مسااءوو شباب كانو اليوم ما حدا بعت حل ولا تحدي؟؟????????

عاملتلكن ملف للوحدة الاولى بالعلوم (العصبية + المستقبلات+الهرمونات) ملف مهم جدا جدا جدا
هالملف كلو اتمتة و وقت تراجعو بالامتحان راجعو بطريقة الاتمتة لان لح تتذكرو جواب السؤال دغري بغض النظر ع نمط السؤال و كلنا منعرف لي مفي داعي نشرح ??‍♀️
المهم حطولي قلوب ????
بس يصيرو فوق ال ٢٥ قلب لح نزللكن ياه اذا ما صارو مالح نزلو ??

دائما بعد التعب تأتي الراحة ، فلا تتذمر من الصعوبات التي تواجهك ، واجهها و تحداها وشد جميع قوتك ضدها فأن بعدها راحة وسعادة
إن شاءالله.
موفقين اخواتي ???

?  #بوست_هام_جدا_جدا

الجزء الأول

??
(هدا الشهر) في عندكن كتير نقاط لازم تركزوا عليها وقسم كبير كان هاملها خلال الشهور الماضية انا متأكد من هل شي:

? الفرنسي يا جماعة حاج تهملوها ولله هيك مابصير
على عيني في قسم منيح رايح يفاضل ع الانكليزي
بس انت شو ضامنلك انو خلص رح تسكر الانكليزي 300 بالعلمي او 400 بالادبي

بلكي كنت تعبان او مريض لا سمح الله قبل وقت المادة او بلكي ظروف القاعة ماساعدتك

انت كطالب بكلوريا لازم تحسب حساب لكلشي
ويلي مابيحسب مابيسلم لك روحي❤
لذلك بتمنى من الاغلبية يبلشو بالفرنسي هل شهر وبتخلص معكن هل شهر اذا درستوها منيح
ومانها مادة كثيفة متل باقي المواد
نحن بنحب الانكليزي اكتر من الفرنسي لعدة أسباب:
1- بلشنا انكليزي ع بكير ونحن صغار عكس الفرنسي من السابع
2- الانكليزي متداولة اكتر بكتير من الفرنسي بالحياة عنا ووين مابنروح كلو انكليزي او عربي
3- اغلبنا ماكان بيدرس الفرنسي منيح بالسابع والتامن والعاشر والحادي عشر لانو خلص في فكرة انو هي اللغة اختيارية بالمفاضلة

لهيك عنا ضعف كبير بهل مادة
بس مو شرط تتقنوها لتجيبو فيها علامة
بالاخير عندكن 200-240 علامة من 300 بالفرنسي فيكن تجيبوها بدون ما تكون من مرسيليا ترا!!!! والباقي بيعتمد ع تعبك فيها وهل قصص

? الوراثة بالعلوم لحدا يقول ولله خلص بتركلا كم ساعة وبدرسلي من شي مكثفة هل كم مسألة وخالصين
الوراثة مانها صعبة صح هل شي
بس بدها تدريب صراحة❤
لذلك درسوها هل شهر وتمكنوا منها حرام تضيعوا 50 علامة من 300 هيك
هي اذا ما اجاكن اسئلة نظري كمان منها

? المواضيع ياجماعة نزلتلكن بوستات عنها وقلتلكن بلشوا تمكنوا منها
بحيث ماتاخد منكن وقت
انو مو مثلا ولله بدي اقعد ادرس 8 مواضيع انكليزي هلا وبدي حطلها 5 ساعات
حرام هيك ولله

خلص لنفرض بدك تنام الساعة 1 بالليل
خصصلك يومين بالاسبوع او 3
من ال12 لل1 بليل درسلك موضوعين او تلاتة وخالصين❤
وهيك وضل عيد فيها لوقت ما تبلش اول مادة❤❤

?لازم تزرع فكرة مراجعة المنهاج زرع براسك وبدك تتقبلها ان حبيتا او ماحبيتا لانك مجبور تعيد المنهاج
مجبوووووووووور❤❤

?باقي المواد: الأدبي والعلمي بتلاقي قسم من الطلاب ضايع بالنوط
في قسم من الطلاب بيقعد يحط نوطتين وتلاتة والكتاب
شو هل تنوع بالمصادر!!!
اي شو عم تعمل " حلقة بحث "???

