***ҚУШТАР БОЛМАҢЛАР

Ҳәр бир исти қылмай турып ойлаңлар,
Өзгениде өзиң киби сыйлаңлар,
Әўмет күлип атқа минип қалғанда,
Мурын қанатыўға қуштар болмаңлар.

Ертеңги күн не боларын ойлаңлар,
Қатты кетпей өзиңизди жыйнаңлар,
Керек болса бул гәпимди тыңлаңлар,
Мурын қанатыўға қуштар болмаңлар.

Атқа минип дүнья малды қуўмаңлар,
Қол астыңда ислеўшини урмаңлар,
Дурыс болса бул гәпимди қоллаңлар,
Мурын қанатыўға қуштар болмаңлар.

Өзиңди өзгеден жоқары көрип,
Сөйлесе тыңламай пикирин бөлип,
Өзиңше мың түрли қыялға дөнип,
Мурын қанатыўға қуштар болмаңлар.

Қайтар дүнья десер бес күн жалғанды,
Көрдим көзим менен күйи тайғанды,
Алла көгертпейди ғарғыс алғанды.
Мурын қанатыўға қуштар болмаңлар.

Әмел атын жаман минсе өзгерер,
Өзгергенин тири болсаң көз көрер.
Бир күни барлығы алдыңа келер,
Мурын қанатыўға қуштар болмайлар.

Адамзат өмирге өзи аманат,
Соның ушын алмаң ҳасла жаманат.
Сизлерден илтимас әзийз жәмаат,
Мурын қанатыўға қуштар болмаңлар.

Бүгин урып сөккен жас хызметкерге,
Өзиңде хызметкер болыўын мүмкин.
Бул гәпим ат минген жас жигитлерге,
Мурын қанатыўға қуштар болмаңлар.

Ансатбай Каражанов
08.09.2024
Жиззах

Каналға ағза болыў ушын:***
http://t.me/Ansatbai

Telegram

Ансатбай КАРАЖАНОВ📝✍

Өткен өмириңди муғаллим деп бил***📖******📚******📓*** Каналға өзиңиздиң жақын досларыңызды мирәт етиң!

***АЛЛАДАН БАСҚА ҚУДАЙ ЖОҚ

Қулшылық етиў қудайға,
ийманы бардың белгиси,
Жақсылық етсең өзгеге,
бир күни болар жемиси,
Аллаҳта болмас кемшилик,
адамның болар кемиси,
Алладан басқа қудай жоқ,
Муҳаммед оның елшиси.

Қолласа Алла адамды,
даўамлы болар жүриси,
Қулыдур ҳәмме Алланың,
өлиси менен тириси,
Ийманға толы адамнан,
бийиштиң келер ийиси,
Алладан басқа қудай жоқ,
Муҳаммед оның елшиси.

Кимдур қыйын мийнетке,
келмес базда көнгиси,
Алдына қойған мақсетти,
қыйналса келер көмгиси,
Қыйналмай бирақ бахытты,
келеди екен көргиси,
Алладан басқа қудай жоқ,
Муҳаммед оның елшиси.

Қулшылық етиў Аллаға,
мусылманның белгиси,
Гейбиреўлер Аллаға,
келмес басын ийгиси,
Бирақта жақсы өмирди,
келеди екен сүргиси,
Алладан басқа қудай жоқ,
Муҳаммед оның елшиси.

Ийман ҳәм ҳүждан либасын,
келеди көплер кийгиси,
Сонлықтан өзге кеўлине,
келмейди олар тийгиси,
Иймансыз адам сәждеге,
келмейди басын ийгиси,
Алладан басқа қудай жоқ,
Муҳаммед оның елшиси.

Ансатбай Каражанов
Архивтен

Каналға ағза болыў ушын:***http://t.me/Ansatbai

Telegram

Ансатбай КАРАЖАНОВ📝✍

Өткен өмириңди муғаллим деп бил***📖******📚******📓*** Каналға өзиңиздиң жақын досларыңызды мирәт етиң!

