#تلحين القصائدالحسينيه@
للتواصل
ali_20115
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her
#الليالي_الفاطمية **نار الباب باجر تاكل خيام
وسقيفتهم شتال تخضر الشام
جم ديوان باجر
والبسمار حافر
يمه زينب يمه زينب
ــــــــــــــــــــــــــــــــــــــــــــــــــــــــــــــــــــــــــ
كسر يتبع الكسر السقيفه والشمر
ماتخلص يزينب يمه هايه
حزن باجر تره وضلوع مكسرة
والقرآن ينزف ايه ايه
وراج شجم خرابه ونوك هزلات
وتتقشر وجوه الطالبيات
من حر الشموس البلخرابات
لا راحه وعذاب نوم بالليل
ولو تغمض عيونج تصهل الخيل
والسجاد حاير
والبسمار حافر
يمه زينب يمه زينب
"" "" "" "'"''''
الم نفس الالم خشب بابي السهم
ويجي بعين الكفيل ويطفي عينه
الاشد من الذبح ويطعنات الرمح
من هدمه الحسين مسلبينه
ياحيل اليظل لمن تشوفين
الشمر من الكفه من يذبح احسين
مدري شلون يُمه وماتموتين
ومن غير السياط وحر الارمال
من عز الخدور لجر الاحبال
والمثلج تكابر
والبسمار حافر
يمه زينب يمه زينب
"" "" "" "" "" "
يرد نفس الوكت عليهم من صحت
ليش المرتضى بحبال ينجر
قصص ماتختلف علي هم ينجتف
وعلي السجاد يشبه جده حيدر
أبوج المرتضى تجتفه الوصيه
والسجاد بحبال ال اميه
علي يشبه علي بنفس الاذيه
شفت بعيني من جروا الكرار
وانت وياالعليل مشاكف احجار
والماصار صاير
والبسمار حافر
يمه زينب يمه زينب
"" "" "" "" "" "" "
ومحسن من وكع هرش كلبي نشلع
أشد من الضلع من طاح مني
وعبدالله الطفل يفك ريجه بنبل
وامه تكله كتالك كتلني
من كد ماصغير الراس من طاح
شدوا عالسهم مو فوك الارماح
دللول الولد يمه الولد راح
دللول الولد يم رمحه الولي
يوصلة من الكلب يابعد طولي
وليدي الجان نادر
والبسمار حافر
يمه زينب يمه زينب
"" "" "" "" ""
اصبري كل صبر المهم يمه الخدر
وحجابج يالعقيلة غاية وإثبات
بنات المرتضى ونساء الرافضه
قمم فوك الشرف وتصير رايات
واجب عالتوالي كون ابو تراب
احنه القدوة ليها وموش الاجناب
نوصيهن ييمه بلبس الاحجاب
اهم شغلة الحجاب وهذا الاثبات
ومثل زينب اريد الفاطميات
تربية منابر
والبسمار حافر
يمه زينب يمه زينب
"" "" "" "" "" "
القصر ذاك القصر رقية تنقهر
وعلى راس الابو تموت الصغيرة
تدفنوها بغرب اويلي شكد صعب
موش بكربله وبغير ديرة
مو وحدها راح تصير هيه
وراها شجم سنه والهاشمية
بشام الغربه دفنتجن سويه
موش بكربله مابين اخوتج
بين الغربه انتِ يصير موتج
وبدمع النواظر
والبسمار حافر
يمه زينب يمه زينب
''''''''''''''''
