عظم الله لنا ولكم الأجر والثواب إن شاء الله تعالى بمصابنا بسيدنا ومولانا أبي عبد الله الحسين عليه السلام

للعاشر

اصيح بصوت واركض وين ما ادري
حيهــم يــا ال هــاشم فرهدو خــدري
ــــــــــــــــــــــــــــــــــــــ
اصيح بلافكر مدري اتجه ياصوب
ونيران الخيم لاحت اذيال الثــوب
حيهم ياعلي يل بالشدد منــدوب
لحك طفي نــار البلخيم تســري
ــــــــــــــــــــــــــــــــــــــ
تعال منالنجف يــاحيدر بهمه
ولحك ع البكه منعيال ابو اليمه
نسوان انولت وبعازة الزلمه
مــاتندل دربهــا ولايذه بكتــــري
ــــــــــــــــــــــــــــــــــــــ
يـــاطلابـــة المــــايوس مطلبهــا
ويـــاركــابت المـــازلمه يركبهــا
يهل الصافيه الماخبط مشربهـــا
شوفو خلافكم بيه شعمل دهري
ــــــــــــــــــــــــــــــــــــــ
يــاخيــالة المـاتـذعن لخيــــال
طفلكم بلوغه ينعد بلف رجـــال
احشمكم صدك موجلمة التنكــال
تــاه منالخطر يهل الشيــم فكــري
ــــــــــــــــــــــــــــــــــــــ
واحدكم جمر تتجادح عيونه
ومن حلك السبع حكم تطلعونه
عادتكم الطارش ماتــانــونه
اسرجو خيولكم يعصابتي وذخري
ــــــــــــــــــــــــــــــــــــــ
حيهم يال هاشم كـون مــا تدرون
عدكــم شيخ بهدومه العده يسلبــون
بكل حافر ضلع محتاره المه شلون
سابح بالدمه ومن كل كتر يجري
ــــــــــــــــــــــــــــــــــــــ
فكدت الراي واركض ع الجمر حافي
الـوج وصوطهم يلتف علـى جتــافــي
الوديته اعلــى مــاي عللنهر غــافــي
ــــــــــــــــــــــــــــــــــــــ
طفت عينه بسهم وانه نهدم ستري
شلون بلاخدر وتشوفنـــي العــدوان
وانه زينب وابوي الموش ياهو الجان
بت خدور وامــي تشرف النســــوان
شلـــون سيـــاطهم تدنــه يــم ظهــري
ــــــــــــــــــــــــــــــــــــــ
اركض ونهطر وانهض واطيح اردود
والعــدوان صاحــو بالخيـــم فرهــــود
حامـــي ضعــونه براك النهـــر ممدود
يريت الموت كبله كون اخذ عمري
ــــــــــــــــــــــــــــــــــــــ
اريد اوصل لخوتي والشمر ردني
طكني بحيله كله وطحت من طكني
شما هم ارد اكوم الصوط يجعدني
يدري بهاي يو عباس مايدري
ــــــــــــــــــــــــــــــــــــــ
ريت يشوف حالي الجابني بيمنــا
حتــى الســوط يثغب من اصيح احا
عليه امسى المسه وعباس موش هنا
وبــاجر بالضعن وي الفجــر نسـري

اضل جندوب اهز مهدك
نمت يوليدي لو بعدك
اهزن فارغ الكاروك
بحوافر خيلهم سحكوك
ــــــــــــــــــــــــــــــــــــ
صار الما خطر عالبال وصار الما تمنيته
غفلة اشلون مني اتروح لسهمك نحرك اطيته
افرفح وامشي للكاروك مهدك رحت هزيته
رحت لكماطك المحروك البي عطرك وشميته

يالما لحكت تمشي
افراكك بين برمشي
آنه امك يعبد الله آنه امك يعبد الله
ــــــــــــــــــــــــــــــــــــ
جنت ما ترضة يمه اتنام اذا مو بيدي الوليلك
من يجبل عليك حسين يشم بيك ويناغيلك
متشيمة انه يمه اهواي اكباله من يجي ايشيلك
ترف نسمة هوة اتجرحك مو كد المهر حيلك

حسين الصدرك ايشبكة
شلون الحافر ايسحكة
آنه امك يعبد الله آنه امك يعبد الله
ــــــــــــــــــــــــــــــــــــ
ما صدكت يبني تموت موتك صعبة اصدكنه
اجاني منين سهم البين هو انه اشفت منه
ما لحك ال(يمه) يكول و ما لحكت افطمنه
حكي ارباي عبد الله وسهر ليلي انه اريدنه

