https://turan.az/ru/obshhestvo/zelenaia-vexa-sem-let-parku-na-sklone-gory

turan.az

Зеленая веха: Семь лет парку на склоне горы

В живописном бакинском районе Сабаиль, с видом на Каспийское море, юрист Аслан Исмаилов вместе с группой преданных своему делу экоактивистов отметили сегодня важную веху: седьмую годовщину парка, созданного на некогда заброшенном склоне холма, подверженном…

Tanınmış hüquqşünas Ələsgər Məmmədlinin həbsi daxil olmaqla son həbsləri, xüsusilə həyata keçirilmə formasını qətiyyətlə pisləyirəm. Bu cür addımlar Azərbaycan Dövləti üçün utancdır!

Bu yerdə Martin Nimöllerin tarixi sözləri yadıma düşür:

“Nasistlər kommunistlərin dalınca gələndə, mən susdum, çünki mən kommunist deyildim. Onlar sosial-demokratları içəri atanda, mən susdum, çünki mən sosial-demokrat deyildim. Sonra onlar həmkarlar ittifaqlarının nümayəndələri üçün gəldilər, mən heç nə demədim, çünki həmkarlar ittifaqının üzvü deyildim. Sonra onlar yəhudilərin dalınca gəldilər, mən heç nə demədim, çünki mən yəhudi deyildim. Onlar mənim dalımca gələndə, buna etiraz edəcək heç kim qalmamışdı…”.

Sosial şəbəkələrdə çox maraqlı bir ənənə var. Bir tərəfdən hansısa bəd xəbəri yaymağa sanki hamı növbəyə düzülüb. İnsan xəstələnən kimi artıq onun ölüm xəbərini yaymaq uğrunda da yarış gedir. Digər tərəfdən xəbər nə qədər əxlaqsızdırsa, bayağıdırsa oxunma, paylaşma sayı da o qədər çox olur.

Xoş, tərbiyələndirici, maarifləndirici xəbər isə diqqətdən kənarda qalır. Siyasi yüklü analitik yazıları, hər birimiz üçün vacib və faydalı olan iqtisadi təhlilləri, işgüzar təklifləri demirəm, insan sağlamlığı üçün faydalı olan yazıları, əhvalımıza xoş təsir edən ciddi xəbərləri də oxuyan yoxdur.

P.S. Bu ənənə dəyişməyincə yaşam vəziyyətimiz də dəyişməyəcək.

2 fevral – Gənclər Günü münasibətilə bütün Azərbaycan gənclərini təbrik edir, hər birinizə möhkəm cansağlığı, haqqınızın bərqərar olmasını, yüksək əhvali-ruhiyyə və gələcək işlərinizdə uğurlar arzulayıram.

Əziz Gənclər, Siz 44 günlük Vətən Müharibəsi zamanı və ondan sonra aparılan əməliyyatlar zamanı bir daha sübut etdiniz ki, Siz Azərbaycan adlı ölkənin ən ləyaqətli vətəndaşlarısınız.

Təbrikimdə haqqınızın bərqərar olması sözlərini elə belə yazmamışam. Bəli, son illər ən çox haqqı yeyilən məhz Azərbaycan gəncləridir, ona görə ki, həm hakimiyyətdə, həm də ictimai qurumlarda vəzifələrdə olanlar uzun illərdir ki, pensiyada olmaq əvəzinə kreslolarından möhkəm yapışıb Sizin inkişaf yolunuzda maneəyə çevriliblər. Hakimiyyətin üst qatları, orta qatlarını da demirəm, ən aşağı qatlarına qədər vəzifədə olanların əksəriyyəti çoxdan pensiya yaşını keçiblər. İctimai qurumların rəhbərliyində - Yazıçılar ittifaqı, Rəssamlar İttifaqı, Teatrlar və digər ittifaqların başında 30-40 ildir ki, eyni insanlar əyləşiblər. Gənclər inkişaf etmək, istedad, bacarıqlarını göstərmək şansından məhrum olublar. Mənim nəslimin gəncliyini oğurlayanlar indi də Sizin gəncliyinizi oğurlamaqda davam edirlər. Əgər bu gün vəzifədə gənclər varsa onların da mütləq əksəriyyəti pensiya yaşında bizim haqqınızı yeyənlərin balaları, nəvələridir.

Təmsil olunduğum məhkəmə və hüquq-mühafizə orqanlarında da gəncləri görsəniz bilin ki, onlar da 44 günlük Vətən Müharibəsi qəhrəmanları yox, uzun illərdir ki, kreslolarda qocalmışların törəmələridirlər. Vəkillikdə ən yüksək bal toplayan çoxlu sayda Vətən müharibəsi iştirakçıları var ki, məhkəmə, prokurorluq orqanlarında təmsil olunmalıdırlar. Ancaq…

Əminəm ki, həqiqi, müstəqil, inkişaf edən Azərbaycanı Sovetlər Birliyini görməyənlər qura bilərlər. İnanıram ki, 7 fevral Prezident seçkilərindən sonra xarici siyasətdə qazandığımız uğurlar daxili siyasətdə də davam edəcək və bunun üçün gözükölgəliyimizi qürurlu duruşla əvəzləyən gənclər üçün yaşıl işıq yandırılacaq.

