ملا أبراهيم الكربلائي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 5 days, 21 hours ago
انته ياقوت السمه ومرجانها
والرساله ثبتت عنوانها
يا محمد يا محمد
يا رسول الدين يا نعم الرسول
براية الإسلام حيرت العقول
ذكرك ايضل خالد وكلشي يزول
الله بيك الأمه رافع شانها
انته قائد سيدي اعله القائده
اتلوذ بيك اهل البخت والساده
انته كملت الفضل وزياده
الكاع تجفل من تكض اعنانها
يا جبير الطايفه الملزومه
وال هاشم سولفت بعلومه
انته بعيونك صكرت الحومه
والملاحم عجت بتربانها
يا محمد ذكرك ايطهر اللسان
وسيدي لولاك جا ضاع الأمان
جم ملك يقره الحمد عالعتبه جان
وتستجار بهيبتك نيرانها
يا سراج الدين يا شمس البديع
يا محمد بالحشر انته الشفيع
احنه لو ما رحمتك والله نضيع
ونجرفنه سيدي بطوفانها
انته صادق بذن رب العالمين
والتعوف محبتك ما عدها دين
اعله منزلتك تره امن المرسلين
وفتحت الجنه الك ذرعانه
تمت
تحسين الخفاجي
بهل ليله الحزينه نودعك يا نبينه
انته اول بشر يستأذنه الموت
وجبرائيل مد اجناحه تابوت
ا**نته اول نبي بالكون اشتاك الجامع الصوته
اول مره اشوف انسان يفرح كلش بموته
وكف حته الهوه بلياك وناح النحل ببيوته
انته حسين مدري حسين شايل بيده تابوته
من جفنك غمضته حيل حسين اخذته
راح الهادي منكم نسمع الصوت
وجبرائيل مد اجناحه تابوت
*نكلب لون السمه مولاي ويمك فاطمه تنعه
هاي ام الحسن طاحت صحت لو طاحن السبعه
تره كلشي المكانه يعود بس المات شيرجعه
ليش اسنينك الحلوه جزتنه وخلصت بسرعه
ياليل المنيه حن اعله الزجيه
تبجي الفركتك وتون البيوت
وجبرائيل مد اجناحه تابوت
اول مره اشوف الماي يتغسل حبيبي بماي
علي كل عمره ما مكسور بس انته كسرته اهواي
بالكافور عطرك صار وطهر الكبر مولاي
عله امصابك بجه القران وزينب ضلت بلا راي
محتاره السماوات وتنوح المجرات
اسمك عالعرش يالهادي منحوت
وجبرائيل مد اجناحه تابوت
ه**ليله الحسن مكسور واه يصيح يا جدي
انه دمعة طفل محروم بوجه كل غالي متبدي
محتاجك وريد وياك ومن تتركني اضل وحدي
رافكني الحزن والنوح وانه الحزن مو كدي
يذبحني غيابك شيبني مصابك
بسكوت الدمع ضل يجري بسكوت
وجبرائيل مد اجناحه تابوت
عكبك ضجت الايتام وصاحت وين والينه
بعدك يا رسول الله ياهو اليعطف اعلينه
من عندك يبحر الجود نشبع شوف خلينه
جنت تمسح مدامعنه وبجفوفك تغطينه
كل ضن اليتامه تكوم الها بسلامه
يلجم جم كلب من نعشك يفوت
وجبرائيل مد اجناحه تابوت
*تمت
تحسين الخفاجي
#تراث #نعي مولاتي العقيلة ? حط الراس جدامه اونشد عن النسه اوعني زینب هاي واسكينه اورباب اتشوفهن ذنّي طاب العيش دگ العود ويالمغني ولك غني يهاشم روسكم هاذي اوسبي اعيال زدناكم زدناكم ابسبي اعيال وأخذنه العين والعينه او گلب راس أخوي احسين مستر والتفت لينه…
تعالي وگابليني انشيل الحسين
تعب من الحوافر ينكض امنين
يايمه تعالي بل طف شوفيه حالي
تعالي وگابليني انشيل الحسين
ركضت وركضت اسنيني من الخيمه للتله
اليشوف احسين جوه الخيل گلي بل عمر شله
ضايع والتراب اعلي وصعبه عليه اندله
الضاگت مر عله اخوتهه بصبرهه وهمهه تتحله
اخوي ابصدره حافر نايم انيوم
