MOD ဝန်ကြီး ဦးရည်မွန်၏ လူကြီးမဆန်တဲ့ စကားကြောင့် ယင်းမာပင်ခရိုင် ဗျူဟာများနဲ့ ခရိုင်တပ်ပေါင်းစု ၁၁ ရင်းမှ တပ်ရင်းများဟာ MODရဲ့ COCအောက်မှ ထွက်ခွါဖွယ်ရှိနေ
➡️ ➡️ ➡️ ➡️ ➡️
ဒီဇင်ဘာ ၁၃ ရက် ၂၀၂၄
ပြီးခဲ့ တပတ်ခန့်က ယင်းမာပင်ခရိုင် ဗျူဟာရင်းများလက်နက်တပ်ဆင်ရေးအတွက် အွန်လိုင်းဆွေးနွေးပွဲပြုလုပ်ခဲ့ပါတယ်။ ထိုဆွေးနွေးပွဲတွင် ဝန်းကြီး ဦးရည်မွန်၊ ဗျူဟာမှူးများအပြင် ရင်းမှူး/ဒုရင်းမှူးများလည်း ပါဝင်ခဲ့ကြပါတယ်။ ဗျူဟာအတွက် သင်တန်းပြီးရင် လက်နက်အလက် ၃၀ တပ်ဆင်ပေးမယ်လို့ ဝန်ကြီးဌာနက ပြောဆိုထားသော်လည်း တကယ့်လက်တွေ့မှာ ၁၀ လက်သာ တပ်ဆင်ပေးမလို့ ဝန်ကြီး ဦးရည်မွန်က ပြောဆိုလာတဲ့အတွက် ရင်းမှူးများနှင့် ဗျူးဟာမှူးများက မူလပြောဆိုထားတဲ့အတိုင်း ချပေးဖို့ ပြောဆိုရာမှ စကားအခြေအတင်ဖြစ်ခဲ့ပါတယ်။
ပြည်သူတင်မြှောက်ထားတဲ့ ဝန်ကြီး ဦးရည်မွန်က လူကြီးမဆန်ဘဲ အရပ်ထဲ ငါးစိမ်းသည်ဆန်ဆန် ပြောဆိုတယ်လို့ သိရပါတယ်။ “ခင်များတို့ လက်နက်မကျလို့ ထွက်မယ်ဆိုလည်း ကျွန်တော်က တားပိုင်ခွင့်မရှိပါဘူး”လို့ ဝန်ကြီးကပြောကြောင်း LPDF အဖွဲ့ခေါင်းဆောင်တဦးက ဆိုပါတယ်။
“
သို့အတွက်ကြောင့်
လက်နက် ချပေးရင်လည်း ဗျူဟာမူးများက လက်ခံတော့မှာ မဟုတ်
သလို MOD ရဲ့ COCအောက်မှ ထွက်ခွါကြမည့် အနေအထားရှိနေကြောင်း သိရှိရပါတယ်။
“MOD ချပေးတဲ့ လက်နက်လည်း မယူတော့ဘူးတဲ့ ရှိတာနဲ့ပဲ တိုက်မယ်တဲ့”လို့ ဗျူဟာမှူး တဦးက အတည်ပြု ပြောဆိုပါတယ်။
ဗျူဟာရင်များမှာ ပါဝင်ကြတဲ့ ယင်းမာပင် တပ်ပေါင်းစု ၁၁ ရင်းမှ တပ်ဖွဲ့အချို့ဟာလည်း MOD ကွက်ကဲမှုအောက်မှ နုတ်ထွက်ဖို့ရှိကြောင်း သိရှိရပါတယ်။
“ယမပ တပ်ပေါင်းစု ၁၁ ရင်းလည်း MOD လက်အောက် နှုတ်ထွက်ကြမယ်၊ နောက်ပြီး သူတို့ရွာတွေမှာ ရှိတဲ့ ပအဖ၊ ပကဖပါ နှင်မယ်လို့ ကြားတယ်၊ နောက် ၁/၂ ရက်ဆိုရင် အဖြေသိရလောက်တယ်”လို့ LPDF အဖွဲ့ ခေါင်းဆောင်တဦးက ပြောပါတယ်။
ထိုကိစ္စနဲ့ ပတ်သက်လို့ -
“လက်နက်ကိုင်ထားရင် အုပ်ချုပ်ရေးပါ လုပ်ချင်လာကြတာ, တော်လှန်ရေးရဲ့ ဆန့်ကျင်ဘက်အတွေးတွေဆိုတာ နားမလည်းကြဘူး၊ ဝန်ကြီးနဲ့ အဆင်မပြေလို့ လက်နက်ရလိုမှုကြောင့်တော့ တော်လှန်ရေး ဦးတည်းချက် သွေဖယ်မသွားသင့်ဘူး, အခြားနည်းနဲ့ ဖိအားပေးသင့်တယ်၊ နောက်ပြီး ဝန်ကြီးဌာနအနေဖြင့်လည်း ပေါ့ပေါတန်တန် သဘောမထားပဲ အချိန်မီ ဆွေးနွေးအဖြေရှာဖို့လိုတယ်”လို့ ဗျူဟာမှာ မပါဝင်တဲ့ ရင်းမှူးတဦးက သုံးသပ်ပြောဆိုပါတယ်။
အလောင်းတော်ကဿပ နယ်မြေသတင်း

ထောင် ၁၀ နှစ် ချခံလိုက်ရတဲ့ ဗိုလ်ချုပ်ဟောင်း မြတ်သက်ဦး

မကြူ နဲ့ မအလအတွက် အသေခံသွားတဲ့ သူတောင်းစားများ😂

ကြမ္မာဆိုးဝင်နေပြီဖြစ်သော စကစ ခေါင်းဆောင် မင်းအောင်လှိုင်ဟာ ခြေထောက်သံစူး၍ ယတြာချေနိုင်ရန် မုံရွာ သစ်တောရုံးကို ဥသြငှက် ၁၀ ကောင်းဆီးခိုင်းကြောင်း သိရှိရပါတယ်။