Gəncədə məktəbli sinif yoldaşını bıçaqla qətlə yetirdi. Bu bir cümlədə bir ailənin yox, bir ölkənin faciəsinin əks olunduğunu hələ də çoxları anlamır. Biz isə bu barədə illər əvvəl deputatlar qanuni oğrunun nəşini daşımasını qürurla mətbuatda tirajlayanda, gəncləri “vor”lara oxşamağa çağıranda yazırdıq. TV-lər əxlaqsızlığı, oğru dünyasını, əxlaq nə olduğunu bilməyənlərin dəbdəbəli villalarını, həyat tərzini tirajlayanda da deyirdik. Bu gün ailə, namus, həya, elm nə olduğunu bilməyənlərin mavi ekranlardan cəmiyyətə əxlaq dərsi keçməsi də cəmiyyətin faciəsidir. Belə davam edərsə bizi daha çox faciələr gözləyəcək.

Dünyanın bir çox yerlərində iş qurmuş bir nəfər Azərbaycanda iş qurarkən rastlaşdığı problemləri danışdı. Qanunsuzluğun, haqsızlığın, iş adamlarına maneələrin olduğunu bilirdim, ancaq bu qədər də yox.
Bundan sonra hesab edirəm ki, Azərbaycanda iş qurmuş şəxsə halallıqla “Əmək və Səbr Qəhrəmanı” adı vermək olar.

PS. Şərhlərdə iş adamlarına yaradılan maneələrdən yazın ki, cavabdeh şəxslər vəziyyəti görsünlər.

İTV-yə müsahibəsində Tibbi Ərazi Bölmələri İdarəetmə Birliyinin (TƏBİB) İcraçı direktoru Vüqar Qurbanov deyib ki, ölkəmizdə Qafqazın ən böyük reabilitasiya-terapiya mərkəzinin açılması nəzərdə tutulur. Onsuz da tək Qafqazın yox, həm də dünyanın ən böyük, ən analoqsuz nəyi varsa Azərbaycandadır. Tək Bakıda Diaqnostika Mərkəzi, Yeni Klinika da ən böyüklərdəndir. V.Qurbanovdan xahiş edirəm ki, Azərbaycanda dünyanın ən böyük yox, ən kiçik müalicə müəssisəsi tikin ki, müalicə üçün kasıblarımız İrana, ortabablar Türkiyəyə, varlılar isə ABŞ və Avropaya getməsinlər.

Saxtakarlıq, yalan çox pis əməldir. Jurnalistikada saxtakarlığı, yalanı isə murdarlıqdır. Son vaxtlar isə bu murdarlıq dözülməz həddə çatıb. Nə qədər narahat olsam da fikir bildirmək istəmirdim. Ancaq dünən sağlığında haqqı hamı tərəfindən yeyilən, əvəzsiz səs sahibi Aygün Bəylərin ölüm xəbəri ətrafında baş verənlər məni tamam diksindirdi və artıq susa bilmədim.

“Metroda qəza-onlarla ölənlər var”, “təcili, zəlzələ minlərlə can aldı”, “yol nəqliyyat zamanı onlarla ölənlər var”, “yüksək rütbəli məmur iş otağında rəhmətə getdi”. Özü də bu biabırçılıqlar əsasən insanları üzən xəbərlər ətrafında baş verir. Oxuyanda isə görünür ki, söhbət tək Azərbaycana aid olmayan xəbərdən yox, heç azərbaycanlılar üçün maraq doğurmayan, çoxlarının adını belə eşitmədiyi ölkələrdə baş vermis hadisələrdən gedir. Bunu edənlərdə heç vicdan yoxdurmu, bunlar başa düşmürlərmi ki, neçə-neçə insanın əhvalını pozurlar, vaxtlarını alırlar?

Əziz səhifə iştirakçıları!

Yeni ilin ilk günü vəkil Zaur Məmmədovun intihar etməsi xəbəri bütün vəkillər kimi məni də üzdü. İlk növbədə, onun ailəsinə və əzizlərinə dərin hüznlə başsağlığı verirəm. Allah rəhmət eləsin!

İlk dəqiqələrdən hadisəni diqqətlə izləyirəm və bu intiharın Azərbaycan Respublikasının Vəkillər Kollegiyası-Azerbaijani Bar Association, yaxud mərhum Zaurun sağlıq durumu ilə əlaqələndirilməsi qətiyyən yolverilməzdir! Əminliklə bildirirəm ki, son dövrlər Azərbaycanda Vəkilliyin nüfuzunun artması rüşvətxor məmur tayfası üçün ölümə bərabərdir və ona görə də baş vermiş faciədən öz çirkin niyyətləri üçün istifadə etmək istəyənlər də var.