خلص شوف انتقي نوطة وكتابك
الكتاب المصدر الاساسي والرئيسي واذا مافهمت فكرة منو شوف شي نوطة شارحتا منيح وخالصين

مابدا كل هل تعقيد ولله❤❤
بسط الامور بسطها

منشوفكم بالجزء الثاني??

?عم تعاني من ضياع الوقت?؟
وبدك برامج متنوعة لدراسة المواد ?؟
وبدك خطة مضمونة لتوصل لحلمك 2900? ؟
?الحل عنا ?:
جمعنا كل قنوات البكلوريا برابط واحد
مكتبة من أهم القنوات التعليمية في سوريا ⬇️
https://t.me/addlist/KtWfEzLQLlNhZmFk
?سارع بالانضمام قبل الحذف?

كل ما في الأمر أن النجاح يحتاج لمحاولات  محاولات مستمرة  لاتتوقف
إياك أن تنطفئ وأنت نجم يتوهج لحلمه
في كل محاولة هناك احتمالين ✌️ النجاح أو الفشل ! وإن كنت تريد النجاح فإن كل فشل سيدفعك إلى محاولة جديده ?****

#الكيمياء ??

الكيمياء متل ما بشوفوها كل الطلاب هيي بالفعل مادة سهلة وعملية والوصول فيها للعلامة الكاملة مو صعب أبداً، النظري والعملي مترابطين ( مافيها نظري غير أجزاء بسيطة لا تُذكر )
والكيمياء مادة حركية تحتاج الممارسة ،ليست غامضة ولا فيها تعقيد مجرد ما قرأنا المسألة وطالعنا معطياتا فرطت المسألة وقانون وتطبيق مباشرةً + مو شرط يكون عنا أساس من سنوات سابقة بالمادة لأن كل وحدة منفصلة عن الأخرى بكفي نتابع ونفهم شو عم يصير بكل وحدة.

كتاب الكيمياء بمنهاج البكلوريا بيتألف من 5 وحدات5⃣ ، رح نحكي لمحة صغيرة عن كل وحدة:
1⃣الوحدة الأولى (الكيمياء النووية): هالوحدة بتحكي عن النواة والذرة والالكترونات بشكل عام + أنواع التحولا النووية ⚠️ والجسيمات اللي بتطلع من كل تحول
وفينا نقول مسائلا جدا سخيفة وسهلة يعني كبداية للمنهاج موفقة ومحفزة للطالب انو يستمر وما يخاف ابداً من المسائل.

2⃣الوحدة الثانية (الغازات): نظرياً بتعتمد على العلاقات بين حجم الغاز وضغطه (قانون بويل)، أو حجم الغاز ودرجة الحرارة (قانون شارل)، أو ضغط الغاز ودرجة الحرارة (قانون غاي_لوساك)، أو عدد مولات الغاز وحجمه (قانون أفوغادرو)،
وفي بهالوحدة استنتاج مهم غالبا بيجي ٩٠%  يلي هوي استنتاج قانون كثافة الغاز،
المسائل بهي الوحدة كلها بتعتمد على قانون الغازات العام ومافيها أي صعوبة .