لتالي الشيب ذاخرتك
تالي بسهم ضيعتك
آنه امك يعبد الله آنه امك يعبد الله
ــــــــــــــــــــــــــــــــــــ
يبني من الظلام اتخاف اشلون اتعاشر الهيمه
اكماطك من لهيب النار احترك وي حركة الخيمة
يمه بيا ذنب ذبحوك بيهم ما تصح شيمة
اشلون ايسولف المتعوب لياهو يسولف بضيمة

جندوب امك اتكابر
عليك ايهوس الحافر
آنه امك يعبد الله آنه امك يعبد الله
ــــــــــــــــــــــــــــــــــــ
حضني ليش يا يمه بحضن السهم بدلته
شفت حسين من رداك كض بجفة خاصرته
اركضتله وطحت بذيالي عنك لمن ناشدته
سكت ما رد عليه اجواب يمة اتعذب السكتة

السهم من صوب اوليدي
بجة وكضاني من ايدي
آنه امك يعبد الله آنه امك يعبد الله

الخادم احمد داود

فاطمة يا فاطمة
.........................
انه بن نعم الولي ... لا فتى إلا علي
والوصي وصه إلي ... نادي يوم الملحمه
فاطمة يا فاطمة
..........................
انه قران الوفه ... أخدم آل المصطفه
حسين كربه أكشفه ... بحرز حماي الحمه
فاطمة يا فاطمة
..........................
عيال عبد المطلب ... حين غيرتهم تشب
منهو يمهم يقترب ... لوحجوا بالموزمه
فاطمة يا فاطمة
..........................

حسين آني عسكره .... دوم أبگه مناصره
انه سبع الكنطره ... صوتي يدوي للسمه
فاطمة يا فاطمة
........................
أكشف آنه المشرعة ... والإلوف الأربعة
لجلي تبكه خاضعه ... وبشعاري عالمه
فاطمة يا فاطمة
.........................
شوفوا جيت بغيرتي ... بيدي شايل رايتي
وترستها جربتي ... بأسم راعي الضمه
فاطمة يا فاطمة
...................
بفاطمة يجيني المدد ... وين عسكرهم شرد
لا أبو ظل ولا ولد ... من صحت كلشي رتمه
فاطمة يا فاطمة
.....................
انه فارس زينبي ... راح كرعين النبي
ما اخلي ناصبي ... وانه كاتب بالدمه
فاطمة يا فاطمة
........................
وانه نصري مسجله ... اليوم بسم العايله
وملكتها كربله ... بجلمه بيها الغانمه
فاطمة يا فاطمة
........................
ألنه صارت نينوى ... يرتفع بيها اللوه
تصير للشيعة ضوه ... بالزجيه سالمه
فاطمة يا فاطمة
.......................
وابن اخويه بغيبته ... انتظرها رايته
يمي يرفع صرخته ... بيدي سيفي لازمه
فاطمة يا فاطمة
......................
شيعته تدعي برجه ... عجل الله فرجه
سهل الله مخرجه ... بالزجيه تحشمه
فاطمة يا فاطمة
...................

الشاعر عبد الله بوحمد

هليله زينب يم أبو اليمه
زينب تودع حسين ... وحسين يوصيها
.........................
باجر يزينب مصرع ارجالي
وانه نذبح وتوسد ارمالي
يختي يزينب احفظي عيالي
باريها من الخيل من تهجم عليها
......................
باجر اطب من عل مهر يوكع
وبكه الوج بساحة المصرع
شمر عله صدري يختي يتربع
وبجفه سيف البين أوداجي يفريها
...................

اوصيج يا بنت النبي صبري
لو شفتي شمر يكطع بنحري
ولو شفتي خيل تهشم بصدري
صبري على اليصير وعيالي باريها
.....................
يتناثر بكل الترب جسمي
ظامي ويروي كربله دمي
خلي الطفل يا بت علي يمي
لو فرت الأيتام بالبر تدوريها
....................
جم نايبه من بعدي انكاسي
تاليها لمن تخمد انفاسي
بعينج تشوفين الرمح راسي
عل سمهريه ينوح من حالته البيها
..................