مرتضى فيصل الشمري**
@HxzEU1
**هـــنيال گلبه اليظل ويـــه روحه
اليعـــوفه حـــبيبه تغلبه جروحه
علي ابيته صـاير حـــزن ماكو منه
دمعته عله خده انذبح كل طموحه
علــي گلبه أنجوه ،،، بجرح ماله دوه
ترس عينه الضلام ،،، بقه ايدور ضوه
وشما گـام تلزمه الحسره … يافاطمه
يخلص عمره الدافن زهره … يافاطمه
بين ضلوعه اتعيش الكسره .. يافاطمه
،،،،،1،،،،،،
ما نام ليله الحزن غـــاطي ليله
الشلع باب خيبر ضلع اذه حيله
العمر راده يگضي بكثر مــا تألم
وداع الزجيه اعله حــــيدر ثگيله
انقفل باب الفرح ،،، عله ابو وجه السمح
يميل ابمشيته ،،، بكثر ضيم الجرح
خالي يحس من دونج داره … يافاطمه
خلافج المن يحجي اسراره … يافاطمه
موصى بقتلج يترك فقاره … يافاطمه
،،،،،،،،2،،،،،،،،،
الفكد شي يحبه صعب من يرجعه
وبعــد تاذي گلبه اذا مــــا يودعه
علي يعينه الله فگــــد ام ابـــوها
ومشت عنه غفله وكسرها يوجعه
شيْداوي يا وجع ،،، انهدم من الضلع
ضناه هم ما سلم ،،، يتچوله رجع
دافن روحه ورد متألم … يافاطمه
هم فراگج مامثله هم … يافاطمه
بسمارج ليهسه يصب دم … يافاطمه
،،،،،،3،،،،،،،،
يصبر عياله ويــــرد يبجـــي سكته
الجرح من يضمه شيضم البصفنته
ابتسامه ابــوجهه وعطـرها اليحبه
خلـّه بيته منهن الحنينه جــفتّه
الــــ يوزع امل ،،،، عليها شگد زعل
تيتم من مشت ،،،، بقه يتاني الاجل
كلشي ينساه الا مصابج … يافاطمه
ويصلي ويتفكد محرابج … يافاطمه
گلبه يشب چن شبت بابج .. يافاطمه
،،،،،،،4،،،،،،،
خادم القصيده
عزيز المياحي**
العاشگ ابد ما يكتمل كل يومه
لوما ينوح لفاطمه المعصومه
بليله يعلگهن شموعه
وتنزل اعله الخد دموعه
وبعينه صورة قم تضل مرسومه
محلاها / ذيچ المناره لفاطمه محلاها
يهواها / ياهو النضرها وما يضل يهواها
يم فاطمه المعصومه ياگلبي
روح وعلى الشباچ ذب حبي
عيني لحرمها بكل وكت تربي
$$$$$$$$$$$$$$$$
يا بخت اليقبل هذيچ اعتابچ
ويمرغل ابخده بحنين اترابچ
وياخذ اجروحه ويسافر
للحسين بيوم العاشر
ايضل يبچي وياچ لعضيم امصابچ
عالخيمه / عمرچ گضيتي بالبچي عالخيمه
بالهيمه / لعماتچ الراحن سبي بالهيمه
باللوعه يا مولاتي باللوعه
بچيني عالداسوهن اضلوعه
عالأخته ضلت لجله مفجوعه
$$$$$$$$$$$$$$$$$
يخت الرضا الليل التمر ساعاته
گلبي بذكر اسمچ يعيش اهاته
انتي عالم روحي كله
ولطريق اجروحي قبله
والگلب لديارچ تحن لچماته
المعصومه / جنة علي وكلها علي المعصومه
بهمومه / الما يگصد لصوبچ يضل بهمومه
يامستراح المؤمن ودينه