مات من السحگ مايگدر ايگوم
عله الخوه سؤالي بل طف شوفي حالي
انه المحد ركض وياي اجدامي مايعينني
ييمه احتاج اديچ اليوم من اعثر يشيلني
بهاي الضلمه والدخان من اضيعن خل يدلني
وعله جثت عزيز الروح اريدنهن يدلني
سمعت ابصوت غايب صارله اهواي
عرفته من البواچي ام الحسن هاي
بعد عزي ودلالي بلطف شوفي حالي
اجيتچ يمه يازينب تعالي اعلل نحر ننعه
بچت فوگ النحر وتصيح راسك ياهواليرجعه
وليش اچفوفك امعوزات خنصر باقي بس تسعه
السهام ابصدره ماتنعد حارت ياهو اليتطلعه
صاحت ياعزيز امك يمذبوح
شگد شايل ابجسمك طعنه وجروح
والنوح اعتلالي بل طف شوفي حالي
بچت فاطم بچي ماصار لحد مالانهايه وياي
گالت والجروح اكبار ياماي انگطع عل ماي
اگعد يابعد روحي تحاچيني يكل رجواي
الشماته اگبالي تتشمت وسمع كل شتمهم جاي
المن بل اطفال وگلبي مشلوع
ورقيه اتريد ابوهه وتجري الدموع
جرح حته ابخيالي بل طف شوفي حالي
علينه والخيم شبت وهون فوگي وعلي طاحن
وبنات احسين من الخوف بويه ياعلي صاحن
الشاف الصار بينه هناك لوگلبه صخر چا حن
راحو كل هلي وضليت الفواطم وي غرب راحن
مشينه اجروح تتوچه اعله الاحزان
وبهاي الارض ماضلي امچان
وچم سوط اعتنالي تعالي وشوفي حالي
سلام البهادلي
صلى عليك مليك السماء
جسم صريع بالعراء مقطع الاعضاء
سليييب حسييين
غريييب ياحسييين
مو آيه وحده بهذي نزلت آيات بها الكتاب يصرح
شما بالسما و بالارض من مخلوقات بإسم الإله تسبح
معناها يشعر عالم الموجودات باليحزن و باليفرح
و بهالشعور عليك ناحت كل ذات و وادي الطفوف يوضح
بكى عليك ضمير الجماد ثم ارتدى ثوب الحداد يا مبكيه الاطواد
عجيييب حسييين
غرييييب يا حسييي
اول اصواب الحجر لمن صابه ذاك الجبين اتهشم
ذاك الحجر ظل ينحب على مصابه و اصبح جبينك مأتم
سهم المثلث سجد يم اعتابك ادى التحيه و سلم
و من صاب كبدك ظل يحن لصوابه المك و هو اتالم
شابت عليك رؤوس النبال و بكتكه صارية القتال من محجر هضال
حبيييب حسييين
غرييييب يا حسييين
لمن طحت و استقبلت وجه الله دم الجروع الترعف
تعناك شمر الخنا و سيفه بيمناه قطع النحر متلهف
و عالنحر من توسط سيفه و خلاه سيف الشمر ظل يرجف
هالسيف ظل يبكي على نحرك و دماك و على الجراح التنزف
بكت عليك عيون السيوف و ترابها بيت الطفوف في خطيك المعروف
ترييييب حسييين
غريييب يا حسييين
عن جثتك يا حسين راسك فصلوه جسمك صريع مترب
تراب الارض يبكي على حالك خلوه موجة دماك تخضب
و الشمس من شافت وريدك قطعوه بالحزن ظلت تلهب
راسك براس الرمح لمن شالوه حتى الرمح ظل ينحب
جرت عليك دموع الرماح و بكتكة بارقة السفاح يا من الى الارواح
عجيييب حسييين
غريييب يا حسييين
والدك يوم الحشر اهو الميزان و بكتفه حوض الكوثر
شلون انت مجمود بالطف عطشان كبدك ذبل و تخطر
نهر الفرات اليوم منك خجلان من كبدتك يتعذر
خلوك يمه بلا غسل و لا اكفان مغسل بدم المنحر
ناحت عليك ظفاف الفرات دمع و موج جاريات و انت في الفلوات
خضيييب حسييين
غريييب يا حسييين
للشاعر. جابر الكاظمي
(( #الدنيا_موقف )) #محرم_1446 **……………………………………………………………
الدنيا موقف تنحسب . والمثل من طوعه
