Robbim, bogʻlangan hamma nikohni hayrli va jannatda ham davom etadigan qilgin.
Baraka va sevgi yogʻdirgin bu nikohga.
Sen uchun boʻlsin hammasi.
İkkimizdan ham rozi boʻlgin.

Robbim, Seni yoʻqotishdan, Senga osiy boʻlishdan juda qoʻrqaman. Meni Oʻzingga yaqin qilgin. Hozirda yer yuzida barcha tirik insonlar ichida eng sevimli bandang men boʻlay. Har bir amalim Seni xursand qilsin. Seni yaxshi koʻrishni oʻrgatgin

Robbim, dunyo qoʻlimga kelsin, qalbimga kirmay

Robbim, bilganlarimga Oʻzing rozi boʻladigan qilib amal qildirgin

Robbim, hayrsiz boʻlsa hayolimga ham hayotimga ham kiritma. Senga bu juda oson.

Robbim, mazlumlarga nusrat bergin. Zolimlarga kifoya qil. Bizni zolim va mazlum ham qilmagin

Robbim, meni yaxshi koʻr, men Seni yaxshi koʻray. Qalb Senga boʻlgan muhabbating bilan toʻlsin, unga dunyo sigʻmasin

Robbim, menga hadlarimni bildir va unga toʻliq amal qildir. Va boshqalar ham menga haddidan tashqarida muomala qilmasin. Qalbimdagi bu kibrni oʻldir.
Robbim, hammadan mehribonim, qalbimni olib, Oʻzing poklab soʻng qaytrib bergin. Robbim, meni bunday tashlab qoʻymagin. Oʻzingga yaqin qilgin. Meni yaxshi koʻrgin. Eng eng sevimli bandalaring safida qilgin.