Bu hadisə geci-tezi olmalı idi, çünki normal, vicdanlı, əxlaqlı insan üçün artıq vəkillik dözülməz bir peşəyə çevrilirdi. Vəkil bir tərəfdən qanunla problemi olan insanlar, digər tərəfdən isə bütün inzibati resurslara sahib hüquq-mühafizə və məhkəmə orqanları arasında qalır. Vətəndaş nəyin bahasına olursa olsun problemi onun xeyrinə həll etməyi tələb edir, digər tərəfdə isə məmur tayfası malik olduğu səlahiyyəti vəzifə borcu yox, qazanc üçün vasitə sayır. Vətəndaş da əksər hallarda tək pozulmuş hüquqlarının qorunmasını yox, həm də yol verdiyi qanun pozuntusundan boyun qaçırmaq istəyir. Xüsusilə, son vaxtlar qanunun keşiyində durmalı olan insanlar yol verdikləri qanun pozuntusunun ictimailəşməsindən belə çəkinmir və rüşvəti açıq şəkildə tələb edirlər. Ən ağrılı olan isə odur ki, bir çoxları murdar həddə çatmış rüşvətxorluğu Qarabağda gedən quruculuq işləri ilə əlaqələndirirlər.

Səhifəmi diqqətlə izləyənlər görürlər ki, son bir neçə yazımda artıq vicdanla vəkillik etməyin qeyri-mümkün olduğunu yazırdım. 22 noyabr 2023-cü il tarixli statusumda qeyd etdiyim kimi, “Əgər 30 ildən artıq Respublika Prokurorluğunda, Prezident Administrasiyasında işləmiş bir vəkil bu cür saymamazlıqla qarşılaşırsa onda Siz yeni işə başlamış gənc vəkilin vəziyyətini təsəvvür edin. Məhz buna görə də vəkillərin bəziləri vəkilliklə yox, dəllallıqla məşğul olmağa məcbur olurlar, çünki qanuni yolla heç nə etmək mümkün olmur”. Tam məsuliyyətimlə bildirirəm ki, bu gün Azərbaycanda ən çox qazanan heç də ən savadlı, təcrübəli, zəhmətkeş vəkil deyil. Ən çox qazanan dəllalığı yaxşı bacaran, rüşvətxor məmur tayfası ilə yaxşı münasibətlərdə olan, vicdanın, əxlaqın nə olduğunu bilməyənlərdir. Bu gün mənim 1 ildə qazandığımı 1 həftədə, 1 ayda qazanan belə “bacarıqlı” vəkillər var. Vəkilə müraciət edən müştərilərin mütləq əksəriyyətinin ilk sualı problemin kimlərlə, hansı miqdarla həll ediləcəyi olur. “Qanunla bacardığımızı edəcəyik” cavabı isə demək olar ki, heç kimi qane etmir, çünki artıq vətəndaşlar da bilir ki, əksər hallarda rüşvət olmasa qanun da öz yerini tapmır. Xüsusilə, gənc vəkillər baş verənləri görürlər və bir çoxları da daha asan yolu seçməyə üstünlük verirlər.

Hazırki iş üzrə istintaq gedir və bu prosesin obyektiv araşdırılmasında Vəkillər Kollegiyası rəhbərliyinin maraqlı olmasında heç bir şübhəm yoxdur. Ancaq istintaqın obyektiv gedəcəyinə isə ciddi şübhələrim var, çünki o işin obyektiv, hərtərəfli araşdırılması tək rüşvət alıb qaytarmayan müstəntiqlə yekunlaşmayıb daha yuxarı mərtəbələrə gedəcəyinə əsla şübhə etmirəm. Əgər ciddi ictimai nəzarət olmasa bu hadisənin ört-basdır ediləcəyinə də şübhə etmirəm. Yox, əgər bu iş üzrə hərtərəfli, ədalətli araşdırma aparılsa bu ölkədə korrupsiyanın qarşısının alınmasında ciddi bir hadisə olacaq.

Əziz Həmvətənlərim!

Bir daha hamını Yeni il münasibətilə təbrik edirəm. Yeni il qabağı ölkədə baş vermis çox vacib bir hadisə diqqətdən kənarda qaldı. Azərbaycan Respublikasının Prezidenti İlham Əliyev “Məhəmməd Əmin Rəsulzadənin 140 illiyinin qeyd edilməsi haqqında” Sərəncam imzaladı (https://president.az/az/articles/view/62970). Mənim üçün bu addım 19 sentyabrda bütün ərazimizdə suverenliyimizin təmin edilməsindən sonra ikinci vacib hadisədir, çünki həm ölkə daxilində, həm də xaricində bu addımın əleyhinə olan çox güclü qüvvələr var idi.

Bu təşəbbüsə görə cənab Prezidentə və bu addımı dəstəkləyən komanda üzvlərinə təşəkkür edirəm. Hesab edirəm ki, bu çox uğurlu addımdır və bununla ölkə başçısı bütün ayrıseçkliyin əleyhinə olduğunu göstərdi. Arzulayıram ki, bu həmrəylik həyatımızın bütün sahələrində baş versin. İnanıram ki, Cümhuriyyət qurucularının hamısının nəşinin ölkəmizə gətiriləcəyi günlər də uzaqda deyil.