ألف ألف ألف مبارك للجميع انكن خلصتو من أسوأ سنة مصيرية مرت عليكن بحياتكن.
ونشالله بشوف كل حدا فيكن بالفرع يلي فيه الخير الو ❤️❤️❤️

فرحتلكن من كل قلبي ??

هلا بقا افرحو وانبسطوا وعيشوا حياتكن ولا تفكروا بأيا شي لبعدين ❤️

د. عدنان أوغلي

طمنوني عنكن ❤️❤️❤️

منشان موضوع التظليل
رح احكي انا شو كنت اعمل وإنتو قدامكن الخيار يلي بتحبوه وبترتاحولو...

كل سؤال بتحلو فورا نقطة برصاص عورقة الإجابة... ما تعبي كل المربع هيك بتوفر وقت واذا بدك تمسح بكون سهل...
واخر شي بتحبرن بالازرق ❤️?

مراجعة الفصول من 8 حتى 12
مع كلام مهم

#مراجعة
الفصل السابع

#مراجعة
الفصل السادس

#كيف_أتذكر
أحد الأشياء التي تلعب دور سلاح ذو حدين هو صديقك.... ?
هاد الإنسان ممكن يكون شايفك عدوه اللدود وحاسدك على أي خطوة بتصير بحياتك وبيتمنالك الفشل وبيفرح فيه، وقد يكون بالعكس وبيتمنى يشوفك دائماً بأعلى المراتب...

مع أنني وعلى قناعة شخصية وبعد كثير من التجارب، مافي بني آدم بالدنيا كلها باستثناء الأهل بيتمنالك الخير وبيتمنى يشوفك بمرتبة أعلى منو وإن أظهر خلاف ذلك وتصنع الود، لهيك كونو حذرين وواعيين منيح لدائرة الأشخاص يلي حوليكن.

السيناريو حيصير كالتالي:
+ ألو مرحبا، كيفك يا سوسو نشالله بخير؟
- ولله الحمدلله ماشي الحال.
+ كيف دراستك نشالله تمام؟
- ولله مقصرة وماعم ادرس ومكتئبة ومو ملحقة، حاسة حالي رح ارسب ومارح جيب علامة.
+ يالله ولله وأنا كمان متلك وكتير نفسيتي زفت.....
وتنتهي المكالمة وبتسكر لولو صديقة سوسو وهية عايشة أمان مزيف لأنو وضع رفيقتها متلها وهيك بيمضى النهار بدون دراسة ?

خدوها نصيحة مني....
كل طلاب الطب متعودين يندبو ويشكو ويبكو ???

خلي حياتك وقراراتك مبنية عليك أنت وبس... اتفقنا؟!

موفقين ❤️

د. عدنان أوغلي

#كيف_أتذكر
قسم كبير (وأنا منكم) وقت بدي اخد استراحة بمسك الموبايل بفتح هالفيس/واتس/انستا/يوتيوب وببلش تقليب...
بوست عن الدراسة، بوست عن سردة، رييل بضحك، بوست أخبار، فيديو مقلب، صورة تريند،...... والكثير الكثير من المواضيع يلي عم تتبدل وتتغير خلال ثواني معدودة بين مفاهيم كثيرة الفارق بينها كالفارق بين الشرق والغرب.

وطبعاً دماغك مجبر يقرأ ويفهم ويترجم كل شغلة عم تشوفها أو تسمعها، ولكن متخيل أنت شو عم يصير فيه وقت تحطو بين مئات المواضيع وتقلو اشتغل؟

للأسف هاد موضوع مهم جداً ولازم يتسلط الضو عليه بشكل كبير وغالبنا يجهله.
خلال استعمالك للموبايل أنت عم تحمل دماغك جهد وحمل كبير كتير رح يستنزف طاقتو ويهلكو شوي شوي؛ وبس ترجع لتتابع دراستك حتلاقي حالك متشتت وضايع ونسيان وماعم تقدر تركز منيح عداك عن المشاكل النفسية والتخبط يلي بصير لما يحزنك بوست ويسعدك ثاني، لما يبكيك خبر ويضحكك ثاني.

صديقي العزيز ألد أعدائك بين يديك دير بالك منو واعرف مصلحتك ?

المستفيد الأكبر من ورا كلشي عم تشوفو وتقرأو هو صاحب البوست، والمتضرر الأكبر هو أنت للأسف.

ديرو بالكم على نفوسكم وعقولكم فهي أمانة بين ايديكم ❤️

د. عدنان أوغلي

متابعة لما بدأت به رح كمل بعدة بوستات تحت عنوان #كيف_أتذكر

بكل مرة رح قدم حل واقعي ومنطقي لتجاوز مشكلة النسيان ونقدر نوصل على أسبوع المادة متذكرين أكبر قدر ممكن من يلي درسناه ?

