✨١٠ نيسان ٢٠٢٤
٢٥ نيسان ٢٠٢٤✨

في هذا الوقت
جاي أصرف هوااي وقت على التلفون وأشعر بتشتت وضياع، وأشعر بالإنزعاج حقيقةً من نفسي على تضييّعي لوقتي وخاصةً بكوني في مُقتبل العُمر ..
قررّت أترك التلفون ١٥ يوم وأفهم وضعيتي ونفسي بهاي الفترة
الغاية من ذلك ضبط الجدول الحياتي خلال هاي الأيام وكذلك نقل تجربتي هنا ألكم

ذكرت غايتي سابقاً بالتجربة

https://t.me/trchhkoifzrs/2392

ألي داخل القناة آمُل تضلون على حطتكُم أو تراجون المحتوى المنشور سابقاً
الله يوفقك الجميع ضموني في دعائكُم هذه الليله ♥️✨.

لا وجود لمعنى الحظ في حياة الإنسان
وهذا إعتقادي الخاصّ
لأن بنظري إن المعاني مثل الفرح والحُزن والغضب والإبتسامة والكثير …
ما هيَ إلا معاني محسوسه نگدر نشوفها ونلتمّسها بأنفسنا وبالمُقابيل
بينما لو نجي للحظ فما أله وجود!
أنت من رسبت في هذي المرحلة وتفوق عليك غيرك ما يعني هو محظوظ وأنت لاء
وإنما أكو فد قاعدة مُعينه هو إتبعها وأنت لاء
ويمكن الف سبب وسبب هم لو تتأملها
+ أحنا لو نظل نبرر لأنفُسنا بالأسباب الوهمية الي ما ألها وجود راح نعود أنفُسنا على التبرير بالرسوب والتبرير بالفشل والتبرير بالإخفاق
بينما الصح نعلمها شلون تستعدل وتفهم الأسباب والمُسببات وتتجنب لوم الحظ وتتفكر قليلاً، مو تقديم الأعذار ألها وفضت راحت!

أحذروا في هذا الوقت من كُل الدُعاة إلى شيء لا يتخذونه ويفعلونه
مثل الما يصلي يدعوّا الناس للصلاة ..
واليچذب يدعوّا الناس لقول الحقيقة ..
والمُحتل لدولة يدعوّا الناس للسلام والخير!!

أبتعد عن كُل الأشياء والأشخاص الي يخلونك حزين ومكتئب
الأصدقاء السلبيين والأقارب الساميّن حاول تتجاهلهم وتبتعد عنهم أشد الأبتعاد ولا تنطي لكلامهم أهمية وتديرله بال.
الأشياء مثل الأفلام الحزينه أو الشورت والريلز الموجودات على كُل منصة حالياً لا تتابعهم وأستغل وقتك بأشياء أهم وأفضل الي تمدك بطاقة حلوة خلال يومك
أنت تستحق الأفضل فأبتعد عن الأسوء ..

ويا سُبحان الله الحرام ما تقبله الفطرة البشرية وإن الشخص ضال يمارسه
بس هو داخلياً ما مرتاح ويعيش صراع داخلي وضياع مو طبيعي

تگدر تساعد الناس وتلبي أحتياجاتهُم بدون ما ترفع تلفونك وتصور !
مو أله أوثق إني ساعدت عائلة بمسواگ
أو كفلت يتيّم أو عبرت طفل من الشارع وألخ
أنت فعلاً بطل من تساعد وتخلي السالفة بينك وبين نفسك
بس مو بطل من تصور كل شيء علبو ساعدت وأنطيت وكفلت وأنا خوش واحد ..
{وَمَا تَفۡعَلُواْ مِنۡ خَيۡرٖ فَإِنَّ ٱللَّهَ كَانَ بِهِۦ عَلِيمٗا}

روي عن الصادق عليه السلام: إذا دعا الرجل لأخيه بظهر الغيب، نودي من العرش: ولك مائة ألف ضعف مثله، وإذا دعا لنفسه كانت واحدة!
نسألكُم الدُعاء ..

إلهي أَدعوُكَ مُحتاجاً، وأَرغَبِ إِليكَ فَقيراً، وأَفزِعُ إِليكَ خائفاً، وأَبكي إِليكَ مكروُباً، واَستعِنُ بِكَ ضَعيفا، وأَتوكَّلُ عَليكَ كافِياً ..