بعيد : من التصنع ، والتكلف ، والكلام الجاف
‏أقول اللي يجول بخاطري .. وأترجم شعوري

‏عرفت : إن الشعور أعمق وأجل من الوزن والقاف
‏ولقيت : إن صوت صدري مايشابه صوت حنجوري

‏تركت اللي يمرّه فالظلام الساري الحوّاف
‏وأخذت من النهار اللي كشف وجه الثرى ، نوري

‏تبـيّن جرتي بالوادي الموسوم .. والمشراف
‏معا سرب الطيور العابره .. ماطارت طيوري

‏ماني بمدوّر اللي يسمع بذكره ولاينشاف
‏ولاني واقفٍ في موقعٍ مايعرف حضوري

‏ورى وجه الكتاب اللي تشوفونه بدون غلاف
‏ربيع الجنة الخضرا : عسل سدر , وزهر جوري

‏لو بوّصف المشاعر .. جايز التبذير والأسراف
‏ولا من حقي أكنز جوهرة عمري وبلوري

‏كتبت أطراف صوتي في طريق العاشق الميلاف
‏وقدمت لمجاريح الليال البارده شوري

‏ورى الألقاب والنور الصناعي مارسمت أهداف
‏مع إني قد نحت صخور نجد براس باكوري

‏ولايخذلني اللي لاكتبني : يكتب إسمي حاف
‏ولايزعلني اللي في طريقي طوّفوا .. دوري

‏ماني محتاج : للتصفيق ، والتعليق ، والإنصاف
‏وأنا أحس الليالي والنجوم البيض جمهوري !

يا حاسدي حتى على لبسة الكوت
وشلون لو تدري وش الله عطاني

والله ياشهب المقادير ماتعرف تروف
‏ماشيه على البنادم زعل ولا رضى

وجودي يوم راحت من يدي و أنا طويل ذراع وجود الشايب اللي برّ بعياله و باروا به

يالليل الشتاء لا تكشف الخافي المستور
‏وتنّـجح طرف كبد من الهجر مستقّـيه

‏طواري غرام وفلم ذكرى ودقت زور
‏وروحٍ من صدوف المقادير مشتقيّه

‏مريض الهوى لا يمكن يعالجه دكتور
‏ولا ينفعه فحص استشاري ولا رقيّه

‏يسولف وهو لاهوب داله ولا مسرور
‏وتقى رمش عينه ،، دمعة الفقد متقيّه

يا رفيق الذكريات ويا شريك فؤادي
‏كل ظنٍ فيك ظنيته؟ تجي من فوقه

‏يتسلل صوتك من الذاكره وينااااادي
‏لين يفتق جوفي اللي كنت أخيط فتوقه

‏ايييه يا لبيه، يا موتي، ويا ميلادي
‏-جعل حزنٍ مرني ما تونسه وتذوقه-

‏يا وقودي وإندفاعي بالحياة وزادي
‏يا حشاشة جوفي وقلبي ودم عروقه
♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️

قدرك رفيع وسيرتك بالسماء برج
أنت النعم و الزود في كل طاري
ما شككوني فيك نقالة الهرج
كنك حديث قد رواه البخاري

ولازال الأمل موجود والدنيا مدار أفلاك
‏هذا نجمٍ تسرّحه الشموس وذا تضوي به

اقدح وخل الطيش يلطم على الطيش
ترى الضعافة ماتجيب المراهيش

صار قلبي بعد فرقاك خط مسافرين
‏يدهلونه بس مامنهم اللي .. يستقر