حسن سعد الخيگاني
امنيتي اتكامل وصيرآ خادم ?
• { إِنَّ الَّذِينَ آمَنُوا وَعَمِلُوا الصَّالِحَاتِ أُوْلَئِكَ هُمْ خَيْرُ الْبَرِيَّةِ } للتواصل @hassan_saad_313
…….. أللهــم عـــجـل لوليـك الفــرج ……….
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 4 months ago
Last updated 6 hours ago
(1)
شچم دوب أكول العفو ربي
شچم دوب اضل الدنيه حبي
كل ليله اوعدك تايب وجاي
ومـن الصبـح راجـع الدربي
طفحت اذنوبي وانه غركان
وعنك بعيـد وادري زعــلان
غير ارجع من اذنوبي ندمان
ونبدتي صفحه جديده
وابدي دربي
ارضي ربي
لابعدُ لاذنب لاهم يحزنون
كافي عصيان
اهواي غلطان
يمته اصيرآ واحد امن المصلحون
وين
انطي وجهي بلگبر
وين
وانه عاصي من الزغر
(2)
لعصيانك انه الجنت داعي
وتشوفني اعله الذنب ساعي
ومامره من اذنوبي خجلان
ربي انه صاحب الدواهي
تنزلي رحمه وارفع اذنوب
تخجلني وانه الصلف ماتوب
اتحبني وانه لموش محبوب
ولا انه الستاهل رحمتك
فضلك اهواي
وايدك اوياي
ماعفتني وانــه عاصــي
تگلي سهلآ
ارجع اهلآ
وذنوبي كتلك گلت ماضي
اه
شكد چبيره رحمتك
اه
نعصيك وحنه بخيمتك
(3)
بكل وقت بابك عفته مفتوح
هلبت يرد العاصي مجروح
ساتـر عليـه ابكـل الاذنـوب
ماترضى يرجع لئن مفضوح
تريد اليجيك تشوف مشتاگ
مفجوعه روحه مـن الفـراگ
وتشوف گلبه امن البعد طاگ
ويرد مثل خل الخليله
كلبه حامي
الك ضامي
ومشتاگ ليام الدلال
يجي بهمه
يريد نعمه
نعمة ايام الوصال
يعيش
ضامي لمفارك هواك
يعيش
ماله احد بس سواك
(4)
ياواحـدآ مايصبح اثنين
اعليك حيدر ابو الحسنين
من المجلس اطلع ذنبي مغفور
اقسم عليك بدم الحسين
قبل باب التوبه ينسد
وكلشي يخلص كلشي ينهد
بـ محمد وألي محمد
لاتردنه واحنه عاصين
طيح الصار
ونطلع انصار
ويا ابو صالح نهد الثاره
ماله قيمه
ياهضيمه
يضهر الحجه واحنه مو انصاره
اه
ربي اوعدك بلذنوب
اه
ابعد وكليله اتوب
#اليالي_الفاطميه
#بلسان_مولاي_أمير_المؤمنين_يقول ?
(1)
الى من ناصـرآ فاطـم خذت حيلي
راحت وانه كلشي الزهره تعنيلي
من طرت الفجر حد مايـمر ليلي
احشم الوادم اعله لموت تدعيلي
بعد ماضل صبر … اكل كلبي الهجر
شنو طعم العمر … وانه بلا زهرتي
يافاطم ياهلي … بعدج ياهو الي
تره ميت علي … اه يارويحتي
يافاطمــه يافاطمــه يافاطمــه
(2)
تمرني الذكريـات واغفـه بدموعـي
انام وحلمي هم بلزهره موضوعي
وافز من نومي وارد اتعنه بشموعي
يـم بابـي وبعـد ماتعينـي اضلوعـي
وحيرآ وين اروح … أگابل من ونوح
ويصح بلسم جروح .. يهون مصيبتي
شمحلانـه سـوه … ضوه شابگ ضوه
هــوه برية هـوه … اه يــاغربتــي
يافاطمــه يافاطمــه يافاطمــه
(3)
وداعت ضلعج المكسور بجيت السمه عليه
كثـر ما وجهي لاح الگـاع واكومآ بيه مابيــه
وكثـر ما اعثـر بممشـاي دم تسيـل رجليــه
وكثر ما عل صدر دگيت لماي ثگيل بيديــه
وياخذني السهر … وعيوني مطر
يمته يحل سفر … يم ام الحسن
هد حيلي البعد .. كل ليله انمرد
گضه عمر الورد .. وماگاضي الزمن
يافاطمــه يافاطمــه يافاطمــه
(4)
تنشدني لخلكَ متعوب وضيم محمله امتوني
اكلهم راحت الزهراء يعني شلوني مالوني
يعني شلوني واني وحيد اختصر لمن يسئلوني
اكلهم ماتت الزهراء و مات الكون بعيوني
كلشي بلا حيات … ويا الزهره مات
ارى الدنيه سبات … غفت ويا الغفن
بلكت الله انام … وفز يوم القيام
على الدنيه السلام … ماخذني الجفن
يافاطمــه يافاطمــه يافاطمــه
(1)
ردت ماي
لاچـــن الله يشـــهـد مـو اشربنـه
ردت ماي
اغسل اعيوني بلكت حلم افز منه
ردت
بلكت مو غريبه وروحي يم اهلنه
بلـكـي الطـف حـلم
ومــا ميتـــه الـزلـم
ولا حــرگ الــخيـام
ولا غــربـه وشتـــم
ولا انــــه انسـبـــي
ومحــد ضــل الــي
ومجتــوفــه بحبـل
وانــــدب ياعلـــي
ومامـــش حرملــــه
وعبـدالله يــم هلــه
ولا انــــــه بهــــزل
وافتـــــر بلفلــــــه
يازيــنـب اه يـزينــب اه