وياحسرته وگلبه ونضر عينه
وشما يتيه انتي التدلينه
$$$$$$$$$$$$$$$$
المخنوگ گلبه امن العمر واحواله
غيرچ يمولاتي منو اليبراله
انمدت ايدي وانه سائل
يا كريمه بكلشي قابل
تنطينه كلشي الي يجيچ اوشاله
ناديتچ / بصوت الضعيف المنكسر ناديتچ
اترجيتچ / بداعت محبتچ للرضا اترجيتچ
انتي اعلم بحالي قبل حالي
ويمچ بقن دعواتي وآمالي
لزيارتچ ضل منشغل بالي
$$$$$$$$$$$$$$$$
سجاد الدراجي
النبي كَفّ الرِدان الحچي كَفّاه
وعله حلگه اللي يكره علي كفّاه
وگف يوم الغدير وشال كفّاه
وراس براس طگ الناصبية#علي_صابر_السراي
علي أول مو أخير
علي بس انته أمير
علي ياعلي. علي ياعلي
___
إسمك ختم بكلوبنه
علي ياعلي
شيعه احنه وشوفنه
علي ياعلي
دم وتروي عروكنه
علي ياعلي
نبعث تحية بشوكنه
علي ياعلي
ملك وفراشه حصير
علي بس انته أمير
علي ياعلي علي ياعلي
___
نصبك رب الجلاله
علي ياعلي
والنبي انته وصاله
علي ياعلي
سلمك بيده الوكاله
علي ياعلي
بسمك يصيح حلاله
علي ياعلي
نفرح بيوم الغدير
علي بس انته أمير
علي ياعلي علي ياعلي
____
من المهد بيك عرفنه
علي ياعلي
زمزم بحبك شربنه
علي ياعلي
بالحشر انته فخرنه
علي ياعلي
اؤل وتالي ذخرنه
علي ياعلي
بالقيامة النه مجير
علي بس انته أمير
علي ياعلي علي ياعلي
__
غالي كلش غالي
علي ياعلي
بسمك صرخ دلالي
علي ياعلي
ماكو مثلك والي
علي ياعلي
تروح وترد ابالي
علي ياعلي
بلا علي كلنه نحير
علي بس انته أمير
علي ياعلي...... علي ياعلي
__
نعلك الليلة شمع
علي ياعلي
الشيعة فرحانه شلع
علي ياعلي
احلى چلمه تنسمع
علي ياعلي
جوى فيك ننجمع
علي ياعلي
من الفرح هذا نطير
علي بس انته أمير
علي ياعلي..... علي ياعلي
__
أحمد حامد الشمري
صار تنصيبك العيد العالمي
الما يحبــك ياعـلي مو آدمي
غَثـّت أشــباه الرجال
عطلة أولاد الحــلال
ــــــــــــــــــــــ
هواي عدنه أعياد بس هذا الوحيد
الله من سابع سمه معتبـره عيــد
هوه معنى العيد مو لـبس الجديد
كون تلبس لك جماعه إتحب يزيد
علي الأول حسب تقييم السـمه
وعيده الأول صار بأعلى القائمه
والنبي إبساعتها گال
عطلة أولاد الحـلال
ــــــــــــــــــــــ
حسب دستور السمه بأمر القدير
ربّك الخاطر علي إمعَطْل المسير
كلها تگعد تسمع الأمـر الخطـير
واضحه الفكره إفتِهَم حته البَعير
وافتهم بيعـة علـي حته الفَـرس
اتلاثه بس إهناك دَگ عدهم جَرَس
ما يريــد إلها ســؤال
عطلة أولاد الحــلال
ــــــــــــــــــــــ
صَعْدَت أقتـاب الإبــل ذاك الزمان
مــا يريـدلها نقاش .. و برلمان ..