***АДАМ ҚУНЫ

Өмир қызық, қызың ҳәмде ул менен,
Болған жақсы барлық ўақыт ел менен,
Билип қойың бул өмирде яранлар,
Адам қуны өлшенбейди пул менен.

Ҳәр ким өзиникин жөн деп тартысса,
Бундай қылық билип қойың артықша.
Адам сөз сөйлесе шубалтабермей,
Сөйлегени жақсы анық ҳәм қысқа.

Инсанға қояды Алла баҳаны,
Оған қызық емес әмел нәҳәни.
Билмесеңиз билип қойың яранлар,
Жүректе болады ҳүждан мәканы.

Өмир қызық жетип-жетпеўи менен,
Өмир қызық қатты кетпеўи менен.
Есте сақлаң бул гәпимди яранлар,
Адам қуны өлшенбейди пул менен.

Меншик емес жалған дүнья ҳеш кимге,
Билип қойың келгенсизлер бес күнге.
Ғам-тәшўишлер бәри өтип кетеди,
Қапа болмаң түсебермең түскинге.

Билсеңизлер бас ислейди мий менен,
Керек емес жүриў адам тил менен,
Ҳеш ким кетпес ол дүньяға шүй* менен
Адам қуны өлшенбейди пул менен.

Ансатбай Каражанов
07.09.2024
Жиззах

Каналға ағза болыў ушын:***
http://t.me/Ansatbai

***ҚОҢЫРАТЛЫ ШАЙЫРА ЗУЛЬФИЯ ЖИЕМУРАТОВАҒА АРНАЎ.

Қоңыратлы өткир қәлем ийеси,
Кеўлинде жоқ кир, гирбиңи күйеси,
Қосық жазып қатырып бир мақтайын,
Қосығының бар мәниси ширеси.

Узақ өмир зор ден-саўлық яр болсын,
Өмириң мазмунға бәрҳә бай болсын,
Мениң сизге туўылған күн тилегим,
Ҳәр бир исте дағы кеўлиң жай болсын.

Тилегим сол халық шайыры болың,
Узатқан жериңе ҳәм жетсин қолың.
Мениң сизге туўылған күн тилегим,
Өмирде ортаймаң ҳәмийше толың.

Илайым илҳамың дәрьядай тассын,
Барлық есиклерди тәңирим ашсын,
Мениң сизге туўылған күн тилегим,
Халық арасында мәртебең ассын.

Туўылған күниңиз қутлы болсын қандай жақсы тилеклер болса бәрин тилеймен деп Қоңыратлы иниң Ансатбай Каражанов
02.09.2024
Жиззах

Каналға ағза болыў ушын:***http://t.me/Ansatbai

Ғәрезсизлигимиздиң 33 жыллығы мүбәрек болсын!

Ансатбай Каражанов телеграм каналы барлық ўатанласларымызды ғәрезсизлигимиздиң 33 жыллығы мүнәсибети менен қызғын қутлықлайды. Елимиз тыныш, аспанымыз ашық болсын!

http://t.me/Ansatbai

#Таңғы *тилек

Ассалаўма әлейкум! Қәдирдан ықласбентлерим, атқан таң мүбәрек болсын.
Күниңиз мазмунлы өтсин.

Өмиримиздиң атты және бир таңы,
Таң атыў күн батыў өмирдиң заңы,
Таң азаннан мениң тилер тилегим,
Ҳеш ким аўырмасын, саў болсын жаны.

Ҳәммениң көксинде соқсын жүреги,
Орынлансын арзыў әрман тилеги.
Дуўаға қол жайған барлық инсанның,
Талмасын ҳеш қашан қол ҳәм билеги.

Көкте күлимсиреп қуяш нур шашсын,
Меҳрибан тәңирим жолларың ашсын.
Мениң таң азаннан тилер тилегим,
Елимниң халқымның дәўлети тассын.

