул себебар:
• Гьалдай ксар ( таксистар) бес тахьун
• Страховка ОСГОП-ни цlийи закунар таксидин патахъай кьабулнай
• Китайдин машинрал элячlун. Абур Европадинни, Кореядин автомобилрилай фад чIур жезва

Совет гьукуматдин пропогандадин ктабдай са чар. Латин гьарфарал кхьенатIани, лап регьятдиз кIелиз жезва

Рагъ

☀️Рагъ - ракъинин системдин юкьва авай гъед я. Асулдиз ам гьазрикай ибарат я: 75% - гьидрогениум (водород), 25% - гелий.
Рагъ вич вичелай элкъвезва, гьа виляй адан винел лекеярни арадал къвезва (лацу рагъ алай шикилдал квез абур чlулав пинеяр аквазва).

🌌Ракъинин къене тахминан 15 миллион °C, винел 5,5 агъзур °C.
Ракъинин системда авай кьван вири затlар, сатилитрилай (спутникрилай) гатIунна, планетрал куьтягьна, вири ракъинилай элкъвезва. Рагъ вични чкадал акъвазнавач, ам галактикадин юкьвалай элкъвезва.

Рагъ са шумуд патахъай кьетlенди я:
• амай гъетериз килигайла, рагъ галактикадин къерехда ава.
• Ацlан пай гъетер «къуншияр» авайбур я, яни гъетерин системда кlватl хьанвайбур. Рагъ ялгъуз гъед я.
• Гьакъикъат ракъинин ранг лацудаз мукьвал я, амма чаз, чилин атмасфейрадай килигайла, ам хъипиди хьиз аквазва.
Чи чилелай рагъ вишни кlуьдра (109) чlехи ятlани, маса гъетерихъ гекъигайла ам гъвечlи гъетерин жергеда акъваззава.

👇Ракъинин системдин планетар:

Меркурий
Венера
Чил
Марс
Юпитер
Сатурн
Уран
Нептун

#гъетерчир #астрономия

KURELDI, ша агат!

Пай хьайи халкь.

За кьатlунай са маракьвал.

Чи халкьдиз кьве даулатда (государствода) уьмуьррун кьисмет хьана. Сур чlавара, интернет, луварганар✈️ ва маса йигин текналугар авачир чlавара, идакай мумкин тир са четин мэселани хьун. Амма чи чlавуз, аламдин и патай а патаз зенг авуна рахаз жедай аямда идакай проблем хьана кlандач. Ян? Ваъ. Интернетдани чун кьве патал хьана. Адет тирвал Урусатдин агьалияр Facebook-да ацукьнавач. Урусатда «ВКонтакте-ни» «инстаграм» машгьур я. Амай дуьнйада, гьелбетда Азербайжандани, Facebook виридалайни гегьенш хьанвай сошиал медиа я.
Иниз килигна Кьулан вацlун эрчlи пата авай лезгийринни, чапла пата авай лезгийрин юкьвай виртуал часпарни физва.

#веревирдер

KURELDI