#نعي_مجاريد بعد مرور سنه على فراق الاحباب الحسين و َال الحسين عليهم السلام
________
مظلمة وموحشة يديار اهلنه
شو دارت سنه ومحد وصلنه
شيعودة العزيز ألراح منه
من يوم المشيتوا أظلم نزلنه
تجافونه سنه يهل المحنه
_______
ماچنها سنه چم يوم ظنها
لهسه رسومكم بالدار چنها
تنوح أعله العزيز الراح منها
تون الدار ما يهداش ونها
اعزاز الروح كلها بعيد عنها
______
حزينة الروح ياخوية حزينة
اهنا نگعد سوية و سولفينة
تمر ايام هجرك ما نسينة
عمت عيني على الراح من ادينة
ياوسفة الزمان اشسوة بينة
علينا بعاد متردون لينة
____

نعي مجاريد عن الام الفاقدة الولد بعد مرور سنه ام الأكبر ام القاسم ام عبدالله آلرضيع
______
يا يمة الولد نارك سرية
سنه مرت ولا مريت بية
أظل انعاك حد يوم المنية
مر بالطيف ماهي امك خطية
اباب الدار اتانيك أعله جية
_______
اطلع بالهدوم ودمعة اصبها
ترة التفگد ولد يفطر گلبها
تتيه ما تظل تندل دربها
وعلى هدوم الولد يكثر عتبها
عيون امك ترة شيب هدبها
______
ايا فگد الولد أكبر مصيبة
ينصاب الدليل ومالة طيبة
چا صبري عليك منين اجيبة
تخلي امك يبعد امك غريبة
فلا يگطع حزن گلبي ونحيبة
______

نعي مجاريد عن الإمام السجاد بعد مرور سنه على فقد ابوه وعمه وإخوانه
_____
هالدارت سنتكم ها يزينين
ما تدرون بينا يالبعــــيدين
نهار وليل انحب بوية يحسين
انحنة ظهري عليك وراحت العين
چا مثلك يبوية يحصل منين
_____
عمي الراح مني وراحت الروح
اخذ وياه گلبي ودمعي مسفوح
يالماكو بحنانك گلبي مجروح
ابوي الثاني دوم انعاك بالنوح
من كثر البواچي صوتي مبحوح
_____
احا يالاخو يالتسوة الونين
أظل انعاك خوية بطول السنين
يبن امي اجيبن مثلك منين
الاخو لو راح مايحصل بعد وين
هالمره سنة يهلي الحنينين
______
يحزام الظهر يالاخو الثاني
ابن عمي واخيي فارگاني
يبن عمي غيابك دوهناني
سنة دارت عليه وما اجاني
حنه ظهري اخيي من جفاني
_______

نعي مجاريد عن أم البنين بعد مرور سنة
________
صدكَ مرت سنة وما شايفتكم
وانه لتالي عمري رايدتكم
ياحيف اعله غفلة مفارگتكم
لما اموتن ييمة متانيتكم
عمت عيني من ادية ظيعتكم
_____
دارتلك سنة يا ابعيد عني
ييمة حسين ما يهداش وني
اشوفن صورتك كل ساع چني
مهو سباح گلبي وراح مني
حسبت حساب يمة وخاب ظني
_______
يا محلى الليالي الچانت وياك
يلب حشاي تمرد روحي فرگاك
اخذني للگبر يا يمة وياك
طول ايام عمري بدمعي انعاك
لما يطمني الگبر بلساني طرواك
_____
أسألكم الدعاء رائد الاسدي

قصيده لمولاني الزهراء ع ولكل من فقد أمه

بعد ياهم هلي من راحت أمي
إبهل دنيا شلي من راحت أمي
مشت عنه النحبها
والطيب گلبها
بعد ياهم هلي من راحت أمي
➖➖➖➖➖
بعد الدار ما طبيت بيها
لو أمي ترد وتعود ليها
مشت عنه النودها ونشتهيها
دمعتنه نصبها
الدار إشما نطبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
مشت عنه النحبها والنودها
روحي والگلب والعقل عدها
ذيچ أيامها بعد شيردها
فرگتها إشصعبها
عليه أبعد دربها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
أمنه الغاليه النعتب عليها
بعازتنه وهظايمنه نجيها
ياهو إيسومها وأنه أشتريها
عليه ظاع طبها
بأمر ربنا ربها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
الدار أمنه الحنينه اليوم إجينه
محد تلگانه ونشد بينه
نگعد لو نرد إتحيرينه
وأشبع من عگبها
مابطل عتبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
گعدتنه إبدارج بعد شلها
لذه مالها ولاهو محلها
طلعنه إدموعنه من دم نهلها
روحي الهم نشبها
أريد أمي النحبها
بعد ياهم هلي من راحت أمي

