يوم كلّن فزع له خاله وعمّه
‏يكفي إنّي وردت العد بذراعي

‏أرفع الراس بين الروس ما همّه
‏وأتباهى و أنا الغرقان بأوجاعي

‏يمّه .. الحر طبعه يعشق القمّة
‏وأنتي إللي فطمتيني على أطباعي

‏الهواء دام راسي حيّ و يشمّه
‏والله إنّي لأسوق هناك ذعذاعي

‏غربةٍ تلوي ذراع أشجع الخمّة
‏لا تخافينها لو تقلّب أوضاعي

ولأن الجرح له قيمة تعادل قيمة الجارح
‏قدرت أسامح عداي وعجزت أسامح أحبابي

@ill5illi_bot أنتَ ألقيتَ السلامَ مُبادِرًا وثَبَ الفؤادُ مِن الضلوعِ مُرحبًا

يموت الليل في وجه الصباح ويضحك الذبّاح
‏وأنا في صبح وجهك تضحك عيوني وتحيّا به

‏انطفى نور الأمان و ما غدى للصبح طاري
‏و ابتدأ ليل الشعر يرسل مع العتمه نذيره

‏مرّ في بالي شريطٍ فيه من عمري مواري
‏يشبه أحلام السنين وعثرة اليأس الأخيره

‏مو غريب إن السكون يجول في سكّة نهاري
‏الغريب إن الصخب في ليلي أحداثه كثيره

‏بين صدفه جابها العمر و وداعٍ بإختياري
‏ما عرف قلبي يطيع الواقع أو يرضي ضميره

‏كنت اظن إن مرّت الأيام بـ يجف أنتظاري
‏ما هقيت إن الأمل يستمطر إليا جفّ بيره

‏كيف صارت وحشة الغربه تغنّي في دياري
‏ذبلت أنوار الشوارع وانطفت شبه الجزيره

‏ودي اقسى ودي انسى ودي ارسى في مساري
‏و أمسك يدين اليقين اللي تخافه كل حيره

‏وش على يمني يمناي تتحمل شقا خطوة يساري
‏وش على القلب يتحمل صدمة الوهم الكبيره

‏لليال الذكريات و للصباحات الطواري
‏وللعبور التضحيات و لـ السنين البعد خيره

‏العمر ما هو مشاورني و لا رهن لـ قراري
‏العمر يمضي و سيف الوقت ما يحضن جفيره

‏ذي نجوم التايهين اللي تجلّت في مداري
‏و ذا خفوقي مؤمن إن التيه منفاه و مصيره

‏لا تداوين الجروح و لا تمرين أنكساري
‏وجهك أنتِ له ملامح تبري الجرح و تثيره

‏يا عظيمه ما معي غير الموادع و أعتذاري
‏ما بقى في مرجع الإحساس درع و لا ذخيره

‏كنت داري بالرحيل المرّ والله كنت داري
‏وكنت داري إن الوادع اقسى من الدرب وهجيره

‏إذكريني لا بكت نجد و تخطتها الصحاري
‏و أكتبيني للرسايل كل ما انقصَت ظفيره

‏إنتهى عذر اللقاء من يوم ما مات أنبهاري
‏يوم جيتيني و رحت و لا طرى للشوق سيره

صباح الخير ،
‏كل نفسٍ مع هواها مسفهلّة
‏لو عليها فالحياة . . اللي عليها

https://t.me/Sll9q

ياصاحبي واللي خلق نعمة السمع
أنك هنا بين المعاليق .. ثابت

ماجيت لي صدفة ولا جيت لك رمع
وأن غبت عني فرحتي معك غابت

غيري عبث فالحب بسياسة القمع
لكن لا ودت ولا يوم .. جابت

ألا محبك من عشق يحسن الجمع
ماشاب حبه لو قوافيه .. شابت

والدمع هذا اللي تشوفه ماهو دمع
أشعلت عيني لأجل اشوفك وذابت

واللي نزل منها على خدي الشمع
أرقد مادام الشوق فالقلب نابت

ولا خذيت السوالف لبّ ومقارح
‏أصغي مع السالفه من حب راعيها

أشوفك سحاباً في مجيه حيا وأمطار
‏وأشوفك مجي القوم والحرب والسلة

‏وأعرفك نهاراً ما توارى عن الانظار
‏يا عنك إني أفضل شموسه على ظِله

‏تعال إن بدأ لك في دروبي ضحى وديار
‏هذا الصدر مرتع وأنت خابره وتدله

‏وخذ أول شبابي عمر لا شحَّت الأعمار
‏وإذا كان ما يكفي فداك العمر كلّه