علي إمصَوّت له النبي وصدّر بيان
ياهو زلمه ويرفض بـذاك المكان
كلها دَنْگت روسها وخضعت إله
هذا بارك له وهـذاك الـ قَبّله
لا شـكوك ولا جِـدال
عطلة أولاد الحــلال
ــــــــــــــــــــــ
هذا عيد الله الچبيـر الما يضيـع
لو تبايع .. لو ضميـرك بي تبيـع
چان يوم إثمنطعش منظَــر بديع
يصيح قنبر (هَنّي وإعبر عالسريع)
وچــان قنبر حيله ذاك الأولـي
عَشره عَشره أيعَبُّر إلبيعة علي
ودمعه مِنّ الفرحه سال
عطلة أولاد الحــلال
ــــــــــــــــــــــ
وحضرت إبمحفل علي كل الفئات
وبيــده جبرائيل حــط الفقرات
وچانت الآيــات كلــش واضحــات
عالولايـة نريــد يا ربي الثــبات
ربــي يرزقنــه الولاء الـ مَيْثَمِي
إي غديري آنه وحسيني وفاطمي
و ديني هذا الإحتفال
عطلة أولاد الحــلال
ــــــــــــــــــــــ
مهدي التقي
حيدر اول من تشوف گلوبنه
تلكه بس حيدر علي محبوبنه
لغيرة مايحلة وعلي مكتوبنه
فقط حيدر بس اله نحجيهه
اليله عيد لكل موالي بعيدة
من نزل من السمه تئييدة
من رفع جفة محمد بيدة.
فرحة املاك السمه بتنصيبه
المايوالي حيدر بتشريعة.
ويه شيطان الرجيم نذيعه
قل اعوذ المايحبك حيدر.
فقط حيدر بس اله نحجيهه
اليله فرح ولامثلهه افراحنه
من تنصب حيدر برواحنه.
لاسقيفة ولاحجي مالحنه.
يبقة بس حيدر امير الشيعة.
اسمه محفور وعلي بدلالنه
بغير حيدر مانعيش احلالنه
الهوة المابي ريحته شسوالنه
فقط حيدر بس اله نحجيهه
من رفع جفة محمد للسمه
اليله بوجوه السقيفه مؤلمه
بتسمت بذاكه ضحكهه فاطمه
حيدر من الله نزل تنصيبه.
حيدر اول من تشوف گلوبنه
تلكه بس حيدر علي محبوبنه
لغيرة مايحلة وعلي مكتوبنه
فقط حيدر بس اله نحجيهه
السلام عليك يابوصالح
،،،،،،،،،،،،،،،،،،،،،،،،
انه الضايع ابلياك وحدي وتيهت دربي
اتقربلك اشماريد يعرض بالوجه ذنبي
سميتك حبيب الروح وغيرك ساكن بگلبي
وسميتك نضر عيني وعيني مو الك تربي
اذنب ورجعلك تايب .. وعرف جرحك ماطايب
لمته اتخلص من ذنبي ألحد ماصيرن شايب
السلام عليك يابوصالح
،،،،،،،،،،،،،،،،،،،،،،،،،،،،،،،،،،
انه المانطرتك يوم وأنه الدور اذنوبه
يالوحدك تدور افياي للباگ الشمر ثوبه
ناكر ملحك واعرف ملحك بي الف حوبه
انه العاشگ الناسي باقي الوحده محبوبه
كل هاي وماناسيني .. وكل ماضيع ادليني
اسف ياشوف عيوني ياشمعه تضوي سنيني
السلام عليك يابوصالح
،،،،،،،،،،،،،،،،،،،،،،،،،،،،،،،،،،
يامهدي الوكت موزين وماتتأمن ايامه
شيرجعها مثل اول اذى تتكسر الجامه
شيفيد الندم للراح ساعه ويصدر اعدامه
هل تقبل عبد مذنب اجاك امدنگ الهامه
التمسك يامحبوبي .. تقبلني بهاي ذنوبي
بمحبتك مامتكشخ نغريت بشكلي وثوبي
السلام عليك يابوصالح
،،،،،،،،،،،،،،،،،،،،،،،،،،،،،،،،
حگك لو درت وجهك المثلي شيسوه وتحبه
الجابتني الك جلمت مهدينه اشكبر گلبه
صح اذنوبي ماتنعد وعنهن ينعفي صعبه
بس انته العرف مولاي وسنين العمر غربه
غيرك ماواحد عندي .. داخل عندك يالمهدي
ما اتذكر يالغالي يوم مخليني الوحدي
السلام عليك يابوصالح
،،،،،،،،،،،،،،،،،،،،،،،،،،،،،،،،
ماشارگتك اجروحك ماحس بيها لجماتك
ادري التحترگ بالطف كلهن ذني خيماتك
ادري الصعدن الهزله وطلهن هنه عماتك
ماشايف فرح مولاي ابعمر الغَيبه شوغاتك
بالغربه وگلبك يلهب .. وي گلب الطلعت ينحب
شتتحمل تسمع شامت يخيام الذبحو ينهب
السلام عليك يابوصالح
العبد ابوفايز الرافضي
....