بدي اعقد معكن اتفاق مهم، وبدي الكل يكون قدو....?
لما أنت تدرس شغلة جديدة كلياً فطبيعي تلاقي حالك أول مرة بحياتك عم تشوفها وما بتعرف عنها ولا أيا شي وبالتالي همتك الدراسية رح تكون بأعلى مستوياتها هييييك لحتى تخلصها.
منجي بعد يوم او يومين لنفس يلي درسناه وأنت متوقع من نفسك انك متذكر كل يلي درستو (هيك برأيك أنت) فبتنصدم بواقع محزن أنو مالك متذكر سوى القليل وهون رح تنزل معنوياتك تحت الصفر، وبتبلش تفوت بحلقة مفرغة من اليأس والإحباط أني عم ادرس وانسى ف شو الفائدة؟؟؟

هون يا دكتور ويا دكتورة رح يكون اتفاقنا، أيا شي بالحياة منحفظو للمرة الأولى رح يعاملو دماغنا على أنو شي عابر حاله كحال أي موقف بتتعرضلو بحياتك وبيمرق وبتنساه (مو منطقي كل شغلة بتصير معك تضل متذكرها طول عمرك لأنو) ، وبالتالي رح تدرسو من هون وبعد يوم يومين بتلاقيه عنجد أنو تبخر، ووقت ترجع لتراجعو بتحس وكأنك عم تدرسو لأول مرة #وهون أرجوكم ثم أرجوكم تسايروني وتسايروا حالكن وتعتبروا الوش الثاني كأنو أول مرة وما تكتئبو أو تحسو بالفشل.

بعد ثاني وش رح يرجع دماغكن للي درستوه أول مرة ويحطو مع يلي راجعتوه وهيك رح تبلش المعلومة تفوت بطور الثبات وتطلع خارج إطار النسيان وبعد ثاني وش رح تعرفوا منيح معنى يلي حكيتو.

طيب يا دكتور أنا وقت درست عدت الصفحة مليون مرة بنفس القعدة، وما صار متل ما حكيت ليش؟ لا يا صديقي هدول كلهن يعتبروا أول وش طالما هنن بقعدة وحدة، لازم يمر عليهن فترة وتنساهن وبعدين ترجع تراجعهن.

لو فرضنا أنو عندك حيط لونو أسود وقررت تدهنو أبيض، بعد أول وش رح يصير منظر الحيط ببكي وحتقول ياريتني تركتو على وضعو ? وهاد حالك وقت تدرس أي شي لأول مرة.
بتنطر الحيط لينشف وبتعمل وش تاني وهون بتلاقي الأمور صار أحلى بمليون مرة ولكن لسا بدها وش تالت تزبيط وهندسة، بعد تالت وش بكون اللون ثبت وأخد منظرو الحلو وهيك بتتثبت المعلومة بشكل صحيح وبتدعيلي ❤️

باختصار:
✅ دروس بتركيز وفهم وحاول بأول وش تركز على أنك تفهم منيح كتير.
✅ عيد وش تاني بعد كم يوم وركز فيه على الحفظ لأنو كلشي فهمتو رح تتذكرو دغري ومارح تضيع وقت عالفهم متل أول مرة.
✅ الوش التالت رح يكون مسك الختام يلي بعدو باذن الله ماعاد تعتاز غير قراءة سريعة قبل الفحص.
✅ كلشي بتعيدو بقعدة وحدة يعتبر وش واحد.
✅ حاول لما تعيد تنوع بأسلوب الإعادة وما يكون مجرد تكرار بنفس أسلوب أول وش

خلو دائماً معنوياتكن عالية... لكم كامل محبتي ❤️

د. عدنان أوغلي

أيا حدا فينا وقت ينجرح جرح قوي مارح يطيب منو بين يوم وليلة.
بدو فترة حتى يتعافى ويرجع متل ما كان قبل وأحسن.
لهادا السبب أنا بعذر كل واحد فيكم لسا ما بلش دراسة نتيجة التأثير السلبي لجرح الفصل الأول بعد التجربة يلي مر فيها ?

ولكن هلا ومع بداية أسبوع جديد وفترة تشافي منيحة، ما عاد في الك أي عذر أنك تتراخى أبدا، فرصتك الثانية بلشت وعليك أن تستغلها بشكل صحيح ❤️

وفي حال كنت ضايع ومو عرفان كيف تبلش ومن وين ف تعال لنبلش تشريح أنا وياك:
هون خطة تقسيم المادة عالأسابيع لتعرف كيف تمشي صح.

هون نوطة التشريح نازلة pdf حتى تتابع تدرس منها بحال عندك أو ما عندك كتاب هية رح تغنيك عنو أساساً.

افتح تطبيق بري إكس عقسم التشريح تبع الدكتور عدنان وتابع معي بالفيديوهات المجانية ولا تتعب حالك بالدراسة لحالك.

وهون في كوشة تطبيقات تشريح بتصرررع ?

وإذا لسا ما شفت مقدمة المادة والكورس المميزين فقد فاتك الكثير.

أصدقائي الأعزاء، تذكروا أني دائما موجود وبكل لحظة معكن لادعمكن ووجهكن وأعطيكن كل معلومة تشريحية بأفضل الأساليب يلي تخليكن تحبو المادة وتجيبو فيها معدل.....
بس انتو بلشوا صح ?❤️

وهلا خبروني شوفي عندكن أسئلة!

موفقين ❤️❤️❤️