بعد ياهم هلي من راحت أمي
إبهل دنيا شلي من راحت أمي
➖➖➖➖➖
خادمة الإمام الحسين ع #ام #فراس الساعديه
الناشره #ام #زينب خادمة المنبر الحسيني
غير مبري الذمه من يحذف الاسماء أو يغيره وحسابه عند جدتي الزهراء ع
نسأل الله تعالى القبول والتوفيق وحسن الخاتمة 🙏🏻🙏🏻

قصيده لمولاتي فاطمه الزهراء عليها السلام ✍✍✍ يا فاطمه الزهره. .... اعليچ ابچي بعبره يا فاطمه الزهره...... اعليچ ابچي بعبره مولاتي يا كبر الهضيمه زينب عكب عينچ يتيمه و النوح لاجلچ والله اقيمه والعبرة متكسره ...... يا فاطمه الزهره ✍✍ يا فاطمه اشكبر…

لطمية مواساة الزهراء عليها السلام

الچ يم الحسين النوح والون
شلون هروش بالطف الچ ذبلن
مرميات على الكاع** كلها راحت ضياع
بناتچ لليسر يالزهره يمشن

///
الچ يم الحسين النوح انوحه
لاجل الدين افده حسين روحه
وبحر الشمس تنزف جروحه
ويون ونته بدمعه مسفوحه
روح الزچيه/////محروم الميه

ومن الحر بكه جروحه ينزفن

✍✍
جروحه تنزف ومحد يحضره
هذا حسين ريحانه الزهره
وين اللي يصل حيدر يخبره
وريده يجي لحسين وينظره
يشوف شلون حاله///شنهو اللي جراله
بكن سكنه ورقيه اعليه يبچن

✍✍
واريد الزهره تحضر ويه هالناس
ملتمه عليه هاي الارجاس
واخبرها بعضيدي البطل عباس
واكلها مكطعين چفوفه والراس
واكلها ابنچ العباس///راعي الفخر والباس

ظل بس الجسد عالغبره ويون
✍✍
بقلمي المتواضع المله ام علي الحسناوي
الفاتحه إلى شرف النبي وعترته الاطهار وشيعة أمير المؤمنين جميعاً وإلى روح والدي وإلى روح أستاذتي المرحومة المله ام حسامhttps://t.me/sdghjjjvcdgghhhhggfff

فزاعية للرسول صلى الله عليه وآله وسلم

شايل يا رسول الله/// والاملاك حزنانه

تبجي فاطمه بهاليوم//والاملاك حزنانه

وتهل الدموع دموم//والاملاك حزنانه

وتصيح بكلب مالوم//والاملاك حزنانه

الدين انهدمت اركانه*

اليوم انهدم ركن الدين//والاملاك حزنانه

رحل جد الحسن وحسين//الاملاك حزنانه

وحيدر يهل دم العين//والاملاك حزنانه
شال اليوم مولانه ****

شال اليوم ابو الزهره//والاملاك حزنانه

وحيدر منكسر ظهره//والاملاك حزنانه

فاطم تسجب العبره//الاملاك حزنانه

ليله تريد عوانه***

فزاعيات ختام مجلس
اويلاه شال الرسول الليله
وحسين دمعه يسيله اويلاه
تنحب عليه العيله. اويلاه
////////
✍✍✍

واليوم الزچيه تريد عوانه

خلنه نساعدها ،،،واليوم الزچيه

تبچي لفكد والدها،،واليوم الزچيه
////
هاليوم هاليوم نعزي فاطمه
هاليوم هاليوم نعزي ام الحسن

بقلمي المتواضع المله ام علي الحسناوي ✍✍
الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي العلوية المله ام حسامhttps://t.me/sdghjjjvcdgghhhhggfff