(2)
تمنيت
ويا حسين هم بلخيل مسحوكه
تمنيت
جثتي ويه اخوتي اعله الترب متروكه
تمنيت
ولا لشام اطب ع هزل محروكه
عيــدو مـن اجيـت
وبحجــار نوليـــت
ماهمهــه الخلــگ
فـرحـو مـن بچيـت
وانــه كبـال اخوتـي
منـزلـــه هـامتـــي
اخافـــــآ تنلــچـم
بشوفــت دمعــتي
مازيــد الجــــرح
همه اعله الرمـح
رادو گطــره ماي
تلـگـوهـم ذبــح
زياينـــــب اه زينـــــب اه
(3)
بلمتون
سياط العده مطبوعه عله متوني
بلمتون
امن اشيل اطفالنه اعله لمتن ياذوني
بلمتون
ضيم الطف شلت ومفرفحه عيوني
حرت ياصوب اروح
ماضــل بيــه روح
وانـــه حتـى العبـا
متروسـه جــــروح
من ضيــم لحـرب
مــشـونـي بـدرب
مجتـوفــه وبهـزل
شلعولــي الكـلب
وذابحــني العطــش
من يــوم اهدعــش
وعلي تمنيت امـوت
وماصحـلي النعـش
زينـــــب اه يزينـــــب اه
(4)
اجه اليل
ما ألنـه مچــان نبـات بلهيـمه
اجه اليل
وتشوف العيون امن البجي مغيمه
اجه اليل
وكلمن كاض كلبه وحاير بضيمه
محــد بينــه نـام
لحد صوت لحمام
بلكـي الله الصـبح
نــرجــع بســـلام
ولملـــم بــل بقــه
امن اخوتي لعل ثره
وادفنهـــم بــــدي
واقـــره الفاتحــــه
ورد مــن اخـوتــي
واعيــش بوحدتـي
وتمرني الذكريـات
ورد لمصيبـتــــي
يازينـــب اه يازينــــــب اه
كلمات
حسن سعد الخيگاني
Telegram
رسؤل رياض
لشام طب ضعن الهواشم.. بـيـه زيـنـب تلگوه شتايم.. حفاي أجـت بيه الفواطم.. بميلت متن وبــلا صوارم.. #رسؤل\_رياض خويدمٌ (07835750855 ) واتساب https://instagram.com/al\_eis92u?igshid=OGQ5ZDc2ODk2ZA== أنستغرام متاح لخدمة الخدم
ياحسيـــن ! ❤️
امنيــتي اتكامــل وصيـرآ خـــادم
واخـــدم بخـــدام تخـــدم وادم
رغم ما استحق خادم ولك محسوب
بــس انتـه الحنيـن لمـاتـرد نـادم
حسن سعد الخيگاني
الرادود : محمد الجشعمي
الذاكر : هادي الكريزي
كلمات : حسن سعد الخيگاني
نفسي على زفراتها محبوسةً
ياليتهى خرجت مع الزفراتِ
لاخير بعدكِ في الحياة وأنما
ابكي مخافت ان تطول حياتي
عضم الله اجورنا واجوركم بأستشهاد حجة الله ع المعصومين (ع) وخلقه السيده الزهراء (ع)
ادخيلك يابو اتراب
چف واحد قلع باب
وانته بطرگ النگاب
ماتنگـدر
يـاراعي المياديـن
منك شمره لحسين
وجـهـك بلدواويـن
ينحط صدر
يا امير الكون خول .. انته الاول عله الاول
والزلم جواك تصهل .. يادخيلك اعيونك
بلحرب لمن تنازل .. غضب الله يعني نازل ..
الف مو واحد يقاتل .. كامو يشوفونك
علي مولانه علي …. علي مولانه
(1)
الله هــداك الفقـــار
ولموت بجفوفك صار
يلكلك شمــس حــار
ماتنطفي
حيــد امن الله نــازل
مامثــلك بعـد صــل
شايــخ عـل مراجــل
وانته صبي
خزرتك بلغيض تبتر .. ولك بصمه بكلب خيبر
منهـه شالو اسم رهبر .. صار قتال العرب
فحل من اطب تحارب .. جدمك يدوس لشوارب .. كاس عشق الله شارب .. ياثكيل لما هرب
علي مولانه علي …. علي مولانه علي
(2)
احتارت بيــك العقول
سـر مـن الله منــزول
يافحـل اعله الفحـول
ماتنعـرف
نــورك خـالـق لحـور
وجهـك ضايــ ء يفـور
يـا نــورآ علــى نـــور
ماتنوصف
ياعلي العالي شحلاتك .. محد يوصف صفاتك .. قصرو بمعرفت ذاتك .. يا أمير المؤمنين
ياعليآ عله الاعالي .. فـاز البحبـك يوالـي .. وخسر كلمن ماله تالي .. يا أمير المتقين
علي مولانـه علـي …. علي مولانـه علي
(3)
الحب حيدر هيامه
فـي يـوم القيامــه
يدخــل بسـلامــه
امن وامان
الباري خله الكرار
قاسم لجنه ولنار
موله علي ميحتار
فاز الجنان
يم علي الخادم جبير … الجنه يدخلها امير … مرتب وثوبه الحرير .. بحب علي المرتضى
ماتمس النار جسمه .. الحب علي يمشي ويدمه .. وعلي معروف اعله اسمه .. ينعم لحد الرضى
علي مولانـه علـي … علي مولانـه علـي
(4)
✍?حسن سعد الخيگاني
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 4 months ago
Last updated 6 hours ago