Ансатбай Каражанов

Каналға ағза болыў ушын:*http://t.me/Ansatbai

**ТАҢҒЫ ТИЛЕК

Ырысқыңыз пүтин наныңыз қалың,
Болсын саў саламат аманат жаның,
Деймен, жақсы тилек тилеп сизлерге,
Қутлы болсын халқым бүгинги таңың!

Қуўаныш ҳәм шадлық болсын жолдасың,
Ҳеш ким өзлериниң орнын жоймасын,
Тилекти жоллайын азийз заманлас,
Сизлерди Алланың өзи қолласын!

Ойлаған ойларың жақсылық болсын,
Бахыт әўмет келип басыңа қонсын,
Жақсы нийет пенен үйден шыққанның,
Мәртебеси асып ырысқы толсын!

Кеўилди ҳеш қашан қара баспасын,
Үйлерден берекет пайыз қашпасын,
Сизлерге жаманлық тилегенлердиң,
Ойлаған мақсети иске аспасын!

Ансатбай Каражанов
архивтен

Каналға ағза болыў ушын:**https://t.me/Ansatbai

***ӘМЕЛ АТЫ-2

Барғың келсе егер өмирде көпке,
Адам түўе азар бермегил шөпке.
Егер жәмийетке түпирип қойсаң,
Басқаға қылғаннан пайда жоқ өкпе.

Сәл нәрсеге адам етселер өкпе,
Бир күн келип шығып қалады шетке.
Лаўазым атының зорын минсеңде,
Ҳеш қашан бирадар өзиңнен кетпе.

Жалғыз аттың шықпас ҳеш қашан шаңы,
Көплер билсе, көплер билмейди аны*.
Бир күн келип минген әмел атының,
Ери аўып кетсе билинер ҳалы.

Мийўалы ағаштай болсаңлар ийик,
Болады мәртебең оғада бийик.
Әмел атын минип өзгерип кеткен,
Бир күн келип өзи қалады күйип.

Қатты кетсең әмел аттың аяғы,
Тақыр жерде музқаладай таяды.
"Жигитти сынасаң әмел берип көр"
Деген гәп бар даналардың баяғы.

Ансатбай Каражанов
24.08.2024
Жиззах қаласы

Каналға ағза болыў ушын:***
http://t.me/Ansatbai

***Аманбай Орынбаев «Меҳнат шуҳрати» ордени менен сыйлықланды

Қарақалпақстан Республикасы Жоқарғы Кеңесиниң Баслығы Аманбай Орынбаев «Меҳнат шуҳрати» ордени менен сыйлықланды.

Тәрбиясын алып ата-ананың,
Усы дәрежеге жеткениң бахыт,
Қаҳарман боласаң қуда қалесе,
Аллаҳ қоллап турса буйырған ўақыт.

Алла өзи япырмайдан сақлағай,
Халық сени барлық ўақыт жақлағай,
Ана Ўатан қарақалпақ елиниң,
Ығбалы оянып бахыты жатпағай.

Алла несийбеңди молынан бергей,
Орденлер изине Орденлер ергей,
Көксиңе Орденди таққаннан дәрриў,
Әмиўге тасқынлап ылай суў келгей.

Ҳәммегеде жағыў қыйын ырасы,
Адамныңда болады кир, ыласы.
Сиз басқарған қарақалпақ елиниң,
Қудайым сөнбегей ҳасла шырасы.

Буның бәри ата-анаң дуўасы,
Болғандурсыз өзиң оның гүўасы,
"Меҳнат шуҳрат" орденнен кейин
Орденлердиң болаберсин жалғасы.

Алтын-жулдыз Өзбекстан Қаҳарманы болыўыңызға тилеклеспен.

Ҳүрмет пенен Ансатбай Каражанов

Каналға ағза болыў ушын:***http://t.me/Ansatbai

Аңсатбай Қаражанов достыма шексиз миннетдаршылығымды билдиремен!!! Илхам йошың таса берсин жора!