قصيدة لفقد الرسول لسان حال الزهراء عليها السلام ✍

اه يا والدي بعيد البلا مفكود
تصيح الزهره وتنادي بقلب ممرود
///
ليش تعوفني يا رحمه الباري
يبويه اعليك تسري بالقلب ناري
مو اني العزيزه وانهدم داري
انه فاطمه يا حجه المعبود
///
انه فاطمه اللي بضعه من جبدك
بعد عيناك بويه تنظلم بنتك
انا ام الحسن وحسين هل عندك
بعدك ننهضم تدري يبحر الجود
////
يبو ابراهيم بعدك ننهضم كلنه
بدولاب الدهر بويه تمحنه
عكب عينك حسين بدمه يتحنه
بالحر والعطش ابنك يظل ممدود
///
هذا الحسن من عكبك ترى ينسم
بالباب الضلع من عندي يتهشم
والكرار شيبه ينخضب بالدم
يظل باب الكرم عكبك ترى مسدود
///
اهل بيتك يبويه وما يرحمونه
عكبك يا رسول الله يتولونه
عزيزك من عكب عينك يذبحونه
وبحر الشمس ترضى يظل مضهود
///

بقلمي المتواضع المله ام علي الحسناوي ✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً وإلى روح والدي وإلى روح أستاذتي الملة أم حسامhttps://t.me/sdghjjjvcdgghhhhggfff

اللهم صل على محمد وآل محمد السلام عليك يا بقية الله في ارضه
قصيدة لمولاتي الزهراء عليها السلام
????
اريد ابجي على امي الدللتني
من يوم المشت ماودعتني
قلبي يحن عليهة واذكر حجيهة
من يوم المشت ماودعتني
????
تبعت اضعونها والعين تدمع
لبجاي الحنينة ردت تسمع
لو صب الدمع يمة مينفع
اون ودمعي جاري يصب ليلي ونهاري
من يؤم المشت ماودعتني
????
عكب امي منو الينشد عليه
وعلة افراكهة ماحيل بية
خلتني اون صبح ومسية
قلبي يشتعل نار لو صديت عالدار
من يوم المشت ماودعتني
????
اصد الدارهة بعيوني ظلمة
صحت بصؤت يحبيبة ييمة
من بعدج ييمة اشبع مغمة
صحت بصؤت يمي يمن تشرك بهمي
من يؤم المشت ماودعتني
????
عماني افراك وجهج يالحنينة
مااصدك بعد ترجع علينة
ويعود الزمان الراح بينة
اريد الدللوني راحو مااجوني
من يؤم المشت ماودعتني
????
بقلمي المتواضع العلوية ام حسام الفاتحة الى شرف النبي والأئمة الأطهار والى رؤح ابنتي الشابة سلوى بت علي ذمة عدم مسح الاسم https://t.me/sdghjjjvcdgghhhhggfffhttps://t.me/sdghjjjvcdgghhhhggfff

فزاعية للإمام الجواد ع ✍✍

ياحال الجواد اليوم
والله يفجع مصابة ✍✍

اليله حالته كلفه
وجرحه اليوم مايشفى
ودمعنه اعليه شينشفه
والله يصعب اغيابه
✍✍
اويلي اعليه مولانه
الشيعة تنوح حزنانه
الزهره حضرت ويانه
تصيح بنار لهابه
✍✍

حضرت فاطمة لبغداد
تصيح بصوت يالويلاد
سَمّكم للجبد مراد
بعد ميطيب يصوابة
✍✍
تصيح بصوت يولادي
جتلكم مرّد افادي
اشكي لوالدي الهادي
والاكثر فجعني حسين ومصابه
✍✍✍✍
نهايه مجلس ??
يزهراء يزهراء حضرينه
وبدفترج يم الحسن سجلينه
نار الباب والضلع تسعر بينه
مصاب حسين لليوم ماناسينه
وزينب سبيها لسه عايش بينه
???
واسجل اسمج مولاتي
زينب والزهره نعزيها
تمت بعون الله وتوفيقه بقلمي المتواضع خادمة الحسين ع أم علي الحسناوي الفاتحه إلى شرف النبي وعترته الاطهار ??
اهدي ثواب هذا العمل الى سيدي وامامي الحجة ابن الحسن ع والى أرواح المؤمنين جميعاً والى روح والدي واجدادي وإلى روح أستاذتي المرحومة العلوية ام حسام رحم الله من قرأ الفاتحة مع الصلوات

قصيدة تترجم غربة مولاتي زينب ع ✍✍

اليوم زينب غريبه غريبه

تصيح يا عظم المصيبه المصيبه
??