باجر يزينب انذبح ظامي
وبكه على حر الثرى دامي
يختي وتشب العسكر خيامي
تتفازع الأيتام يا زينب حميها
................
الشاعر أبو كرار الاحسائي

فزاعية ليلة الأكبر

الاكبر علي مطروح كوموا نشيعه
...........
كلب السبط مجروح يجري مدمعه
الأكبر علي مطروح كوموا نشيعه
في وصطت الميدان جثته مكطعه
الأكبر علي مطروح كوموا نشيعه
ليلى عليه تنوح تبجي ملوعه
الأكبر علي مطروح كوموا نشيعه
كلبي نفطر يا ناس من هل فاجعة
الاكبر علي مطروح كوموا نشيعه
يا وسفه منه عظاه كلها موزعه
الأكبر علي مطروح كوموا نشيعه
الأكبر علي مصيوب كوموا نودعه
الأكبر علي مطروح كوموا نشيعه
يا حسره من السيف جثته مبضعه
الأكبر علي مطروح كوموا نشيعه
صاح بضعيف الصوت منهو اليسمعه
الأكبر علي مطروح كوموا نشيعه
للمعركة الحسين بحزانه سعه
الأكبر علي مطروح كوموا نشيعه

الشاعر علي كويل التاروتي

ليلة الأكبر نزلة

علي راح وجنازته شيعوها
....................
حسين يصرخ بلألم ... كوموا يا أهل الشيم
الأكبر نجيبه الخيم ... المصرعة عزمي نهدم
بالتراب ريحانتي تشوفوها
.....................
جثته متگطعه ... خل نروح المصرعه
وبعباتي نجمعه ... للخيام نشيعه
بالسيوف جثته العده گطعوها
...................
اني ما عندي جلد ... راح من أيدي الولد
مثله ما يوجد أحد... بفرگته كلبي نمرد
بلمصاب روحي العده صابوها
...................

هذا شبه المصطفى ... مصرعه ما اوصفه
غاب نوره ونطفه ... دمعي لجله اذرفه
على الشاب دمعة حزن علكوها
...........
هلي يشبه فاطمة ... والوصي حامي الحمة
مخضب بفيض الدمه ... كلبه ذاب من الضمه
بالرماح ذي جثته وذروها
.................
خوفي لمن نحمله ... أمه ليلى تصد له
جثته بس مفصله ... وبني محد غسله
بلدموع وسط العده غسلوها
..............
لا تشوفه عمته ... خوفي تنظر حالته
مگطعيها جثته ... وسيف صوب هامته
يالكرام لا عمته تفجعوها
..............

شاعرها علي كويل التاروتي

نزلة ليلة الأكبر

هدت اعله امك زلمهه ونارهه
والمخيم دوت كل اكتارهه
ــــــــــــــــــــــــــــــــــــــــــــــ
دوت واركض حايره وين التفت
بلكي يكعدلي علي ويمك رحت
حين طكاني الشمر فوكك طحت
وآل امية تريد تاخذ ثارهه
ــــــــــــــــــــــــــــــــــــــــــــــ
اكعد اتلكاني ما ضل بيه روح
عذباني افراكك وكثر الجروح
اخلاف عينك يبني جا وين انه اروح
فرت السبحة العساكر فارهه
ــــــــــــــــــــــــــــــــــــــــــــــ
اشلون صدرك صار عسكر للمهر
اشلون كدرولك علي ما تنكدر
انت يالخليت فوكاهه حدر
وغصت التربان من طشارهه
ــــــــــــــــــــــــــــــــــــــــــــــ
نمت وارتاحيت وانه ابقبة بعذاب
اشكبر فكدي بغيبتك واصعب مصاب
موش مال اتراب غطاك التراب
كوم رد للحرب واغسل عارهه
ــــــــــــــــــــــــــــــــــــــــــــــ
بتالي شيبي اعليك حسبت انتجي
والسوالف ضامتهن والحجي
راح تعمن يا عيوني من البجي
بحلم كون امك يالاكبر مارهه
ــــــــــــــــــــــــــــــــــــــــــــــ
شما حسبت احساب وكتي وياه ويخون
عايشة امك بين حسبات الضنون
السافرو يا گلب ما ضنهم يجون
بلكي تلفيني وتحن لدارهه

الخادم احمد داود

#تراث

وين الفاجده الشبان وين الضايگه اللوعه
هاي ام جاسم العريس بالعريس مفجوعه
ـــــ
وين الفاجـــــده الشبــان خــل وياي تتعنه
لأم جاسم نريد نروح نساعــدها على الونه
ونرد الحوفة العريس ونجيم بحوفته حنه

ونلگه ام الشباب اتجـول
على بنها العگـل مذهـول
وتتنعه على الولد وتكول

يشمامة المن سباح هرش الچبد مگطوعه
ـــــ
لگينه ام الشباب اتجول وگمنه نجول وياها
ام وفاجــــده اعله النــوح مايحتاج ننخاها
اولگينه شمعت العـريس مطفيه او علگناها

