@ZAYNURAXASANOVA

#sheriyat

Uzoq bir nuqtaga termulgancha jim,
Mo'ysafid nogahon ko'zlarin yoshlar.
Zamon o'zgardimi odamlar balkim,
Ne uchun beboshroq hozirgi yoshlar.

Bilmaydi oddiy bir salom so'zini,
Qo'llari ko'ksining visoliga zor.
Uyalish tark etgan chaqnoq ko'zini,
Ma'nisiz seriallar aylayapti xor.

Kitob dunyosidan yiroqdir ular,
Navoiydan hatto satr bilmaydi.

@ZAYNURAXASANOVA

**Yo bizni kuchli tarbiyalashdimi yoki hayot kuchli bölishga majbur qildimi? Anglolmay qoldim. Lekin ancha muncha narsaga böyin egadigan emasman. Yöqotgan narsalarim uchun achinadigan yoki yöqotmaslik uchun yalinadiganlardan bölmadim. Balki og'ir damlarimda faqat Allohga suyanganim va faqat Uning adolatiga ishonganim uchun shundaydir. Balki "Özingdan Özgaga muhtoj qilma, Allohim" deya qayta-qayta qilingan duolarimiz ijobatidir bu. Lekin nima bölsa ham kuchli bölib ulg'aydik Allohga behisob hamd va shukrlar bölsin!

Xayrli tun yaxshilar 😊**@ZAYNURAXASANOVA

ОНАНГ БЎЛАРКАН...

Толеъ кулаверса ишинг юришиб,
Атрофингга дўст-у ошно тўларкан.
Дард чексанг юраги зир-зир увишиб,
Дармон излагувчи онанг бўларкан.

Адашиб қилсанг бир хато ё гуноҳ,
Омад ҳам олисга кетаркан ногоҳ.
Боламни Ўзинг авф этгин Ё Аллоҳ,
Дея бўзлагувчи онанг бўларкан.

Вақт вафо қилмайди, омонат кунлар,
Ҳасратлар этганда бағрингни хунлар.
Жойнамоз устида чўк тушиб тунлар,
Сен деб тизлагувчи онанг бўларкан.

Кафтимда ўстирган гул-у, лолам деб,
Кўзимда қалқиган қувонч жолам деб.
"Ўзим ўргилайин сиздан болам" деб,
Суйиб сизлагувчи онанг бўларкан.

Ғурурдан гоҳ бошинг осмонга тегиб,
Юрсанг қайтарар жим кибрингни эгиб.
Қалбингга иймоннинг уруғин экиб,
Ҳаққа юзлагувчи онанг бўларкан.

Сўзлар:- болам дунё тургунча турсин,
Жами яхшилиг-у хайрни кўрсин.
Ҳасратин менга бер, қувониб юрсин,
Дея сўзлагувчи онанг бўларкан.

Кулсанг қувонади, йиқилсанг суяр,
Кўнглингни сендан-да яхшироқ туяр.
Зарра ғам чексанг минг баробар куяр,
Бахтинг кўзлагувчи онанг бўларкан.

Дилобар Ўролова

konspektor

@ZAYNURAXASANOVA

#kechinma

Ranjidim - Biroz ishqdan, biroz sevgidan…

Kuldim - Biroz sofligimga, biroz soddaligimga…

Sukut saqladim - Biroz qismatimga, biroz dunyoning ishlariga…

Koʻz yosh toʻkdim - Biroz oʻtib ketgan umrimga, biroz yashamagan umrimga…

Oyoqqa turdim - Biroz toliqqandim, yanada koʻproq toliqmoq uchun…

Ishonishni istadim - Biroz insonlarga, biroz oʻzimga, Bir paytlar “Doim yoningdaman” degan soʻzlarga…

Koyidim oʻzimni - Tushunarsiz harakterimga…

Achindim - Hozir na sevgiga, na pokiza hislarga havasim yoʻqolganiga…

@ZAYNURAXASANOVA

Бахт қаерда, манзили қаер,
Бахт яқинми,
Ва, ёки йироқ.
Бахт бу ҳаёт,
Бахт тақдиримиз,
Бахт ёзуғлик толейимизга...
Бахт бу яшаш,
Бахт юракларда,
Олган ҳатто, нафасларимиз.
Яшаяпсан, яшаяпмиз-ку,
Юрак, аҳир уриб турибди.
Шукур қилгин,
Яшамоқлик бахт...***

@ZAYNURAXASANOVA

Уйланиш ташвишида юрган 25 яшар йигит, тинмай йиғлаётган 4 яшар болага деди: "Бунча йиғлайсан, маза қилиб овқатланиб, мультфильм кўриб ётмайсанми? Бирор ўйловинг бўлмаса. Сенга ҳавасим келяпти...".

Маошини у ойдан бу ойга етказаётган 35 яшар эркак, уйланиш ташвишида юрган 25 яшар бўйдоққа деди: "Бунча сиқиласан? Уйланарсанам, жонинга ҳам тегар. Мана, қарагин, аҳволимни. Сенга жуда ҳавасим келяпти...".

Бизнеси ўхшамаган ва банкрот бўлиб боши ташвишдан чиқмаётган 55 яшар киши, 35 яшарга деди: "Борига шукур қилинг. Кам маош олсангизам, қулоғиз тинч. Мана, умрим бўйи боримни берган бизнесим касодга учраб, қулоғимгача қарзга ботиб кетдим. Сизга қанчалик ҳавас қилаётганимни тасаввур ҳам қилолмайсиз..".

Унинг гапини эшитиб турган 70 яшар чол деди: "Бунча сиқиласан? Менга ўхшаб, белинг қақшаб, оёғинг қалтирамаяпти-ку, ўрнингда бўлганимда тоғни уриб, талқон қилардим. Ҳавасимни келтирма...".

Қабрда ётган марҳум уларга қараб нидо қилди: "Барчангизга ҳавасим келяпти, чунки сизда тавба қилиш имконияти бор. Қани эди менда шундай имконият бўлганида эди, бутун ҳаётимни унга фидо қилардим...".

@ZAYNURAXASANOVA

Aso kabi gʻamga suyandim
Boʻldi endi tashlamoqchiman
Xech narsani oʻylamay,netmay,
Men shunchaki yashamoqchiman!

@ZAYNURAXASANOVA

Har safar tursam gar, atrof begona,
Holim sorguvchi yoq, konglim gamxona.
Xayolan sozlashib tort devor xona,
Men sizni soginib yigladim, ona.

Yuribman orzuim barorin tilab,
Omadim ber, deya Xudodan so`rab.
Uyga qaytayotganlarning ortidan qarab,
Yur ketdik, desalar ham ketmadim, ona.

Uyga qaytayotganlarning ortidan qarab,
Yur ketdik, desalar ham ketmadim, ona.

Ne qilay, majburman, ishlashim kerak,
Musofirlik nonin tishlashim kerak.
Bahorga yetmoq uchun qishlashim kerak,
Noshukurning so`zin aytmadim, ona.

Sizga aytsam, bunda hayot bizdekmas,
Ovqatlari turfa, oshi tuzdekmas,
Qahratoni daxshat, qishi bizdekmas,
Bunday qishni aslo ko`rmadim, ona. {x2}

Bunda kopdir bolam\-chaqam deganlar, Vodiy, Voha tomonlardan kelganlar. Bir mayizni qirqqa bolib yeganlar,
Shunday insonlar bilan ishladim, ona.

...

*©️ Murod Manzur - Musofir yurtlarda yig’ladim ona (Musofir 2)*

@ZAYNURAXASANOVA

@ZAYNURAXASANOVA