ابشربة الماي العذب . للنجم مرفوعه
……………………………………………………………
ابوقت جانت زلم مامش كلها ضمت هامه
گالت اخذ دور لبوه و رفضت النعامه
موقف ايخلي الشوارب تنـ نزع جدامه
شيله وبذيج المسيه تسوه الف اعمامه
انباعت شيوخ و زلم . وهي ما مبيوعه
ابشربة الماي العذب . للنجم مرفوعه
……………………………………………………………
طاسه من الماي صارت معجزه و اسطوره
الزهره صاحتها يطوعه عالكرم مشكوره
الحور وسط الجنه رسمت الها اجمل صوره
وي اسم مسلم اسمها ابكل عزه مذكوره
وي زينب و الحرم . بالحشر مجموعه
ابشربة الماي العذب . للنجم مرفوعه
……………………………………………………………
تگله يبن الساده ادخل جنك ابنص دارك
انت راعي البيت يمه وانا بي خطارك
الگمر يم الباب نازل ياخذ من انوارك
صح مره بس اعتبرني انا كل انصارك
ايريد گلبي ايبايعك . يطلع من اضلوعه
ابشربة الماي العذب . للنجم مرفوعه
……………………………………………………………
عمت عين الكوفه يمه الخلتك لوحيدك
همه اصنام بأديهم وانت جامع بيدك
سيوفهم هند او يوحشي وانت حمزه اوريدك
همه حطبات الجهنم وانت جنه تريدك
صوتهم طيح النده . و صرختك مسموعه
ابشربة الماي العذب . للنجم مرفوعه
……………………………………………………………
يجب هالموقف يعمم عالخدم تدريسه
كل عمل مو بالضخامه بالاخلاص انقيسه
موقف ابنص يوم كمّل و انعلن تأسيسه
مره عاديه المسيه و الصبح قدّيسه
درس (أخلاص العمل) . ينكتب موضوعه
ابشربة الماي العذب . للنجم مرفوعه
……………………………………………………………
بالحرب وياه وگفت باللسان اتعينه
اتذكره بالعباس ساعه وساعه بسم احسينه
چتّفوه وچن گلبها ابسلسله امچتفينه
روحها او يالدمعه طاحت سمعت امگطعينه
نصبت اعليه العزه . تلطم و مفجوعه
ابشربة الماي العذب . للنجم مرفوعه
……………………………………………………………
واگفه و ضعن الفواطم اجه ومر اعليها
شمّت ابعلويه منهم عطر مسلم بيها
هي ركضه وهي بچيه وگبل راحت ليها
تشابگن لاچن حميده امشبگات ايديدها
ابسوطهم مدري اشكثر . بالمتن ملسوعه
ابشربة الماي العذب . للنجم مرفوعه
……………………………………………………………
✍️ ( سيد خضر الزاملي )**
**صاح وتنخه ابعباس •• مسلم گلبها الكوفه
……………………………………………………………
انا اخو العباس انا وجدحن عيونه ابزعل
بس ذكر اسم ابو فاضل محني والظهر انعدل
كاشخ ابغيره عمامه چنه عريس ونزل
سيفه عزرايل چنه ايوزع اعليهم اجل
كالو اجانه الكرار •• وبحملته المعروفه
……………………………………………………………
ليل كيظ ابسرعه همه خلصو العده وعدد
المات والحار بجروحه والترك سيفه وشرد
والدخل عد طوعه خايف لو وره الحايط لبد
ابخوف قائدهم ينادي يبن مرجانه المدد
مثل السنابل هالجيش •• راحت حَصِد بجفوفه
……………………………………………………………
عنده من حسين رايه شدها على الصارم علگ
العل سطح والكاع بيده واحد بواحد طبگ
هله ياوالد حميده صكر وعليهم صفگ
اسد ما يتركله صيده ما اضن واحد لحك
مثل الغنم من تنحاش •• بس التراب اشوفه
……………………………………………………………
مو وحيد وعنده طوعه بالف منهم تنحسب
من عدم صارت اميره ابطاسه من ماي العذب
ابزمن بس هي الحقيقه و البقوا كلهم جذب
كلها فرحانه اعل موته و هي ظلت تنتحب
لا هابت الابن زياد •• لا خافت امن سيوفه
………………………………………………………..
باله يم حسين شارد من يجيهم ينغدر
فدوه لا تقدم عليهم يبو السجاد انتظر
خاف يولونك يخويه وبارضهم تنّحر
والعقيله وفخر هاشم ينسلب منه الخدر
كالولي حته البكماط •• منهم ابد منعوفه
……………………………………………………………
والنصر مو بالبدايه الاهم نصر الخاتمه
وين ابن مرجانه وينه والحكومه الظالمه
بالوحل قصر الاماره و گبته ابعلو السمه
باب رابع للحوائج لان ناصر فاطمه
الظل وحده بذاك الليل •• هسه المئات اطوفه
……………………………………………………………
✍️ ( سيد خضر الزاملي )**
ليلة العليلة
.
.
.
حسين بس هوه الصدگ صاحب طويله
واحنــه غيــر حســين ماعـدنه وســـيله
الله يرحـم حجـــي مـهـــدي الامـوي
گــال هالجـــمله وبقـــت تـدوي دوي
حسين صاحب لچن هالصاحب قوي
واليســنده حسيـــن لامـــــاينـــــلوي
ابحـثنه وبحـثنه وطــلعنه بهالحصيله
واحــنه غيــر حسـين ماعــدنه وسيله
حسين ماهــد ربـعه يوم من الأيام
بالــضــوه لازم ادينــــه وبالـــظلام
امرار ياخــذنه الهوه وحــلو الكلام
نبــتــعد وتـــردنه نفــحات الامــام
مستـحيله يعــوف ربـعه مستــحيله
واحنه غير حسيــن ماعــدنه وسيله
عـــن ابوالـــسجاد نـــبعد مســـتحيل
بيـــتـنه وعـــن بيـــتنه لامـــانـــشيل
حسين حيـل هواي والبـــاقي قـــليل
غــير هـــوه المن اجلنـــه انـطه كفيل
حسين مو صم ينطي من ينطي بشليله
واحنــه غيـــر حــسين ماعـــدنه وسيله
حســين واليتــمسك بحـبـله المتين
مايــــزل جــدمه شـــمال ولا يـمين
حسين ونعـرفه شنو من چـنه طـين
ولــِهــذا السبـــب بــــي متمـســكين
نحيــي بي يــاناس ونموت بسبيله
واحنه غير حســين ماعـدنه وسيله
حـسين جـــننه وحـــلو بيــه الجنـون
حســـين ايــاتً لقــــومــن يعـقــــلون
حسين لـو ما هــو احــنه مــَن نــكون
حسين بس هوه السكن وسط العيون
باقـي وســـط گــلوبنـــه ولامانـــشيله
واحنــه غير حسين ماعــــدنـه وسيله
الدنيــا ياهــالناس مابيــها ضمان
شيلگه بلله الي يــعوفه بـهالزمان
حسين من نلــوذ بي نلگـي الأمان
هـــوه أبو الحنـيه بـل رب الحنان
شما نوصفه اوصافنه تبـقى قليله
واحنه غير حسين ماعدنه وسيله
بصاية الله وصاية حسين الحنين
حســين أصــحابـه دلال مـــدللين
بفضله وبجوده وعطائه عايــشين
الــف نــعمــلله وشــكراً للـــحسين
شيخـنه المهيوب طبــعن مـنتميله
واحنه غيـر حسين ماعدنه وسيله
حيدر تركي الكربلائي
منهاج محرم الحرام لعام 1446 هـ
قصيدة ولائية
گـدما لاجـلـك عـايـش حـزني
كـــل لـون لـطـفــك يـاخــذني
بس الحيره العطش شـلون
بي شـفتـك صارت يا لـون
كــل لـون لـطـفــك يـاخـــذني
هيه هيچ عيوني صارت... ويه كل لون الها ذكرى
لـون الابيض ويـن اشوفه...گـلبك وشـيبك اذكـره
وابتسم بس لحظه واسمع... ابالي مقتل لنه يقره
بالحجر صوبو جبينه... ودمه خله الشيبه حـمـره
شـگـد الـلــون الأحـمـر يـقـهـر
بخـنـصـر والصـدر وبالمـنـحـر
بــس اسـأَل كــل اليــروون
بي شفـتـك صـارت يا لون
كــل لـون لـطـفــك يـاخــذني
ـــــــــــــــــــــــــــــــــ١ـــــــــــــــــــــــــــــــــ
وين اشوف اللون الازرگ... جروحي توگف يَمَه خرسه
والجــرح أكــثـر يـألم ... لــو صـرخ بــس ماكــو حِـسَه
وكلشـي أزرگ ماي اشوفه...والســهام أنـــظر تـحرسـه
وبعيــن ابـو فاضـل حبـيبك... ســهم منـهن بيــها لسه
ومــنــهـن ذاك الزَوَّد حـــزنــك
لَمَّــن شـفـتـه ابــمنـحـر إبنــك
واعداك ابذبحه ايضحكون
بي شفـتـك صـارت يا لون
كــل لـون لـطـفــك يـاخــذني
ـــــــــــــــــــــــــــــــــ٢ـــــــــــــــــــــــــــــــــ
الاصـفر ايســـر النواظــر... وعـيــني شــــو لو صــادفاها
تبچي حدمـا بيها اشـعر...اويـــه الـدمـع ينـشـف ضــواها
ثــــاري تـتــذكـر يتــامـى... صــوفرت مـــن گـــد ضـماها
اتريد ماي وسوط يركض... يـفـتـح اجــروح بگـفاهـا
وصـــار الرمــل ايــچلب بالـدم
وبــكـل جـــرح الـبـيـهم يــلهم
بهذا الحال امن ايطيحون
بي شفـتـك صـارت يا لون
كــل لـون لـطـفــك يـاخــذني
ـــــــــــــــــــــــــــــــــ٣ـــــــــــــــــــــــــــــــــ
گبــل لا توصـلها چــانت...كربلــه صــحراء جــرده
وخــضــرت من وصـلتـها...رادت تـــوافي الــموده
وكلشي اخضر بيها صوفر... من اخيك طاح زنده
وجــرده ردت ويــه اول...ســهـم من ثــوبك تـعده
والـســمه رادت تـــوگـع يــمـك
لمـــن لامــس ســهـم لجـسمك
وبـــدو الامــلاك ينحــبون
بي شفـتـك صـارت يا لون
كــل لــون لـطـفــك يـاخــذني
ـــــــــــــــــــــــــــــــــ٤ـــــــــــــــــــــــــــــــــ
كل رمــادي تشــوفه عيني...اذكــر رمــاد المخيم
تارس عــيون اليـتامى...والچــفوف اتـغطت بدم
اليمسـح عيـونه يـسدها...رمــاد والـدم بـيها يلتم
وحتى يعرف وين اخيه...صار بس يعتمد عالشم
وبــس الشــم بالطـف ظــل عدهم
ايــعــرفــون المــنـهـم والضــدهم
وعلى رمـحك ويـن يشوفون
بي شـفـتــك صـــارت يا لون
كــــل لــون لـطــفــك يـاخـــذني
ـــــــــــــــــــــــــــــــــ٥ـــــــــــــــــــــــــــــــــ
اللـون الأسـود ليـل العـاشر...والظــلام الما مثيله
وخيل تسـحك باليتـامـى...وبيــهم اتلـم العقيله
وهذا ميت ذاكه طايح...وحيره ياهو التعتنيله
الما تجيله بسرعه تلگه ...حافر وسوط اليجيله
تعـــب وحــزن وجـــفن امبـلـل
واتـــــانـيــها الصـــبـح الهــــزل
هذا الحال اليـدمي عـيون
بي شفـتـك صـارت يا لون
كــل لـون لـطـفــك يـاخــذني
ـــــــــــــــــــــــــــــــــ٦ـــــــــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 5 days, 21 hours ago