الفاتحه على روح والدي
شبه ما بين ناريـــن...البقيع وطف الحسين
رسول الله يوصي بطيبة الجار
...................................................
شبه بين أرض البقيع ومذبــح الطف
بكل شبر يا ناس ألي مدفون مصحف
ألدمعة ما تشفي غليلي ولا هي تنشف
حيرة من أجبـــــــل عليهم وين أوكف
كلهم ريحة حسين...وأمي وكرة العين
الحسن عودي ومضيفه بلابا زوار
....................................................
رحت أمشي الكربله ودم دمعي هامل
زحمة من عباس أمشي بـــــلايا كافل
من على التلة أصيحن يا بــــو فاضل
خويه من الشام أجيت وطولـــي مايل
عباس أمشي وياي...لخونه حسين تجاي
نروح أرض البقيع الليه محتار
..............................................
من وصلنه أرض البقيع وشفنه الكبور
لا مناير لا صحن لا وادم أتــزور
واحد الواحد كعدنه شمعة وأبخــور
والدمع بعيوني يرسم عشرة عاشور
يا ناس ألتفت وين...عرش الله وقرآئين
مهجورة وعليها كل ألانضار
...................................................
أربعة أكبور ألأحبه وعندي أربع
أخوه من أم البنين وبيهم ألمع
أتذبحوا من كبل لا للشام أطلع
وأربعة ماتوا بجي من بيه تسمع
لو سم لو ذبح جان...زينب آنه عنوان
حزنهم جان للطف ليل وانهار
.....................................................
يم كبر أمي كعدنه كعدة أحباب
شفت كسر الضلع بعده الهسه ما طاب
بهيده جن أسمع ييمه حـركة الباب
أهون أمن أكبور ولدي الصارت أتراب
ضلوا بس نياشين...حتى وهمه ميتين
وحشة أكبورهم والشاهد أحجار
................................................
خادم خدمة الحسين
الشاعر
محمد الموالي
اكبر فرحة عندي بميلادك يمهدي
ابعث تهاني واحله الاماني
للهادي هاليوم كلبي خذاني
وإلنقطة الباء وسبع المثاني
ومهدي يمهدي يلهج لساني
يادمعاتي ردي بميلادك يمهدي
لباب الكرم جيت بهالفرحه هنيت
ومولاي الحسين جم فرحه وديت
نوب لعلي خذيت وجم وردة طشيت
وللباقر الصوت بهالفرحه ناديت
جددته عهدي بميلادك يمهدي
ولصادق الآل افراحي مرسال
وبين الجوادين جفي ورد شال
مابين الآمال ووعده الذي طال
أتأمل يعود ويتحسن الحال
صوت الفرحه يحدي بميلادك يمهدي
دلالي بافراح صوب الرضا راح
وللعسكريين صوت الفرح صاح
باقات الورود لو عدهن جناح
بسامرا هاليوم تنزل بالافراح
منها البشرى تبدي بميلادك يمهدي
بصوت السعادة دلالي ناده
ياشيعه مبروك بهاي الولاده
بارينه راده منقذ عباده
هم يرجع بيوم يحقق مراده
وانه هذا وعدي بميلادك يمهدي
حسن بشير السوداني
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her