وشــدينه الطم والنـــوح
ابحرگه والگلب مجــروح
ومن شفنه الولد مطروح

شفنه چثه العريس أسهام ونبل مزروعه
ـــــ
بين الطـــــم والصـايح وبين الدمـعـه والحسره
اجتهن عمت العــريس زينب شـــــابچه العشره
ولگت شمع العرس داوي وصاحت لاچن ابعبره

شنهي الشــمـع وي البين
احنه وعرس جاسم وين
لايسمع اخــــوي احسين

ومن يسمع يجي بهمه ويطفي الشمع بدموعه
ـــــ
بالله الشمع طفنه نريد اعله الولد نلطم
انه عمته وامــه وهـــــاي اموجله وتهم
للطف جيت ماظنيت اليه البين متـولم

وثبت بالدلـيــل اســهــام
وهد حيلي بعرس جسام
آيا بـــــدر ســعــدي التام

راح وصورته ضلت وسط احشاي مطبوعه
ـــــ
من ايدي بن اخـويه راح راح الچــان الي ونسه
حسبت احساب ظني خاب عمته وتفرح بعرسه
راح العرس من جسام وضلت حــســرته بنفسه

ويا حسرت بني هــاشم
المفجرعه بعرس جاسم
مبــارك عــالــثــره نـايم

وعمك يبن اخوي عليك نار وسرت بضلوعه
ـــــ
يومك يبن اخوي يوم هد حيلي ولوه جيدي
وامــك بالخيام تصيح راح الــولــد من ايدي
اريــدن موتتي ويـــــاك ياعـــــريس يوليدي

يجاسم شوف حال امك
تــلــوج وجــاعــده يمك
تخضـب راسها بــدمــك

حكها ام الولد عنها حچاية العتب مرفوعه
ـــــ
هاي امك يجاسم هــاي بيك الدهر دوهنها
سهرت ربت اوتعبت وخاب من الربه ضنها
تصيح ارباي اريد ارباي گلي اشتعتذر منها

تصيح ارباي اريد ارباي
منـك يا ضـــــوه عيناي
يجاسم مو مروّه هـــاي

تروح وضلت اعله امك دواهي الحزن مجموعه

للشاعر المرحوم
معين السباك

صفنت الوادم .. من نزل جاسم
هذا جاسم لو كمر .. علي لو يوسف حضر
من نزل جاسم .. من نزل جاسم
.........................
شبل حيدر نزل ليهم نزل والكل ارتقب
شال بتاره بيمينه يمطر عليهم غضب
اليلوحه بسيفه طايح واللي ماطايح هرب
دخل بانذار المعسكر جاسم الجان السبب
........
بعلي ذكرهمجان صاكرهم
دكت اجراس الخطر..علي لو يوسف حضر
@@@@@@@@
من برز ابن الصميده اسمع شصاير جدال
الحمزه كالو هذا اجانه واحد يكول المحال
هذا من يوسف جماله من علي فنون القتال
منو انت ما تجاوب رددو نفس السؤال
.......
الحسن آنيجف علي الثاني
هذا يوم المنتظر..علي لو يوسف حضر
@@@@@@@@
من سمع عمه ينادي صاح لبيك النداء
شلون تقبلهه اعوفك روحي الك ياعم فداء
يا ارض بعدك تلمني وانت ارضك كربلاء
ما اعوفك للمنيه صوت وتسمعه السماء
.......
فدوه الك روحيدمي وجروحي
فدوه الك هذا النظر..علي لو يوسف حضر
@@@@@@@@
بسيفه يكلبهم شمال ومره يكلبهم يمين
كام يتنخه بمحمد وبعلي من يستعين
ولهذا الغيره طفحت والعزم لا مايلين
مره بالهامه ضربته ومره يضرب بالجبين
.......
طاحو كبالهصعبه هالحاله
من الضرب سيفه انكسر..علي لو يوسف حضر
@@@@@@@@
ثار يطلبهم قديم اليوم ياخذ حيفه
المعسكر صار سكته واليسولف سيفه
ملك صار على المعاره واليموت بكيفه
هجموا على البطل كلهم والقصد تخويفه
........
عينه مارمشتايده مارجفت
جاسم بدمه انتصر..علي لو يوسف حضر
@@@@@@@@
حضرو بير المنيه رادو يدفنونه
الذيب هالمره حقيقه وآل اميه سنونه
القصد رادو قميصه بسيفهم يدمونه
بالوجه شافو محمد والحسن بعيونه
........
عمه لو يسمعروسهم يكطع
وصل يمه واعتذر..علي يوسف حضر
..................
#سيد علي المدني