❗️**Тапшуругъ-машгъулат №39

Агъадихъ ганвай жумлайра орфографиядин, пунктуациядин, грамматикадин гьихьтин гъалатlар ава?**

1. Гила ам Ашимаз авайдалайни такIан хьана.
2. Амма къе дуст кас, жуван хайи уьлкве, цlаярин юрд чlулав цифери кIевзавайла, тарашчи къузгъунри адан чилериз кIур гузвайла, зун ваз чIуру хабарар гуниз мажбур жезва.

Жаваб баянра кхьихь⤵️**
#ТапшуругъМашгъулат

📗«ЛЕЗГИ ЧIАЛ (Лезгинский язык)» – подписка

📝 ЛЕЗГИДИН ФАМИЛИЯ. ГЬИКI КХЬЕНА КIАНЗАВА?
Гьар садаз вичин фамилия рикIиз кIани жуьреда кхьидай ихтиярар ава. Писателри, журналистри чпин эсеррал тахаллусар эцигзавай дуьшуьшар гзаф малум я.

Гьакъикъатда инсандин паспортда гьикI кхьенватIа, гьам гъалатI квачир вариант яз гьисабзава. Са гьихьтин ятIани къайдайриз, орфографиядиз муьтIуьгъ тежезвай макъам я им.

Амма хайи чIаларал кхьидайла, Дагъустандин маса халкьарин векилри хьиз, лезгийрини хсуси чIалан кьетIенвилер фикирда кьазва. Месела, паспортда Магомедов, Мехемедов ва я Магамедов къалурнаватIа, лезги кхьинра Мегьамедов жезва. Эгер Магамадов ятIа, - Магьамадов кхьин герек я. Адет яз, рахадайла «Мегьемед» лугьуда. Паспортда гьатта Мегьемедов кхьейтIани, силис тухудай кас жедач.

Абур лезги чIала падежриз дегиш хьунин къайдани адетдинди я: Агьмедов – Агьмедова – Агьмедован – Агьмедоваз…

Эхиримжи вахтара газетра, соцсетра лезгийри фамилия лезги жуьреда кхьенвай дуьшуьшрал ацалтзава чун. Месела, ихьтин жуьреда: Агьмед Кьасумбегрин ва я Кьасумбегрин Агьмед. Фамилия талукьвилин падежда жезва: нин? – Кьасумбегрин.
Инал тайин суал къвезва: фамилия вилик хьун герек яни, тахьайтIа, тIвар?
Вучиз ятIани, садбуру ихьтин дуьшуьшра эвел тIвар, ахпа фамилия кхьизва: Агьмед Кьасумбегрин. Им дуьз къайда туш. Кьазвач лезги чIалахъ галаз и жуьре. Са шакни алачиз, эвел кьиле фамилия хьана кIанзава: Кьасумбегрин Агьмед.
Мягьтел жедай делил ам я хьи, «Агьмед Кьасумбегрин» жуьре хкязавай са бязибуру терсвилелди гьатта «КьасумбегринАН» кхьин хъийизва. Яни са гаф (фамилия) са падеждиз кьве сеферда дегишарзава. Гьич виже текъведай тегьер я.

✒️Автор: К.КIелетви
(2022-йис)

📗«ЛЕЗГИ ЧIАЛ (Лезгинский язык)» – подписка