الشاعرة ام علي الاسديه
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago
لطميه للابو اهدي ثوابها الى روح والدي المرحوم كاظم عبدالوهاب
بويه بويه عذباني افراگك
بويه بويه ليش عفت احبابك
تدري ذابحني الهجر
وگلبي مل امن الصبر
بويه بويه. بويه بويه
//////////////////////////
بويه گلبي عليك مايبطل ونينه
ليش عفت الدار تنعاك وحزينه
گلب المفارگ ابوه الله يعينه
وحشه من غيره العمر
وگلبي مل امن الصبر
بويه بويه. بويه بويه
////////////////////////////
اه ياضيمي وعذابي من عفتني
الدنيه بويه عذبتني ودولبتني
مصايب الدنيه يبويه مرمرتني
عمري خلصته بقهر
وگلبي مل امن الصبر
بويه بويه. بويه بويه
/////////////////////////
تدري تنذل البنيه خلاف ابوها
لا عمام ولا خوال يعوضوها
ريت ميته بيوم علمك خبروها
گضيت ليلي بالسهر
وگلبي مل امن الصبر
بويه. بويه. بويه. بويه
////////////////////////////
جنت اخاف المقبره بليل امن اطبها
هسه روحي تروح بويه من،امرها
ابجي والحسرات من بعدك اجرها
بويه ضمني بالگبر
وگلبي مل امن الصبر
بويه. بويه. بويه بويه
///////////////////////////////
✍بقلمي المتواضع خادمة اهل البيت عليهم السلام مله ام علي الاسديه
تمت بعون الله الاحد 20/10/2024 الساعه 12و 37 دقيقه مساء
غير مبري الذمه من يحذف الاسم
نعي للامام الحسن والحسين عليهم السلام
يون الگلب واليوم ينعه
على المسوم والمهشوم ضلعه
ونواسيه بحزن فاطمه البضعه
////////////////////////
الله يعين گلبج يازجيه
حسين انذبح واخته سبيه
ريتج حضرتي الغاضريه
////////////////////////
نعازي ام حسن بالمات مسموم
لوبالذي داست عليه الگوم
گلبج عالولد يازهره مالوم
/////////////////////////
اشحال گلبج يم الحسين
شفتي ذبيح يجر بالونين
وگلب العقيله انفطر نصين
//////////////////////
يازهره شفتي اشلون طشتين
واحد للحسن والثاني لحسين
ايعينج الله الفاگده اثنين
////////////////////////
يوم العاشر الزهراء عليها السلام عندما نظرت الى جسد الامام الحسين عليه السلام مخضب بالدماء مقلوب على الوجه جثه بلا راس
صاحت يمه يايمه يايمه
يحسين يبني ونظر عيني
لجلك ييمه اجهر ونيني
على المذبوح بالون ساعديني
//////////////////////////
هذا الجسد والراس وينه
يم الجسد تبجي الحزينه
وحسين ابنهه موذرينه
/////////////////////////
للجبد ابجي لو للضلوع
گلبي عليكم يمه مفجوع
ظلت تون وتهل الدموع
//////////////////////
✍بقلمي المتواضع خادمة اهل البيت عليهم السلام مله ام علي الاسديه
تمت بعون الله الخميس 17/10/2024 الساعه 7 و39دقيقه صباحا
غير مبري الذمه من يحذف الاسم
اهدي هذه القصيده الى اختي العزيزه عقيله اواسيهه بوفاة اخوانها
ونهدي ثواب القصيده الى روح المرحومين
نبيل صالح ومسلم صالح رحمهم الله واسكنهم فسيح جناته
الله يعين گلبج ياعقيله
علخوج الراح والوجعه بدليله
/////////////////////
گوليلي يخيه المن تونين
لمج لو الخوانج تنوحين
لوعات وقهرخلصتي الاسنين
صيفتي حايره حمولج ثجيله
//////////////////////
تنطيج الصبر مولاتي زينب
گلبها اعلى الاخو مثلج تعذب
ليل انهار علخوان تنحب
نواسيهه وتواسينه الجليله
//////////////////////
صبري وبالصبر ذكري السبيه
مشت وادموعها عالخد جريه
حزينه وبالدرب فگدت صفيه
وظلت تندب الحامي دخيله
///////////////////////
كسرتي اگلوبنه خيه ابونينج
على فگد اخوتج الله يعينج
بحزنج لخوتج ذكري حسينج
مرمي اعلى الرمل محد يشيله
///////////////////
✍بقلمي المتواضع خادمة اهل البيت عليهم السلام مله ام علي الاسديه
تمت بعون الله السبت 12/10/2024 الساعه 8 و33دقيقه مساء
غير مبري الذمه من يحذف الاسم
عمت عيني عليج اليوم. يماه
اون اعليج واصرخ. اه يماه
يبجي الحسن يمه حسين يماه
ويواسوني عالفگدج يالزجيه
عظم الله لنا ولكم بشهادة مولاتي الزهراء عليها السلام
لطميه هوسات لمولاتي الزهراء عليها السلام
تون امن الضلع امج يمهظومه
ماتت من ورثه الزهره محرومه
//////////////////////
خيعونه اليون وي زينب الحره
يواسيهه بدمعته لمها الزهره
يذكر وبحزن العين والسطره
(زينب بالزهره /نعازيهه)
نعازيهه بلطم وادموع مجريه
تستاهل عزه ولطمه جماعيه
نواسيهه ونون زينب المسبيه
(وبدمع العين/نواسيهه)
يايمه افراگج شيب ادليلي
وانعى عليج يمه انهاري وليلي
واصيح ابصوت يازهراء رديلي
(هد حيلي/يايمه فراگج)
اعاين باب دارج واذكر العصره
وانادي بصوت وينج يمه يازهره
گلبي اخلاف عينج ياهواليصبره
(بالون والنوح /اگضي انهاري)
✍بقلمي المتواضع خادمة اهل البيت عليهم السلام مله ام علي الاسديه
تمت بعون الله الاثنين 7/10/2024 الساعه 10 و56دقيقه مساء
غير مبري الذمه من يحذف الاسم
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago