🔲 Düşüncədə təqvalı olmaq, zehnin hər yerə sərbəst dolaşmamasına diqqət etmək deməkdir.
🔲 Zehninizə bir günah və ya mənfi fikir gəldikdə Allahdan bağışlanma diləyin.

👉🏼 Zehnimi İdarə Edirəm (10)

➖Bəzi insanlar "zehini idarə etmək" haqqında danışmaq əvəzinə "meditasiya" və ya "diqqət gücü" terminlərindən istifadə edirlər. Biz isə bunu "müraqibə gücü" və ya "daxili təqva" adlandırırıq. Bu, zehnin hər yerə sərbəst dolaşmasına diqqət etmək deməkdir.

➖Ayətullah Haqşənas (r) deyirdi: "Özümüzə diqqətli olmaq, düşüncələrimizi və xəyalımızı bilən bir Zatın hüzurunda olduğumuzun fərqində olmaq deməkdir. Günah haqqında düşündüyümüzdə Allahın hüzurundayıq. Əgər zehnimizə bir günah və ya mənfi fikir gəlsə Allahdan bağışlanma diləməliyik".

➖Bir nəfər soruşdu: “Ey Peyğəmbər oğlu, "Allah hər kəsin ürəyində olanları bilir", ayəsinin mənası nədir?” [3:119] İmam (ə) cavab verdi: “Bu, Allahın zehninizdə dolaşan düşüncələr və xəyallardan xəbərdar olması deməkdir”.

➖İmam Sadiq (ə) buyurdu: “Əgər bir mömin günahı düşünərsə, ruzisi azalacaq”. ["Məhasin", c.1, səh.116]. Siz soruşa bilərsiniz, “Niyə? O hələ heç bir şey etməyib!” Mental fəaliyyət əslində bir növ hərəkətdir. Əlbəttə, bu daxili bir hərəkətdir.

➖İnsanın zehninin Allah üçün çox dəyəri var. Əgər zehninizə bir günah və ya mənfi fikir gəlsə, dərhal onu dayandırın və zehninizə deyin: "Hara gedirsən?!" Sonra isə bağışlanma diləyin.

➖Ayətullah Haqşənas (r) deyirdi: "Zehin və qəlbin bu təsəvvürləri Allahı düşünməklə qəlbdən çıxarılmalıdır. Qəlbinizin nurlu və Allahın yeri olması üçün özünüzə o qədər nəzarət etməlisiniz ki, bu təsəvvürlər tamamilə aradan qalxsın".

➖Aləmlərin Rəbbi buyurur: “Əgər ibadət etdiyin zaman özünü Mənə həsr etməsən, zehnini və qəlbini başqa şeylərlə məşğul edərəm”. ["Kafi", c.2, səh.83] Qəlbi və zehni çox məşğul olan kəs Allahdan çoxlu bağışlanma diləməlidir.

#ƏliRzaPənahian
#Zehninİdarəsi
✅ @PanahianAZ

🔲 İdarə olunmayan zehin, xəstə olacaq bir zehindir. 
🔲 Niyə özümüzü buraxanda pozuluruq? Məgər ilahi, fitri təbiətimiz yoxdur?

👉🏼 Zehnimi İdarə Edirəm (9)

➖Möminlərin əmiri, İmam Əli (ə) buyurur: "Özünü yaxşı əməllərə və fəzilətlərə məcbur et, yoxsa əks halda, pisliklər təbii olaraq sənin içində mövcuddur (və sən təbii olaraq onlara doğru gedəcəksən)". [“Ğurar əl-Hikəm”, hədis 2477] Deməli, əgər sən yaxşı əməllərə və hisslərə doğru getməsən, həm özünü pis hiss edəcəksən, həm də pis işlər görəcəksən.

➖Niyə özümüzü buraxanda pozuluruq? Məgər biz ilahi fitrətlə yaradılmamışıq? Biz təbii olaraq pisik? Xeyr, Quran buyurur: “Allahın insanları yaratdığı doğru fitrət üzərində ol”. [Quran, 30:30]

➖Bir tərəfdən biz əvvəlcədən yaxşı yaradılmışıq, amma əgər özümüzü buraxsaq, pozularıq. Niyə? Bu, qidaya bənzəyir. Qida nə qədər yaxşı və faydalı olsa da, əgər soyuducuya qoyulmasa, mikroblar səbəbilə xarab olacaq. Bu təhlükə insanlar üçün də mövcuddur. İnsanlardan əvvəl yaradılan və onların düşməni olan mikrob “Şeytan”dır.

➖Şeytandan (xarici düşməndən) başqa, insanların daxili mexanizmi elədir ki, əgər tərbiyə olunmasa, məhv olacaq. İnsanlar böyüməyi sevirlər. Bu marağa görə, böyüməyə tələsirlər və əgər onlara səbir öyrədilməsə, hər şeyi məhv edə bilərlər. Bu, nüvə enerjisinə bənzəyir. Əgər idarə olunmasa, hər şeyi məhv edə bilər.

➖Əgər bir insan "zehini idarə etməyi" tətbiq etmirsə, onun zehini avtomatik olaraq xəstələnəcək. Zehnimizin bəzi xüsusiyyətləri var ki, onları idarə edib düzgün istifadə etməliyik. Bu xüsusiyyətlərdən biri “narahatlıq və qorxu”dur. Bir təhlükədən qorxmaq pis deyil, amma əgər bu qorxu sərbəst buraxılsa, tədricən insanı qorxaq və zəif edəcək.

➖Başqa bir xüsusiyyət isə "peşmanlıq"dır. Əgər insan özünü məzəmmət etməsə, heç vaxt tövbə etməyəcək. Amma bu xüsusiyyəti də məhdudlaşdırmazsa, (idarəsiz nüvə enerjisi kimi) bu, onun zəkasını və ruhunu məhv edəcək. İnsan günahlarına görə özünü necə gəldi qınamamalıdır! Bəzi insanlar öz günahlarına görə özlərini o qədər şiddətlə qınayırlar ki, bütün ümidlərini itirirlər. Bu da səhvdir!

#ƏliRzaPənahian
#Zehninİdarəsi
✅ @PanahianAZ

? Allah niyə bizi sınayır?
? İnsanların iki növ marağı var: yaxşı olmaq və pis olmaq marağı.

?? Qədər (11)

? Uca Allah niyə bizi sınayır? Çünki biz insan olaraq yaradılmışıq, yəni əlavə dəyər yarada bilən məxluqlarıq. Bəziləri düşünür ki, Allah sadəcə yaxşı və itaətkar məxluqlar yaratmaq istəyirdi! Mələklər də belə düşünürdülər. Allah insanları yaratmaq istəyəndə onlar dedilər: “Sən orada fitnə-fəsad törədəcək və qan tökəcək birisini yaradacaqsan, biz isə həmd etməklə Səni ucaldırıq və müqəddəsliyini tərənnüm edirik”. [Quran 2:30] Amma Allah əlavə dəyər yaradan və yaxşılaşan bir varlıq yaratmaq istəyirdi.

? Bir nəfər İmamSadiqdən (ə) soruşdu: “Niyə Allah qullarını elə yaratmadı ki, onlar hamısı itaətkar və təkallahlı olsunlar?” O cavab verdi: “Əgər Allah insanları itaətkar yaratmış olsaydı, mükafat və cəza mənasız olardı. Allah qullarını elə yaradıb ki, onlar öz əməlləri ilə mükafata və ya cəzaya layiq olsunlar.” ["əl-İhticac", Təbərsi, c.2, səh.340]

? Əlavə dəyər yaratmaq üçün insanların iki növ marağı olmalıdır: yaxşı olmaq marağı və pis olmaq marağı. Əgər sizin yalnız bir növ marağınız olsaydı, sınaq və azad iradə mənasız olardı. Siz mütləq o marağı seçərdiniz. Əgər iki marağınız olsaydı, biri güclü, biri zəif, həmişə güclü marağı seçərdiniz. Əgər iki bərabər marağınız olsaydı, seçim edə bilməzdiniz və qərarsız qalardınız.

? Allah maraqlarımızı çox gözəl və hikmətlə dizayn edib. O, bir marağı daha güclü və dəyərli edib, amma gizli saxlayıb. Digər zəif, az dəyərli maraq isə açıq-aydın göstərilib. Allah bu maraqları seçmək üçün insanlara seçim etmək imkanı verib.

? İlahi güclü və daha dəyərli maraqlarınızı təmin etdikdə, əslində daha çox zövq alırsınız. Amma bu maraqlar daha çox gizlidir. Onların əsl dəyəri asanlıqla görünsəydi, siz də mələklər kimi dərhal onlara yönələrdiniz. Digər tərəfdən, zəif, az dəyərli dünyəvi maraqlar daha asan görünür, təcrübə olunur və daha güclü görünür.

? Bu dizaynla Allah insanlara dəyərli bir seçim etmək imkanı verib.

#ƏliRzaPənahian
#Ən_Mühüm_Amil
✅@PanahianAz