3⃣الوحدة الثالثة( حركية التفاعلات الكيميائية): أو متل ما تسمى بالعادة الكيمياء الحركية والاسم لحالو مُتعة ، هالوحدة بتحكي عن درسين يلي هنن:
♡سرعة التفاعل الكيميائي: بيحكي هالدرس عن علاقات السرعة V بشكلين (وسطية ولحظية) وخلال العام بتعرفو الفرق بيناتن ?، وبالنسبة للمسائل بقلك ليكن لدينا التفاعل الآتي.....
وبشكل مختصر وخاص طلبات رئيسية ومكررة احسب السرعة (وسطية او لحظية) طبعا من خلال القانون ، اكتب عبارة استهلاك وعبارة تشكل و.....الخ
وملاحظة مهمة السرعة ما بتطلع سالب ❌ ??
♡التوازن الكيميائي: على مبدأ درس السرعة تماماً (استهلاك وتشكل و.....الخ) بس ما في عبارات سرعة انتبهوا?❤️

4⃣الوحدة الرابعة( الكيمياء التحليلية): رح احكيلكم عنها بسرعة بدون تفصيل لأن طويلة شوي?
فيها ٣ دروس: الحموض والأسس و المحاليل المائية للأملاح و المعايرة الحجمية
هدول الدروس متعلقين ببعض يعني بدنا نفهن بالترتيب وما نسبق شي على شي من حيث المسائل
بالنسبة للنظري ممكن عنا سؤال (حدد الحمض والاساس والحمض المرافق والاساس المرافق حسب لويس) ومعلومة هيك عالماشي لوجه الله ? " كل حمض الو اساس مرافق، وكل اساس الو حمض مرافق)  وهيك يعني...

5⃣ الوحدة الخامسة(الكيمياء العضوية): الوحش?
لا مسخرة عنجد ما بعرف ليش عقدة عند معظم الطلاب ?‍♂?‍♂ مع انو اسهل وحدة هيي العضوية
طيب ليش عقدة؟ لان من عادات وتقاليد الطالب يماطل عهي الوحدة لآخر شي لوقت يمل ويصير يقول ما بقدر و..... يعني تابعو متلا متل اي وحدة بالكتاب وملخصا لهالوحدة انك تعرف تميز بين ٥ شغلات (الاغوال ، الألدهيدات، الكيتونات ، الحموض الكربوكسيلية ، الأمينات) ?‍♂
كل وحدة فيهم الها صيغة بس هيك ?‍♂?
بالنسبة لمسائلا متل كل سنة بوصلو الطلاب لآخر العام استاذ في مسألة عضوية؟ واستاذ العضوية بتجي؟ واستاذ واستاذ و.....
عمي العضوية لا تتركوها تابعوها ولا تعرضو نفسكم لهاد السؤال بآخر العام ?‍♂
وبتجي او ما بتجي لا تهتمو روحو واثقين من نفسكم ومخلصين منهاجكم..

هيك حكينا ملخص عن كتاب الكيمياء بشكل سريع، يارب يكون هالحكي مفيد لكتير طلاب

بعض النصائح والأخطاء اللي بيوقع فيها الطالب والأسئلة اللي ممكن تخطرلو:
□الخطأ كما ذكرت سابقا بوحدة العضوية بشكل خاص انو الطالب بيتركا لشهر الانقطاع او لقبل الفحص لا هالشي جدا غلط وبعرض الطالب للقلق والحيرة وبروح عالفحص مو مطمن من معلوماتو
وبشكل عام لا تراكمو المادة ابدا دراستا جداً ممتعة وسهلة فقط متابعة وكل درس بدرسو ?
□شو عدد الساعات يلي ندرس فيها المادة ؟ أو كم يوم بالأسبوع ندرس فيهم المادة؟
كما ذكرت المادة بدا متابعة وكرأي شخصي ٣ ايام بالاسبوع كافية لمراجعة المادة بمعدل ساعتين بكل يوم ( طبعاً ما عدا دراسة الدرس بعد ما ناخدو مباشرة)

نشالله كون قدرت جاوب على الاستفسارات اللي عم تدور براسكم وعطيتكم لمحة حلوة ومفيدة عن المادة الممتعة والحركية

وقت الاختبار انتهى ??
ان شاء الله تكونوا استفدتوا وحليتوه منيح .
بعتو الحل هون ?@wajd90_bot?