اليوم زينب رايحه ويه الغرب
فاتت على حسين والمدمع يصب
والمتن اسود يويلي من الضرب
ظلت تنوح الحبيبه حبيبه
تصيح يا عظم المصيبه مصيبه
✍✍

اليوم زينب غريبه اشحالها
تنظر على الثرى ضل كفالها
مشمره بالحومه كل ارجالها
تصرخ الراح اشيجيبه اشيجيبه
تصيح يا عظم المصيبه المصيبه
✍✍
مرت الحره على جسم الغريب
وسفه يا خوي ه تكله يا الحبيب
نايم اعلى الوجه والمنحر خطيب
كوم يالزاجي حليبه حليبه
صيح يا عظم المصيبه مصيبه
✍✍
ليش نايم على الترب يا مهجتي
ليش خويه وياك فلت خوتي
كوم خويه وشوف عرجه ناكتي
والكلب زايد نحيبه نحيبه
تصيح يا عظم المصيبه المصيبه
✍✍
تكله ليش الخوه فلت يالحنين
اني زينب قوم ليه يا حسين
ليش نايم خويه ومغمض العين
وانه دمعاتي سجيبه سجيبه
تصيح يا عظم المصيبه المصيبه
✍✍
خويه من ضيم الكلب اعتب عليك
وانه ادري يا ابن امي مو بديك
خويه وصواب الحجر شمسوي بيك
والنحر ضايع طبيبه طبيبه
تصيح يا عظم المصيبه المصيبه

???

تمت بحمد الله وتوفيقه بقلمي المتواضع خادمة الحسين ع أم علي الحسناوي ✍✍ الفاتحه إلى شرف النبي وعترته الاطهار عليهم السلام وإلى أرواح المؤمنين جميعاً والى روح والدي وروح خادمة الحسين ع أستاذتي المرحومة العلوية ام حسام ??

ليلة الحادية والعشرون من شهر رمضان

مصيبة شهادة الإمام علي (ع)

إنا لله و إنا إليه راجعون
لا حول ولا قوة إلا بالله العلي العظيم*

آجركم الله يا مؤمنين .. هذه الليله ليلة الوصيله وليلة الوداع

▪ قال أمير المؤمنين (ع) ليلة الحادي والعشرين لأولاده وأصحابه: بالأمس أنا صاحبكم واليوم أنا عبرة لكم وغدا أنا مفارقكم.

وفي هذه الليلة أوصى ولديه الحسن والحسين بجملة وصايا منها أوصيكما: بتقوى الله وأن لا تبغيا الدنيا وإن بغتكما ولا تأسفا على شيء زوي عنكما وقولا بالحق واعملا للأجر وكونا للظالم خصما وللمظلوم عونا، أوصيكما وجميع ولدي وأهل بيتي ومن بلغهم كتابي هذا. بتقوى الله ربكم ولا تموتن إلا وأنت مسلمون

ـ إلى أن قال ـ وإصلاح ذات بينكم فإني سمعت رسول الله يقول:

صلاح ذات البين أفضل من عامة الصلاة والصيام…

الله الله في الأيتام لا تغبوا أفواههم ولا يضيعوا بحضرتكم…

الله الله في القرآن فلا يسبقكم إلى العمل به غيركم…

الله الله في جيرانكم فإن رسول الله (ص) أوصى بهم حتى ظننا أنه سيورثهم

الله الله في الصلاة فإنها خير العمل وإنها عمود الدين...

الله الله في الزكاة فإنها تطفئ غضب ربكم...

الله الله في الجهاد في سبيل الله بأموالكم وأنفسكم وألسنتكم…

الله الله في ذرية نبيكم فلا يظلمون بين أظهركم…

•••<<<{{{?}}}>>>•••

▪️ ثم التفت إلى بني عبد المطلب قائلا لهم: يا بني عبد المطلب لا ألفينكم تخوضون دماء المسلمين خوضا تقولون قتل أمير المؤمنين ألا لا تقتلن بي إلا قاتلي.

وفي خبر قال: أبصروا ضاربي وأطعموه من طعامي واسقوه من شاربي ثم إذا أنا مت فاقتص منه ـ يا حسن ـ واضربه ضربة واحدة او ضربة بضربة ولا تحرقه بالنار ولا تمثل بالرجل ، فإني سمعت رسول الله (ص) يقول: إياكم والمُثلة ولو بالكلب العقور وإن أنا عشت فأنا أولى به.

ــ ثم عرق جبينه فجعل يمسح العرق بيده فقالت ابنته زينب: يا أبه أراك تمسح جبينك ، قال: يا بنية سمعت جدك رسول الله (ص) يقول: إن المؤمن إذا نزل به الموت ودنت وفاته عرق جبينه وسكن أنينه.

فقامت زينب وألقت بنفسها على صدر أبيها وقالت: يا أبه حدثتني أم أيمن بحديث كربلاء وقد أحببت أن أسمعه منك فقال: يا بنية الحديث كما حدثتك أم أيمن وكأني بك وبنساء أهلك سبايا بهذا البلد خاشعين تخافون أن يتخطفكم الناس فصبرا صبرا....
•••<<<{{{?}}}>>>•••

▪️ثم نظر إلى أولاده فرآهم تكاد تزهق أرواحهم من شدة البكاء والنحيب فقال لهم: أحسن الله لكم العزاء ألا وإني منصرف عنكم وراحل في ليلتي هذه ولاحق بحبيبي محمد (ص) كما وعدني فإذا أنا مت يا أبا محمد فغسلني وكفني وحنطني ببقية حنوط رسول الله (ص) فإنه من كافور الجنة جاء به جبرئيل إليه.
ثم ضعني على سريري ولا يتقدم أحد منكم مقدم السرير واحملوا مؤخره واتبعوا مقدمه وصل علي يا بني يا حسن وكبر علي سبعا واعلم أنه لا يحل ذلك لأحد غيري إلا لرجل يخرج آخر الزمان اسمه القائم المهدي من ولد أخيك الحسين يقيم اعوجاج الحق.

•••<<<{{{?}}}>>>•••

فإذا أنت صليت علي فنح السرير عن موضعه ثم اكشف التراب عنه سترى قبرا محفورا ولحدا مثقوبا وساجة منقوبة فاضجعني فيها ثم اشرح اللحد باللبن وأهل التراب علي ثم غيب قبري.

فلما سمعت زينب وصية أبيها لطمت وجهها ثم أهوت عليه تشمه وتقبل يديه وتتزود من النظر إليه…

لسان حالها يقول :
نعي مجرد :

اسم الله عليك ياراعي الحميه
من نوم الگبر وترب الوطـــيه
يشمعة بيتنه و خيمه و تـجيه
•••<<<{{{?}}}>>>•••

بويه بعدك للولد منهو وللبنيه
أنه لظل أنحب صبح ومـسيه
عليـك يحــنين يالغــالي عليـه
•••<<<{{{?}}}>>>•••

ثم دفع كتبه وسلاحه إلى الحسن وأمره أن يدفعها إلى الحسين إذا حضرته الوفاة وأمر الحسين أن يدفعها إلى ولده علي بن الحسين، وأقبل على علي بن الحسين فقال له: وأمرك رسول الله أن تدفع وصيتك إلى ولدك محمد بن علي فأقرأه من رسول الله ومني السلام.

◾️ ثم أخذ يودع أولاده الواحد بعد الآخر حتى أغمي عليه ساعة وأفاق وقال: هذا رسول الله (ص) وعمي حمزة وأخي جعفر وأصحاب رسول الله كلهم يقولون عجل قدومك علينا فإنا إليك مشتاقون.

ثم أدار عينيه في أولاده وأهل بيته وقال: أستودعكم الله جميعا سددكم الله جميعا وحفظكم الله جميعا، الله خليفتي عليكم وكفى بالله خليفة.

ولم يزل وهو بتلك الحال يسبح الله ويذكره كثيرا ثم استقبل القبلة وقال:

أشهد أن لا إله إلا الله وحده لا شريك له وأشهد أن محمدا عبده ورسوله رفقا بي ملائكة ربي ثم عرق جبينه وسكن أنينه وغمض عينيه وأسبل يديه ومد رجليه وقضى نحبه .
ولقي ربه شهيداً مظلوما.
رحم الله من نادى وا إماماه... وا علياه... وا سيداه... وا مظلوماه....
•••<<<{{{?}}}>>>•••

طور الزريجي (المقتل) :

ابـو احـسين مـا تمم اصيامه
لفـانه الـعـيد و أولاده يـــتامه
وصاحت زينب ولطمت الهامه
•••<<<{{{?}}}>>>

دعواتكم للناشره علويه اوكفيلها العباس